Hibru 2:6 - Fhe Bakɨmen Kaman Kameŋ

⁶ Fhe Bakɨme buni vhuuiŋ ki gavar, guma mbe khaŋ suaŋgi, “Nza ram muuŋgi gumgi, maaŋ muuŋgiap ndu nza ndɨkndɨgi? Nza fhura ki ntɨɨri ma. Ndu thaaŋ nzuav tuituigiap nza gari?

Hibru 2:6 Iomraidhean Croise

Ruk Khergi Kaman Vhuuŋ 1:68

“Fhe Bakɨme fhum guarara mba kamen wo kamthooŋ gumgir ŋaari ga suaŋgim, mbe ne bun suaŋgi. Nza Isreriŋ Guma Bakɨme zɨ ndiv vun kuamkuarga. Ana taagip wo gumgi gu mbigi ndir saŋv zɨrga. Ana won ŋaara guma Devit, anan nzɨga mbe taagi nza ndirga guman ŋkasŋka the tegɨrga. Ne ntige khar hɨr za mbui.

Ruk Khergi Kaman Vhuuŋ 1:78

Fhe Bakɨme guigira nza kora muuŋgi. Ana maaŋ muuŋgiap ana vhɨra Hevenan kav, ana shɨrigi ra sararim, ana nza han zirɨrga.

Ruk Khergi Kaman Vhuuŋ 7:16

Ana taagia wo niamuuŋ han vuim, mba gumgi gu mbigi vhɨrve Fhe Bakɨme ŋkasŋka bakɨme gangiap, mben ndavi mbe khavgim, mbe Fhe Bakɨmen zɨ ndi vun kuamkuagi. Mbe ana zɨ ndim vun kuamkuav khaŋ nzuai, “Fhe Bakɨmen kamthooŋ guma ŋkasŋka mbe ntige nzan rɨgar hɨgi. Fhe Bakɨme ntige won gumgi gu mbigin kurkura zav zɨgi.”

1 Tesaronaika 4:6

Nde wari tɨgap guigira Zisas khothɨgi gumgi, nde mba tɨvi mbatɨgir mben muuŋv, mbe guiguigip, mba tɨvir mben muuin muuŋ thari. Nza fhum kama havharar khaŋ nde suaŋgi, Guma Bakɨme mba khesharigi tɨvi ga mbui gumgi, ana muumbara mbatɨgar mben muuŋgirga.

Hibru 4:4

Fhe Bakɨme buni vhuuiŋ ki gavar ŋana muen, ana harathɨgi raa ga nzuai. Mba kameŋ khaŋ nzuai, “Fhe Bakɨme harathɨgi raar, ana wo muuŋgi ŋaari garim, nta za vhɨzgim, ana mba harathɨgi raar, ana vhuksuegi.”

Hibru 5:6

Mba harigi ŋana muen Fhe Bakɨme vhɨra khaŋ nzuai, “Ndu na rotu gari guma kɨv, ndu zazera mbara muuŋgip kɨrga. Ndu Merkisedek Fhe Bakɨme rotu gari guma kegi farar muuŋgirga.”

1 Pita 1:11

Fhe Bakɨmen Ŋina Ŋaar, Fhe Bakɨmen kamthooŋ gumgir vhen kav, ana mbe rugim, mbe mba Krais ndirga simtɨgi, mbe nta bun nzuai. Ana mba simtɨgi ndigip, ana zumgum zɨ bakɨme ndigirga. Mba Fhe Bakɨmen kamthooŋ gumgi vhɨra khueŋ nzuav nzai, “Mba taagia nza ndirga guma, ana rasɨ tugar hɨgɨrie? Thagɨna bigɨn mba tugar hɨgɨrie?”