Hibru 10:1 - Fhe Bakɨmen Kaman Kameŋ

¹ Nza Fhe Bakɨme Moses ga nɨɨŋgi tɨvi, nza ntan piin kav, nza khaŋ muuŋgi ganganan nta mbui. Nta zumgum hɨrga bigir vhuuin panpan gu ntan ntuu ma. Nta tuituigiap mba bigir nza khɨvigi fhuvara. Fhe Bakɨme Moses ga nɨɨŋgi tɨvi khaŋ nzuai, mbe zazera mpari tugɨra tɨgap, mba khesharigi ofari ga mbui. Maaŋ muuŋgiap, nza kaŋgi, mba Fhe Bakɨme Moses ga nɨɨŋgi tɨvi, nta Fhe Bakɨme Phenan zi gumgi gu mbigi, nta za mbe ndi thɨgar mbararga tuktɨgi fhuvara.

Hibru 10:1 Iomraidhean Croise

Khe Por Romiŋ Ndi Khergi Gap 8:3

Mba Moses suaŋgi tɨvi, nta nza muuŋgi tɨvi mbatɨgi vhɨzgirga tuktɨgi fhuvara. Ne khaŋ muuŋgi, nzan ndava vur, ana Moses suaŋgi tɨvi zɨn vui ŋkasŋka ki fhuvara. Mba Moses suaŋgi tɨvi muungeŋ tuktɨgi fhuv bigeŋ, Fhe Bakɨme nduara mba bigeŋ muuŋgi. Fhe Bakɨme nduara won Kama sarigim, ana kha nuianan zergi. Ana kha nuianan zergap, guma guara gegap, nza kha nuianan kav tɨvi mbatɨgi ga mbui gumgi, ana nzara fara muuŋgi. Ana nza muuŋgi tɨvi mbatɨgi vhɨzɨ zav zergi. Fhe Bakɨme ana fhava tɨn nza muuŋgi tɨvi mbatɨgi ga nzuav, ntan ŋkasŋka, ana nta vhɨzgi.

Korosi 2:17

Mba bigi, nta zumgum hɨrga bigɨr ntuu ma. Krais, ana guigira bigɨna guar ma.

Hibru 10:22

Ana wo vɨzɨn nza ndavi vheri buiŋgi fara muuŋgi. Ana nza muuŋgi tɨvi mbatɨgir simtɨgi vhɨzɨr zav maaŋ nza muuŋgi. Ana maaŋ nzan muuŋgirim, nza kaŋgi, nza Fhe Bakɨme nɨman ŋgarigi. Ana guigira khɨrgia khomara gangi mbɨn nza fhavi ruagi. Maaŋ muuŋgiap, mba nza ndavi vherir ki guiguigi tɨvi, nza za nta vhararim, nta nza thav sari. Nza guigira Fhe Bakɨme khothivɨv, guigira ana hara ŋgɨrga.

Hibru 7:11

Fhum Isreriŋ ndigi tɨv, mba tɨv khaŋ nzuai, “Mbe Rivaiiŋ, mbera Fhe Bakɨme rotu gari gumgi kɨrga.” Maaŋ muuŋgiap, mbe Rivaiiŋ, mbe Fhe Bakɨme rotu gari gumgi kav, mbe mba gumgi gu mbigir muuŋgirim, mbe nzerarga, Fhe Bakɨme thaŋ suaŋv, harigi guma the suaŋrim, ana zumgum zɨv, Fhe Bakɨme rotu gari guma kɨv, Merkisedek farar muuŋgip kɨv, ana Aron farar muuŋgip kɨrga fhu.

Hibru 8:5

Kha nuianan Fhe Bakɨme rotu gari gumgi ŋgari. Fhe Bakɨme Phen, ana guigira mbu Hevenan ki. Fhe Bakɨmen Sher Phen, ana Fhe Bakɨme Phena tum gum anan panpan ma. Fhe Bakɨme, Moses ana rotur muunga Sher Phena ndi fɨr za suaŋgi kameŋ fara muuŋgi. Fhe Bakɨme khaŋ ana nzuai, “Ndu mba Sher Phenan muun saŋv, ndu mba mbɨkshɨman gu ndu khɨvigi Sher Phenan tum, ndu ara farar muuŋgi nen muuŋgiri.”

Hibru 9:11

Krais ntige zɨgi. Ana zɨgap, ana Fhe Bakɨme rotu gari guman pan kav, ana ntige khar hɨgi bigir vhuuiŋ gari guman pan ki. Ana Hevenan ki Sher Phena vhuuŋ guarara, ana anan vhen vergap, kɨrar hɨgi. Mba Sher Phen, ana guigira mbe mba fhum muuŋgi Sher Phena kambarigi. Gumgi wari won farir mba phena muuŋgi fhuvara. Ne khaŋ muuŋgi, ana kha nuiana bigɨn fhuvara.

Hibru 9:23

Mba Fhe Bakɨme Sher Phenan ki bigi, nta Hevenan ki bigir panpana vhui bigir ntuu ma. Mbe sɨgi vɨzi ndiav, mba bigi ga mbuim, nta Fhe Bakɨme nɨman ŋgarigi. Mba Hevenan ki bigi guarir muuŋgirim, nta ŋgarar saŋv, mbe harigi khesharigi ofari guarira ndigirga, mba ofari, nta guigira kha sɨgi vɨzin mbui ofari kambarigi.

Hibru 9:25

Fhe Bakɨme rotu gari guman pan, ana mpari tugɨra tɨgap, sɨgi vɨzi ndiav, mba Guigi Guarara Ŋgarigi Ruman veri. Ana mba ndia veri vɨzi, nta ana vɨzɨn fhuvara. Zisas maaŋ muuŋgi fhuvara. Ana nduara vov, Hevenan vergap, nduara wo ndi ofa mbui fara muuŋgiap, wo ndi Fhe Bakɨme nɨɨŋgi. Ana tugi vhɨrver mba tɨva muuŋgi fhuvara.