Hibru 1:4 - Fhe Bakɨmen Kaman Kameŋ

⁴ Fhe Bakɨme won Kama muuŋgim, ana mba Fhe Bakɨme enseri kambarigi. Maaŋ muuŋgiap, ana vhɨra zɨ bakɨmen won Kama nɨɨŋgi. Ana mba Fhe Bakɨme enserir zɨri gum mben ŋkasŋkagi, ana guigira nta kambarigi.

Hibru 1:4 Iomraidhean Croise

Efesus 1:21

Maaŋ muuŋgiap, Krais, ana za mba ŋkasŋka ki ŋiniŋgi, ana za nta kharav vu guarara ki. Ana vhɨra za mba gumgir pani kharav, mba ŋkasŋka ki bigi, ana vhɨra mbe kharigi. Ana ntigem kha tugen zɨri ki gumgi, ana mbe kharav, ana mba zumgum zɨri kɨrga gumgi, ana vhɨra mbe kharigi.

Korosi 1:18

Ana siosan pan ma, sios ana kharɨk ma. Ana nduara zazera kɨrɨ tɨva vhuun sios ga ndɨɨi nɨɨŋge ma. Ana za kha vhɨzgi gumgi gu mbigi kharav, rimgiap, fharav khavgi guma ma. Maaŋ muuŋgiap, ana nduara za kha bigi gari guman pan ma.

Korosi 2:10

Nde Krais ntɨɨri ma. Maaŋ muuŋgiap, Fhe Bakɨme guigira kɨrɨ tɨvar vhuun nde nɨɨŋgim, mba tɨv guigira nden ki. Ana mba ŋkasŋka ki bigi gu tori gu mbarɨvi, ana za ntan ŋkasŋka mbevigim, nta za vergi. Ntan ŋkasŋka, ana ŋkasŋka kambararga tuktɨgi fhuvara. Zakɨra fhuvara! Nta ana piin kim, anan ŋkasŋka mbe gari.

2 Tesaronaika 1:7

Nde ntige mba ndi simtɨgi, ana nta vhɨzgip, vhuksur nden nɨɨŋv, vhɨra nzan nɨɨnga. Nza Bakɨme Zisas won enseri ŋkasŋkagir kov, mbe Hevenan kegɨp, kɨrar hɨrga tugar, Fhe Bakɨme maaŋ muunga. Ana vhava bakɨ guarara phorgɨ zirɨrga. Ana zirɨv, Fhe Bakɨme kangeŋ thagi gumgi gu mbigi gum, nza Bakɨme Zisas buna vhuueŋ mbararargeŋ thagi gumgi gu mbigi, ana muumbara mbatɨgar mben muuŋgirga.

Hibru 1:9

Ndu tɨvir vhuuiŋra vuzvugap, ndu tɨvi mbatɨgi, ndu guigira nta thagi. Maaŋ muuŋgiap, ndun Fhe Bakɨmera, ana ndu farasarav, zɨ bakɨme ndu nɨɨŋgi. Ana maaŋ ndu muuŋgi, ndu guigira ndikndigɨrga. Ndu ndikndigi ndikndik, ana guigira ndun khurkhur ndikndigi kambarigi.”

Hibru 12:17

Nde za kaŋgi, ana zumgum taagia won ndia bigir vhuuiŋ ndir za mbuav, ana tuktɨgi fhuvara. Iso, ana tugi vhɨrvera ana ŋgɨrkaman vhuuaŋ nzuav nzi, ana wo muuŋgi bigeŋ dorgɨrga tuktɨgi fhu.

Hibru 2:9

Nza Zisas garim, ana guigira zɨ bakɨme ndigi. Ana fhum, tuga tɨvaneŋra, ana mba Fhe Bakɨme enseri piin kegi. Ana kɨv, ana Fhe Bakɨme fhura kora mbui kora muumbarar panan, ana za kha gumgi gu mbigi ŋana ndigip rimgirga. Zisas ana zaa bakɨme ndiav rimgi. Maaŋ muuŋgiap, Fhe Bakɨme ntige ana suirav, ana vun fegap, zɨ bakɨme gu ŋkasŋka bakɨmen ana nɨɨŋgi.

1 Pita 3:22

Ana ana khavgim, ana ntigem Hevenan ndagi. Ana ndav, ntigem ana Fhe Bakɨme guva hareŋ ga perav mbur ki. Ntigem mba Fhe Bakɨme enseri gum, mba ŋkasŋka bakɨme ki ŋiniŋgi, mba ŋkasŋka ki bigi zam, mbe ana piin ki.