Hibru 1:2 - Fhe Bakɨmen Kaman Kameŋ

² Ntigem kha tugen, kha mpuu tugivigen, Fhe Bakɨme buni vhuuiŋ ana ntan won Kama nɨɨŋgi, ana won kamthooŋra mba buni bun nza nzuai. Fhe Bakɨme anan farve panan, ana kha nuian gu buiva muuŋgi. Fhe Bakɨme mba Kam, ana ana farasarigi, ana za kha bigi ndirga.

Hibru 1:2 Iomraidhean Croise

Matiu 13:39

Mba pana guma mba vhazɨgi mbatɨgi ndi mɨna fui, ana Satan ma. Mba mba vhuvuv nta ndirga tuk, ana kha nuiana gu buip vhɨzɨrga tuk ma. Mba ŋaara gumgi, mbe Fhe Bakɨme enseri ma.

Matiu 17:5

Pita mba bunin ana nzuavra kim, guigira ŋgarav gari buiva hura mbige zav mbe vharigim, guma mbe mba buiva hurige vhen kav khaŋ mbe nzuai, “Khe nan Kam ma, gu guigira ana vuzvugiap, anan ndikndigi. Nde ana buni mbararari!”

Matiu 21:38

Ana ne suaŋgiap, ana sarigim, ana vui. Ana vuim, mba mɨnan ŋgari gumgi ana kama gangiap, nduarira khaŋ wari ga nzuai, ‘Mbur zi guma, ana za won ndia bigi ndigirga. Aria, nde zɨv, nza ana shogirim, ana rimgirim, nza ana mɨna ndigip ana vuavi mbuiarga.’

Matiu 26:63

Ana maaŋ Zisas ga nzuaim, Zisas buna thueŋ nzuai fhuvara. Ana fhura kim, Fhe Bakɨme rotu gari guman pan khaŋ ana nzuai, “Gu zazera mbara muuŋgiap ki Fhe Bakɨme zɨ zitav ndu nzuai, ndu ntigem khaŋ suaŋri, kha vun ki guma na kaŋgi guigira. Ndu Fhe Bakɨme taagia wo gumgi gu mbigi ndir zav suaŋgiap sarigi gumaeŋ? Ndu Fhe Bakɨmen Kam o, fhu?”

Matiu 28:18

Zisas mben han zav khaŋ mbe nzuai, “Fhe Bakɨme za kha Heven gu nuiana ganɨn zav zɨ bakɨme gum ŋkasŋkar na nɨɨŋgi.

Matiu 3:17

Ana ana han zerim, guma mbe kamthooŋ buivar kav khaŋ nzuai, “Khe nan Kam ma. Gu guigira ana vuzvugi. Na ndav vhee ana ndikndigi.”

Mak Khergi Kaman Vhuuŋ 1:1

Khe fharav Fhe Bakɨmen Kam Zisas Krais bun nzuai buni vhuuiŋ khare.

Mak Khergi Kaman Vhuuŋ 12:6

“Ana ntige thav garim, guma bavira ana han ki. Mba guma, ana kama gɨrgɨr ma, ana guigira ana vuzvugi. Ana thav mpuur zɨ guarara ana sarav, khaŋ nzuai, ‘Khe nan kam ma, mbe ana piin kɨrga.’

Mak Khergi Kaman Vhuuŋ 12:7

“Ana ne suaŋgiap ana sarigi. Ana ana sarigim, ana vuim, mba mɨna garav anan ŋgari gumgi ana gangiap, khaŋ wari ga nzuai, ‘Kha mɨna namkaman kam wo ndia ŋana ndigiv wo ndia bigi ndir zav mbur zi. Aria, nde zɨ. Nde zɨp, nza ana shogiri, ana rimgirim, nza kha mɨna vuavi mbuiarga.’

Zon Khergi Kaman Vhuuŋ 1:10

Fhe Bakɨmen Kameŋ ne kha nuianan ki. Mba Kamen panan Fhe Bakɨme kha nuiana muuŋgi. Kha nuianan ki gumgi gu mbigi, mbe ana garav mbe tuituigiap ana kaŋgi fhuvara.

Zon Khergi Kaman Vhuuŋ 1:14

Fhe Bakɨmen Kameŋ, ne guma guara gegap, zerav, nzan rɨgar ki. Fhe Bakɨme mba tara bavira ki. Anan tɨvir vhuuiŋ guarira gum ŋkasŋka bakɨme anan ki. Nza vhɨra ana tɨvir vhuuiŋ guarira gum ana ŋkasŋka bakɨme gangi. Anan tɨvir vhuuiŋ guarira gum kora muumbara bakɨme guigira anan ki. Ana vhɨra guigira Fhe Bakɨmen nza khɨvigi.

Zon Khergi Kaman Vhuuŋ 1:3

Mba Kameŋra panan Fhe Bakɨme za kha bigi ga muuŋgi. Kha bigɨn the harigi tuav then hɨgi fhuvara. Zakɨra fhuvara! Kha bigi zam, kha Kameŋ za nta muuŋgim, nta hegi.

Zon Khergi Kaman Vhuuŋ 13:3

Zisas khueŋ kaŋgi, Dara za mba bigir ana farvera khɨngi. Ana vhɨra khueŋ kaŋgi, ana Fhe Bakɨme han kegap zergap, ana vhɨra taagip Fhe Bakɨme han ndarga.

Zon Khergi Kaman Vhuuŋ 13:32

Maaŋ muuŋgip, Fhe Bakɨme ana panan zɨ bakɨme ndiv, ana vhɨra zɨ bakɨmen Fhe Bakɨmen Guma Guarara nɨɨnga. Ana vhɨra vhemkora mba tɨvar muuŋgirga.

Zon Khergi Kaman Vhuuŋ 15:15

Ŋaara guma, ana wo guma bakɨme mbui bigi, ana nta kaŋgi fhu. Gu maaŋ muuŋgi tɨvar nde mbuav, won ŋaari gumgir nden kaai fhuvara. Zakɨra fhuvara! Gu won Ndia han mbararagi bigi, gu za nta bun nde suaŋgi. Gu maaŋ muuŋgiap kha kakaman nde mbui, nde nan kɨvntogi ma.

Zon Khergi Kaman Vhuuŋ 16:15

Na Dara bigi, nta za na bigi ma. Maaŋ muuŋgiap, gu nzuai, ana na buni ndiv nde suanga.”

Zon Khergi Kaman Vhuuŋ 17:2

Ne khaŋ muuŋgi, ndu zɨ bakɨme gu ŋkasŋkar ana nɨɨŋgi. Ndu vhɨra kha gumgi gu mbigir pan kɨr zav ana farasarigim, ana ndu ana ndɨɨi gumgi, ana za zazera mbara muuŋgiap ki bɨɨŋbɨɨn mbe ndɨɨi.

Zon Khergi Kaman Vhuuŋ 3:16

“Fhe Bakɨme, ana Kama bavira ki. Ana guigira wo ndavar kha nuianan ki gumgi gu mbigi ga nɨɨŋgiap, ana ne nzuav mba Kama bavira, ana anan mbe nɨɨŋgi. Ana maaŋ muuŋgim, mba ana khothɨgi gumgi gu mbigi, mbe fhɨrgi rɨgɨp vhɨzgirga tuktɨgi fhu. Zakɨra fhuvara! Mbe zazera mbara muuŋgiap ki bɨɨŋbɨɨŋ ndigirga.

Zon Khergi Kaman Vhuuŋ 3:25

Zon phorga rui gumgi gum Zuda guma mbe, mbe wari phorga nzuav wari daai. Mbe khueŋ nzuav wari daai, mbe ram mbui khesharigi ruarɨr muuŋgip, mbe Fhe Bakɨme nɨman ŋgararie?

Zon Khergi Kaman Vhuuŋ 5:26

Ndia, ana zazera mbara muuŋgiap ki bɨɨŋbɨɨŋ nɨɨŋge ma. Ana ŋkasŋkan Kama nɨɨŋgim, ana vhɨra mba tɨvara muuŋgiap zazera mbara muuŋgiap ki bɨɨŋbɨɨŋ nɨɨŋge ma.

Zon Khergi Kaman Vhuuŋ 5:27

Ana Fhe Bakɨme Guma Guar ma. Maaŋ muuŋgiap, Ndia zɨ bakɨmen ana nɨɨŋgi, ana kha gumgi gu mbigi muuŋgi tɨvi ga suaŋv mbe suanga.

Zon Khergi Kaman Vhuuŋ 9:29

Nza kaŋgi, Fhe Bakɨme won bunin Moses ga suaŋgi. Mba guma, ana maaŋ kegap hɨgi? Nza ana kaŋgi fhu.”

Farasegi Gumgi 10:36

Nde Fhe Bakɨme nza Isreriŋ ana nza suaŋgi kameŋ, nde ne kaŋgi. Ana mba nza suaŋgi buni vhuuiŋ khaŋ nzuai, ‘Zisas Krais, ana za kha nuianan ki gumgir Guma Bakɨme ma. Ana mbe mbuim, mbe za Fhe Bakɨme phorgap ndava bavira ki.’

Khe Por Romiŋ Ndi Khergi Gap 1:4

Ana Fhe Bakɨme han kegap, zergap, ana Fhe Bakɨmera fara muuŋgiap ŋgarigi. Fhe Bakɨme, ana won ŋkasŋka bakɨmen nza khɨvav, ana rimgim, ana taagia ana khavgi. Ana maaŋ muuŋgim, Fhe Bakɨme khuen nza khɨvigi, ana anan Kam ma. Ana Zisas Krais, ana nza Bakɨme ma.

Khe Por Romiŋ Ndi Khergi Gap 8:17

Nza Fhe Bakɨmen tari ki. Maaŋ muuŋgiap, nza zumgum Fhe Bakɨme nzan nɨɨn za suaŋgi bigir vhuuiŋ, nza Krais phorgɨp nta ndirga. Nza ntigem maaŋ muuŋgip ana ndigi zaagi, nza nta ndirga, nza zumgum zɨ bakɨme ndiv, ana phorgɨp mpirmpirɨga vhuun muuŋgirga.

1 Korin 2:7

Nza Fhe Bakɨme zorga ki ndɨkndɨgir vhuuiŋ, nza nta bun nzuai. Fhe Bakɨme zumgum kha nuiana muuŋgi. Ana fhum wo ndɨkndɨgar, nza nzuav tuav ga muuŋgi, nza ana han Hevenan mpirmpirɨga vhuun muunga. Mba mpirmpirɨgar vhuun kameŋ zorga ki, kha nuiana guman pana the ne kaŋgi fhuvara. Zakɨra fhuvara! Mbe ne kaŋgia kake, mbe Heven gari Guma Bakɨme, mbe ana ndi khanarareŋ ga tɨga fhuge ntɨɨŋ.

Garesia 4:4

Nza kav kim, Fhe Bakɨme wo sarigi tugara, ana won Kama sarigim, ana zergi. Ana kha nuianan mbik ana tegim, ana Moses suaŋgi tɨvir piin ki.

Efesus 1:10

Ana mba muun za mbui bigeŋ khaŋ muuŋgi. Ana za kha bigi shɨman suigɨrim, nta ŋgɨp, kɨv, ana mba sarigi tugara, ana mba bigi, ana za nta fugɨp, nta ndi Krais farve khɨngirga. Ana kha Heven gum nuianan ki bigi, ana zam nta ndim ana farve khɨngirga. Krais za mba bigir pan kɨrga.

Efesus 3:9

Fhe Bakɨme fhum za mba bigi ga muuŋgiap, ana fharav wo vuzvugar muunga bigi, ana nta vhagiap ki. Ana kav kav, ana ntigem mba vhagia ki ndɨkndɨgi, ana nta bun suan zav nan farasarigi.

Hibru 1:5

Fhe Bakɨme fhum khaŋ won enser the suaŋgire, “Ndu nan Kam ma. Gu ntigem ndun Ndia ki.” Ee, Fhe Bakɨme khaŋ mba enser the suaŋgire, “Gu ndun Ndia kɨrga, ndu nan Kam kɨrga”? Zakɨra fhuvara!

Hibru 1:8

Ana khaŋ won Kama nzuai, “Ndu, Fhe Bakɨme, ndu ŋgui vhɨrve gari guman pan ki. Ndun ŋkasŋka zazera mbara muuŋgip kɨrga. Ndu tɨvar vhuuŋra zɨn ŋgɨp, won gumgi gu mbigi ganɨnga.

Hibru 11:3

Nza Fhe Bakɨme khothivav, nza kaŋgi. Fhe Bakɨme fhura nzuaim, kha buiv gu nuian hɨgi. Maaŋ muuŋgiap, nza kha gari bigi, Fhe Bakɨme nza gangi fhuv bigir nta muuŋgi.

Hibru 2:3

Fhe Bakɨme Zisas ntigem fhura taagia nza ndir zav ŋaara bakɨme muuŋgi. Ana mba muuŋgi ŋaar, ana guigi guarara bigɨna bakɨme ma. Maaŋ muuŋgip, nza kɨrir Fhe Bakɨme muuŋgi ŋaara bakɨme segɨrga, nza ram muuŋgip wari wo muuŋgi tɨvi mbatɨgi vheza ndi thav rɨv ŋgegɨrie? Nza maaŋ muuŋgirga tuktɨgi fhuvara. Zakɨra fhuvara! Guma Bakɨme fharav, nduara taagiap nza ndirgane bun suaŋgi. Ana ne bun nzuaim, gumgi mbari ne mbararagiap, mbe khaŋ nza nzuai, “Mba kameŋ, ne guigi guarara kameŋ ma.”

Hibru 3:6

Krais, ana Fhe Bakɨmen Kam ma. Ana Fhe Bakɨme gumgi gu mbigi gari ŋaar ki. Ana mba ŋaara mbuav, ana guigira Fhe Bakɨme buni zɨn vov, mba ŋaara mbui. Nza maaŋ muuŋgiap, zazera khaŋ tɨgɨp havhargip nza vhɨra harigi gumgi gu mbigir rɨvi fhu, nza Guma Bakɨme khothɨgap, ana ndikndigap, ana tɨvar vhuun nzan muun zav, nza anan rargɨ ki, nza Fhe Bakɨmen gumgi ma.

Hibru 4:14

Nza Fhe Bakɨme rotu gari guman pan vhari ki. Ana guigira ndav vov, Hevenan ndagi. Ana Zisas, ana Fhe Bakɨmen Kam. Maaŋ muuŋgiap, nza ana khothɨgap, ne bun nzuai ndɨkndɨk, nza ana suira havhargirga.

Hibru 5:8

Zisas, ana Fhe Bakɨmen Kam ma. Fhe Bakɨme fhura ana garim, ana zaa ndigim, mba tɨv guigira Fhe Bakɨme nzuai buni zɨn vui, nen ana khɨvigi.

Hibru 7:28

Moses suaŋgi tɨvi zɨn vov, mbe Fhe Bakɨme rotu gari gumgir pani ki gumgi, mben tɨvi za nzerigi fhuvara. Kha kameŋ, Fhe Bakɨme ana nduara wo zɨra zitagi. Mba kameŋ, ne Moses suaŋgi tɨvi zɨ mbugum hɨgi. Mba kameŋ, ne Fhe Bakɨme won Kama ndi fagi. Mba Fhe Bakɨme rotu gari gumgi gari guman pan, ana guigira guman tɨvar vhuuŋ ma. Ana zazera tɨvir vhuuin muuŋv, zazera mbara muuŋgip kɨrga.

Hibru 7:3

Merkisedek ndia gu niamuuŋ bun nzuai kameŋ ki fhu. Ana vhɨra anan nzɨgi gu tori, fɨgi, mbe bun nzuai kameŋ ki fhu. Ana niamuuŋ ana tegi ne bun nzuai kameŋ ki fhu. Ana rimgi tuga bun nzuai kameŋ ki fhu. Ana zazera Fhe Bakɨme rotu gari guma kɨv, ana Fhe Bakɨme Kam ki fara muuŋgip kɨrga.

Hibru 9:26

Ana maaŋ muuŋgip tugir vhɨrvera maaŋ muunga, ana tugir vhɨrvera ana zaa ndirga. Ana mba Fhe Bakɨme fharav kha nuiana muuŋgi tugen kegɨp, zaa ndi zɨv, ntige kha tuge thɨgɨrga. Ana maaŋ muuŋgi fhuvara. Ntige kha tugivigen, Fhe Bakɨme mpuu bigen nzan muun za mbui rarivigen, Krais, ana tuga bueŋra kha nuianan zergi. Ana zergap, nduara won Fhe Bakɨme nɨɨŋgiap, nza muuŋgi tɨvi mbatɨgi vhɨzɨr zav, wora ofa muuŋgi.

1 Pita 1:20

Fhe Bakɨme zumgum kha nuiana muuŋgi. Ana fhum guarara, ana taagi nde vhezgip, nde ndir zav, mba ŋaarar muun zav, Zisas farasarav, mba ŋaarar ana nɨɨŋgi. Kha mpuur rari vige hɨgim, Fhe Bakɨme nden kurkurar zav Krais ga sarigim, ana za kɨrar hɨgi.

2 Pita 3:3

Nde mba kaŋgirga bigɨna bakɨme khare, ne khaŋ muuŋgi. Zisas taagi zirɨrga tuk han mbararga, Fhe Bakɨme buni vhuuiŋ nzɨɨi gumgi hegɨrga. Mbe hegɨp, wari won ndavi vuri vuzvugi mbatɨgi zɨn ŋgɨrga. Mbe wari won ndavi vuri zɨn ŋgɨp, Fhe Bakɨme buni vhuuiŋ sɨɨŋv, khaŋ suanga, “Ana khaŋ suaŋgire, ana taagi zirga? Ana maaŋ suaŋgiap, ana maaŋ ki? Ana zirɨrga fhuvara. Nzan nzɨgi fhum kav vhɨzgim, mba tugen kegap zav ntigem, kha bigi nta fhum Fhe Bakɨme kha nuian gu bigi ga muuŋgim, nta mba ki mbugum mbara muuŋgiap khar ki.”

Khe Zut Khergi Gap 1:18

Mbe fhum khaŋ nde suaŋgi, “Zisas taagip zirɨrga tuk han mbararga, Fhe Bakɨme nzɨɨv, guigira Zisas khothɨgi gumgi nzɨɨi buni nzuai gumgi hegɨrga. Mbe hegɨp, kɨr Fhe Bakɨme segɨp, mbe won tɨvi mbatɨgira zɨn ŋgɨrga.”