Firemon 1:23 - Fhe Bakɨmen Kaman Kameŋ

²³ Khe Epafras, ana won raar vhuun ndu ndɨɨi. Ana vhɨra phena tɨvanen ki. Ŋka vhɨra wani tɨgap Krais zɨn panan phena tɨvanen ki.

Firemon 1:23 Iomraidhean Croise

Khe Por Romiŋ Ndi Khergi Gap 16:7

Nde vhɨra nan raar vhuun Andronikus gum Zuniasan nɨɨŋgiri. Mani na phorgap mani vhɨra Zuda guma gu mbik ma. Mani vhɨra na phorgav bɨnan kegi. Mani Zisas farasegi 12 thɨgi ŋaara gumgi rɨgar zɨ hɨgi man gu muuŋ ma. Mani vhɨra na nɨman fharav guigira Zisas Krais khothɨgi man gu muuŋ ma.

Korosi 1:7

Epafras mba buna vhuuen nde khɨvim, nde ne kaŋgi. Epafras, ana Kraisan ŋaara guman vhuuŋ ma. Ana nza phorga ŋgari guma ma, nza maaŋ muuŋgiap, guigira ana vuzvugi. Ana nzan kurkurav, Kraisan ŋaara vhuuŋra mbui.

Korosi 4:10

Aristarkus, ana na phorgap phena tɨvanan ki, ana won raar vhuun nde ndɨɨi. Mak, ana Barnabas ŋguk ma, ana vhɨra won raar vhuun nde ndɨɨi. Ana maaŋ muuŋgip ŋgɨp, nden hɨrim, nde ana ndikndigip, gu khar nde nzuai kameŋ zɨn ŋgɨp ana ndigiri.

Korosi 4:12

Epafras, ana vhɨra won raar vhuun nde ndɨɨi. Ana nden kɨvntok ma, ana vhɨra Krais Zisasan ŋaara guma ma. Ana vhɨra zazera khaŋ tɨgap havhargiap nde nzuav Fhe Bakɨme phorga nzuai, ana nden kurkurarim, nde khaŋ tɨgɨ havhargip mba guigira Zisas khothɨgi gumgi gu mbigi farar muuŋgip, nde guigira Fhe Bakɨmen tɨvi kaŋgip, guigira za ana vuzvugi kaŋgirga.

Firemon 1:1

Gu Por, gu Zisas Krais zɨn panan phena tɨvanen ki guma ma. Gu nza phorga guigira Zisas khothɨgi guma Timoti, ŋka kha gava khergiap, ndu Firemon, ŋka anan ndu ndi mbai. Ndu ŋka phorgap Zisasan ŋaara mbui guma ma. Ndu vhɨra ŋka khurkhuma vhuuŋ ma.

Firemon 1:9

Gu ndɨkndɨgi, gu kama havharar ndu suanga tuktɨgi fhuvara. Ŋka guigira ndavar wani ga ndɨɨi tɨv, mba tɨv ŋka kegim, ŋka ki. Gu maaŋ muuŋgiap kama mɨɨtɨgar ndu nzuai. Gu Por, gu Zisas Krais buni ndia rui guma ma. Gu mba buni ndia rui ne nzuav, gu ntigem phena tɨvanen ki.