Firemon 1:21 - Fhe Bakɨmen Kaman Kameŋ

²¹ Gu guigira khueŋ kaŋgi, ndu gu suaŋgi buni zɨn ŋgɨrga. Gu maaŋ muuŋgiap kha gava khergiap, ndu ndi mbai. Gu kaŋgi, ndu ntigem Onesimusan muunga tɨv, ana gu khar ndu nzuai tɨv, ana guigira ana kambararga.

Firemon 1:21 Iomraidhean Croise

Khe Por Romiŋ Ndi Khergi Gap 2:19

Nde kha ndɨkndɨga mbui, “Nza Fhe Bakɨmen tɨvi kaŋgiap, nza tɨvir vhuuiŋ nɨɨŋge kaŋgiap nza vhɨra buni guari, nza vhɨra nta kaŋgi. Nza tuavar mba rɨmgi mbatɨgi gumgi khɨvi gumgi fara muuŋgi. Nza mba gɨngɨnan ki gumgi, nza mben vhava ŋaara fara muuŋgiap ki. Nza maaŋ muuŋgia nza mba tɨvi vhuuiŋ zɨn ŋgɨrga tuktɨgi fhuv gumgi, nza tuavar mbe khɨvɨrga. Nza mba tari bisaŋri mparmparei ma.”

2 Korin 2:3

Nde nan muuŋrim, gu ndikndigɨrga gumgi gu mbigi ma. Maaŋ muuŋgiap, gu nden han zɨv, ndava simtɨk ndi thagi. Mba bigɨna nɨɨeŋra, gu fhum mba gava khergiap, nde ndi mbarigi. Gu kaŋgi, gu bigɨn then ndikndigɨrga, nde vhɨra za mba bigɨnan ndikndigɨrga.

2 Korin 7:16

Gu ntigem guigira ndikndigi. Gu guigira khueŋ khothɨga havhargi, nde ntigem tɨvir vhuuiŋra muunga.

2 Korin 8:22

Nza vhɨra harigi fek mbe sarigim, ana vhɨra mani phorga vui. Nza tugi vhɨrvera, nza ŋaari vhɨrvera ana mparav, nza ana garim, ana khaŋ tɨga havhargiap mba ŋaari ga mbui. Ana vhɨra guigira khueŋ kaŋgi, nde fhura wo bigi gu ŋkɨɨa nɨɨŋge vuzvugiap, tɨvir vhuuiŋra muunga. Maaŋ muuŋgiap, ana ntigem mba ŋaarar muunga vuzvuk bakɨme ki.

Garesia 5:10

Gu khueŋ khothɨgi, Guma Bakɨme nden kurarga, nde na ndɨkndɨk zɨn ŋgɨrga. Nde nan ndɨkndɨga zɨn ŋgɨv, nde harigi ndɨkndɨga suirarga fhu. Gu kaŋgi fhuvara, the nde ndɨkndɨgi ŋgi. Ne mbara muuŋ, mba guma, ana wo muuŋgi tɨva mbatɨgeŋ suaŋv, Fhe Bakɨme vheza mbatɨgar anan nɨɨnga.

2 Tesaronaika 3:4

Guma Bakɨme ndɨkndɨgar nza ndɨɨim, nza tuituigiap khueŋ kaŋgi, nza mba muun zav nde suaŋgi tɨvi, nde zam nta mbui. Nde zumgum vhɨra mba tɨvara muunga.