YOSHUA 6:4 - Bibilia Kui Mdedie fo Kimochi

⁴ Na wudo wakohanyi mfungade warie maranda hawo ha membe tsa masuwa nyi wechisongoya isanduku lilya lya mkundana. Ili mkonu fo mfungade nyi mochitengetia mṟi fo ka mfungade, kunu wakohanyiwo wechikapa membe tsawo.

YOSHUA 6:4 Iomraidhean Croise

MAWOOKIONYI 2:3

Ruwa kafuwikya mboṟa mfiri fo mfungade, kafutana mwele, kipfa Ruwa naleonyonyia kada alaṟunda iṟunda lyake lyose.

1WAMANGI 18:43

Kyasia kawia mṟundi oke, “Kedo wulalu uambuye ora lo ipalyipalyi,” Kado, kaambuya, na ihamba, “Kuwode kindo pfo.” Nao kambia, “Henda ka-mfungade.”

2WAMANGI 5:10

Elisha kamdumia mndu nambie ke, “Henda usambe kiidi kya meda fo Yordani kamfungade, na nyama ya mbihu fopfo yechikuwuuya, uheṟemke.”

2WAMANGI 5:14

Naalyo kasoka, kaarama mṟingenyi kakusoṟowitsia kamfungade kiidi kya Yordani, kirianyi na idedo lya mndu ulya o Ruwa, nayo nyama ya mbihu foke ikawa cha ya mkoku, kaheṟemka.

2MBONYI TSA MAHERI 13:12

Keambuyenyi, Mndumii-Ruwa nyio msongoru odu, na wakohanyi wake wawode omembe tsawo, nawo wakuṟeheṟie itsikapa, na iluinenga kichano kewoka shida na ikapana nanyo. Nyo wandu wa Israeli, lekenyi mulakapane shida na Mndumii-Ruwa, Ruwa o wasahuyanu. Mochiidima iwa wawinzi pfo!

2MBONYI TSA MAHERI 20:17

Nyo mochikapana shida ii pfo. Nyo kusayenyi tupu numa muwedie, nduma mochiwona ke Mndumii-Ruwa kechiwawinza handu hanu. Nyo wandu wa Yuda, mamulaowuo ma iwada makangao. Hendenyi shidenyi na Mndumii-Ruwa nechiwa hamu nanyo!’”

2MBONYI TSA MAHERI 20:19

Walewi wa kishari kya Kohathi na Kora, wakahoṟoka na iichika Mndumii-Ruwa, Ruwa o Waisraeli, ko ṟu ling'anyi mnu.

2MBONYI TSA MAHERI 20:21

Kyasia, amemaa ideda na wandu, na iidikiana nawo, mangi Yehoshafati kasambuṟa waimbi na wekapa shihia sha shiimbo, kawawasa waṟae maṟao hawo ha waimbi, na numa wasonguo osehu lo walemali, wechiimba: Anennyi Mndumii-Ruwa, kipfa wucha woke nyi wo mlungana!

YOBU 42:8

Ko ikyo duonyi mapung'a mfungade na masuwa mfungade, muhende ko mṟundi oko Yobu, muwute mwano fomanya modonyi kipfa kyanu. Na mṟundi oko Yobu nechimuterewia, na inyi njechiadanyia kiterewo kyake, na inyi njechida njilamuwutie kihiyanyi na wutondo wonu, kipfa mulededa kya lohi kinjiwaṟi chandu mṟundi oko Yobu alewuta-pfo.”

YESAYA 27:13

Nakyo kechiwa kiidi kya mkonufo, taṟumbeta iya ing'anyi yechikapo, na iwo wawei kufui na iarisika kiidi kya oruka lo Ashuru wechicha; na iwo wawei wawihitse kiidi kya oruka lo Misri; wo nyi weechiindiya Mndumii kiidi kya fumvu liele ipfo Yerusalemu.

WALEWI 14:16

mkohanyi nakape kimnyo kya owoko lo kulyo ipfo mafudenyi, hai owokonyi loke lo kumoso, naole mafudaho na kimnyo kyake ka mfungade oshangunyi lo Ruwa menyi wuitori.

WALEWI 4:6

Mkohanyi nawike kimnyo kyake ipfo samunyi naolye samuyo ka mfungade oshangunyi lo Mndumii-Ruwa.

ZEKARIA 4:2

Kanjiwesa, “Nkiki uwonyi?” Ngahamba, “Njiwonyi ipapang'ae lya taa lya sahabu lyose, nalyo liwode kitela huyalyo, na taa mfungade na kuwewode maṟi mfungade yeende mafuda kundu taa tso tsiidime iaka tsose;

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

MAITALA 23:1

Balaamu kawia Balaki, “Kenjisungusia rasionyi mfungade iya numa nonjiendie mapung'a mfungade na masuwa mfungade.”

YOSHUA 6:13

Nalyo wakohanyi walya mfungade wawerie maranda halya mfungade ha membe tsa machondi wakasongoya isanduku lilya lya mkundana lya Mndumii-Ruwa wekapa maranda halya kitsitsi. Wandu walya wawerie shisha wakasongoya isanduku lilya lya Mndumii-Ruwa na waringi wengi nduma yalyo. Maranda halya hakaengeṟa ikapo.

YOSHUA 6:3

Ambuya iyo na mbahanyi tsapfo warie shisha nyi mochitengetia mṟi limu orio mkonu ko mfiri iṟandaṟu.

YOSHUA 6:5

Kyasia kiherikyo wechikapa marandaho ko ṟu ling'anyi, mukomeicho ṟu lyo wandu wose wafahiye ko ṟu ling'anyi, nalyo njomombo tsose tsa mṟi fo nyi tsechioloka wanda. Koikyo orio mndu nyi echiolokia mṟi fo iwuka njora tsose handu muwehoṟoki.”

OTAMBAHALUO LO YOHANE 1:20

Ke-ṟehya kyama kilya kiikoome kya nyenyeri tsilya mfungade uletsiwona tsikeri owokonyi loko lo kulyo na kya shimnaṟa shilya sha taa mfungade sha sahabu nyi le: Nyenyeri tsilya mfungade nyi wasu wa siṟi tsilya mfungade na shimnaṟa shilya mfungade nyitso siṟi tsilya mfungade tsiinjienyi.

OTAMBAHALUO LO YOHANE 1:4

Inyi Yohane ngamwiṟikiṟa nyo siṟi mfungade tsikeri ipfo Asia. Wutonga wukae nanyo sanza na ofoṟo shichee ko ichu aipfo aweipfo echikaa-pfo ai echicha, shiwekuwukya na ko mumuyo iya mfungade ikeri oshangunyi lo kidembo kya wuitoṟi woke.

OTAMBAHALUO LO YOHANE 10:3

Kalaha na ṟu ling'anyi likawa cha ili miiso iirunduma. Kyekimaa ilaha adi makuṟuṟuma halya mfungade hakaṟuṟumya-ho.

OTAMBAHALUO LO YOHANE 15:1

Nahong'u ngawona ṟiho lingi lii ipfo ruwehu sa ling'anyi liṟihishye. Nyi wasu waele mfungade wawerie ngapo tsilya mfungade tsefurumia kipfa tuuke Ruwa yashika iiinutsyo natso.

OTAMBAHALUO LO YOHANE 15:7

Nalyo limu-ho lya maṟimu halya haana likaenenga wasu walya mfungade shitela mufungade sha sahabu shiwe-shiichuṟe wutuuke wo Ruwa ai na moo mlungana.

OTAMBAHALUO LO YOHANE 16:1

Nahong'u ngaicho ṟu ling'anyi lideda ipfo hekalunyi lyewia wamalaika walya mfungade, Kehendenyi-ng'u-wo mupusuye shitela shilya mfungade sha wutuuke wo Ruwa ipfo wuyanenyi.

OTAMBAHALUO LO YOHANE 5:1

Na hong'u ngawona ipfo owoko-hu lo kulyo lo ichu adamye loṟike-hu lo wuitoṟi kitapu; kiwe-kiṟehye ora lo kyamba na kya nja kiwe-kipfunge na mhuri ya kiṟingishyo mfungade.

OTAMBAHALUO LO YOHANE 5:6

Kyasia ngawona alya makidi hawi ha loṟika lulya lo wuitoṟi na kiidi kya wameku walya kuwehoṟoki-ho kidahina kikiṟingichye njora tsose nyi mando halya haana na wameku. Kidahina-kyo kiwei cha ili kiikishinje. Kiwewode membe mfungade na meso mfungade. Naho niho mumuyo ya Ruwa iya mfungade ii-mdumye wuyana kose.

OTAMBAHALUO LO YOHANE 8:2

Numa ngawewona wasu walya waele mfungade wahoṟoki oshangunyi lo Ruwa wakaenengo membe mfungade.

OTAMBAHALUO LO YOHANE 8:6

Na wasu walya waele mfungade wawode membe tsilya mfungade wakakuteseheṟa ikapa ole.