YOSHUA 6:2 - Bibilia Kui Mdedie fo Kimochi

² Nalyo Mndumii-Ruwa kawia Yoshua, “Ambuya inyi njikeri ihenda iolotsa mṟi fu fo Yeriko njifuwike mawokonyi hapfo handu hamu na mangi yafo na mbahanyi tsake wai warahari.

YOSHUA 6:2 Iomraidhean Croise

2SAMWELI 5:19

Kyasia Dawidi kadeda na Mndumii kammbesa, “Ngahenda ikapana na Wafilisti wa? Ngesa ochinjitarama njiwawinge?” Ruwa kamhaluo, “Ee, henda kapana nawo. Njechikukapanyia nowawinge.”

NEHEMIA 9:24

Kyasia wakawinga oruka lulya lo Kaanani, kowinga wandu walya wawekeri kiidi kya oruka lu, Koweinenga wandu wapfo pfinya yewuta chandu wakunda, na wandu wo hamu na wamangi wawo.

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

DANIELI 5:18

Ko mbonyi tsapfo iyo mangi kikeri kiile:- Ruwa-chu akeri huya shose naleinenga Nebukadneza wumangi akeri ndeo, kamnenga wusuṟi wuitoṟi na wunene

NGUMBUO YA MAWAWASO 7:24

Nechidambika wamangi wawo mawokonyi hanu. Mochiwawaaha nawo wahadimo. Kuipfo mndu oose echiidima imuimapfo; mṟasa muwarumatse.

YOSHUA 12:9

Wamangi walewawinga umu umu nyi mangi o Yeriko, mangi o Ai, mṟi fuwei kufui na Betheli,

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 2:9

kawawia, “Inyi nyi njiichi ke Mndumii-Ruwa nyi alemmaa imuinenga orukalu. So nyi luwodo nyi wuowu wung'anyi mnu kipfa kyanu, na wandu wose wa oruka lu nyi wa wapfu mrima kipfa kyanu.

YOSHUA 20:1

Nalyo Mndumii-Ruwa kawia Yoshua,

YOSHUA 6:1

Kyasia mongo iya ya Yeriko nyi iwenjishingie kyamba kundu iime Waisraeli walaidime iida napfo. Kuwode mndu aleidima iwuka kulya mṟinyi manya iida napfo pfo.

YOSHUA 6:3

Ambuya iyo na mbahanyi tsapfo warie shisha nyi mochitengetia mṟi limu orio mkonu ko mfiri iṟandaṟu.

YOSHUA 8:1

Kyasia Mndumi Ruwa kawia Yoshua, “Manya ulaowuo na iwuko nyi madima, henda duo mbahanyi tsapfo tsose utsiduo mṟi fo Ai, kyamba mangi o mṟi fo ngammaa imdambikia mawokonyi hapfo handu hamu na wandu wake, mṟi na oruka loke.

WACHILI 11:21

Nao Mndumii-Ruwa, Ruwa o Waisraeli, kawika Sihoni na wandu wake mawokonyi ha Waisraeli, wakawawinga. Waisraeli wakaduo oruka lose lo Waamori ipfo kundu wawekekaa.

WACHILI 11:24

Fuda na kilya ruwa opfo Kemoshi alekuinenga. Indi oruka lo lose Mndumii-Ruwa, Ruwa odu alefuna pfo wenyiwo, kaluinenga so ilo nyi oruka lodu.