YOSHUA 5:5 - Bibilia Kui Mdedie fo Kimochi

⁵ Kyamba iwo wose wawewukie kulya Misri nyi wawewadine, kyaindi walya wose walefeyo kyaṟonyi kulya nuka wawewadinepfo.

YOSHUA 5:5 Iomraidhean Croise

MATAYO 12:7

Kya indi kidedo kilya kehamba ke, ‘Kindo njikundi nyi isaṟia, ma chi idasa.’ Nokoe muwekiichi ke nyiki, ma iwa walanyamaṟye kindo muwechiwahutsya owingofo.

WAROMA 2:26

Kokoya nyi wudo kii na ichu alai mdine kawa moringa shilya shii shiwawase nyi wuwawaso, nechiwa cha ili amdine.

1 WAKORINTO 7:19

Kiende kiṟumi chi mkae fui mdinepfo ma chi mkae fulai mdinepfo, indi ihendelya mawawaso ha Ruwa.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

YOSHUA 5:4

Kitewe Yoshua nadine Waisraeli nyi kipfa Waisraeli wose wasoṟo washitsie walewuka kulya Misri weidima ihenda shidenyi nyi walepfia kulya nuka.

YOSHUA 5:6

Waisraeli nyi walechumia kyaṟonyi kulya nuka handu ha maka makumi hana (40), koikyo wasoṟo wose waweshitsie maka yehenda shidenyi nyi walearisikia kulya nuka kipfa walalekunda iicho kilya Mndumii-Ruwa alewawia. Kyamba Mndumii-Ruwa nyi naweliye wandu wo nyamu ke nyi echiwainenga oruka luichuo maruwa na wuki, nyi wudo aweteṟie wandu wo.