YOSHUA 5:10 - Bibilia Kui Mdedie fo Kimochi

¹⁰ Kiheri Waisraeli wawei kiṟaṟonyi ipfo Gilgali wakaṟumisha Pasaka kyukanyi kya mfiri fo ikumi na kana fo meri alya pichinyi lya mṟi fo Yeriko.

YOSHUA 5:10 Iomraidhean Croise

2SAMWELI 15:28

Inyi njechitirima alya ihambenyi lya meda fo Yordani njechiwedia ndumi iwuka kopfo.”

IWUKA 12:11

“Na nyi wudi mochilya; mochikoya mukupfungie kiṟota shitsinyi shanu, muṟee shadu shanu madendenyi, na ndichi tsanu mawokonyi hanu; nanyo mochilya mochihukia; nyi pasaka ya Mndumii-Ruwa.

IWUKA 12:18

Meri fo kuwoka, mkonu fo ikumi na kaana fo meri, ilyi kyukanyi, mochilya mkate ilantarang'ashe, itane mkonu fo makumi hawi na fumu fo meri ilyi kyukanyi.

IWUKA 12:6

Nanyo mochimteseheṟa tane mkonu fo ikumi na kaana fo meri fo ifo; na kisanzio kyo kyose kya Waisraeli wechimshinja kyukanyi.

YEREMIA 39:5

Indi ichekeṟo lya Wakalidayo walewaosha wakawada Sedekia mpfungo rendewelenyi ya Yeriko. Wekimduo wakamshitsa ko Nebukadneza, mangi ya Babeli ipfo Ribla, orukenyi lo Hamathi, nao kamwanduya.

EZEKIELI 12:3

Kyasia Iyo mndu kupfunge nuwekudika iṟio cha mndu akeriidicha oruka loke, uwekure ili kulameila. Wuta kudi oshangunyi lo wandu wakuwone chando ukeri idicha uwuka iya uhende handu hengi. Kofia wechiwutaho imanya chandu wai mba njilemeri.

WALEWI 23:5

“Kyukanyi kya mfiri fo ikumi na kaana fo meri fo kuwoka mochifuindia kui wuindi woko Inyi Mndumii-Ruwa, mfiri mnene fo Pasaka.

MIKA 6:5

Lanye wandu wako, kumbuonyi chandu Balaki mangi ya Moabu aleoka mtambo, na chandu Balaamu mana o Beori alemhaluo. Kumbuonyi shilya shilemuhoya njienyi kiidi kya Shitimu na Gilgali. Kumbuonyi mumanye mawuto hako hemukiṟa!”

YOSHUA 4:19

Wana wa Israeli wakaambada meda fo Yordani meri fo kuwoka fushikie mkonu fo ikumi, nawo wakawika kiṟaṟo mṟinyi fo Gilgali ora lo ngamenyi lo mṟi fo Yeriko.

YOSHUA 5:11

Ili lya ngama Pasaka yameida wakalya mkate ilanjitarang'ashe na maimba makaange shindo sha mdeminyi sha oruka lulya.

YOSHUA 9:6

Nalyo wakahendia Yoshua kulya kiṟaṟonyi kya Gilgali, wakambia o hamu na Waisraeli, “So nyi luwukie orukenyi lo kuleshe koikyo nyi lumuterewa muwike mkundana naso.”

1SAMWELI 7:16

Orio maaka Samweli nawekesenguda Betheli, Gilgali na Mispa na isanza Waisraeli handu waloyana ipfo mṟinyi yose.