YOSHUA 20:8 - Bibilia Kui Mdedie fo Kimochi

⁸ Molyolya fo meda ora lo ngamenyi lo mṟi fo Yeriko, wakasambuṟa mṟi fo Bezeri, nafo nyi fuwekeri nuka handu ha rendewele nafo nyi fuwekeri orukenyi lo wana wa Rubeni. Wakawesambuṟa mṟi fo Ramothi kulya Gileadi, nafo nyi fuwei fo oshari lo Gadi na mṟi fo Golani ipfo Bashani kuwei nyi oruka lo Manase.

YOSHUA 20:8 Iomraidhean Croise

1WAMANGI 22:6

Naalyo Mangi o Israeli kasanyia handu hamu waikimbi cha wandu mahana hana 400. Kawawesa, “Ngesa njihende Ramoth-Gileadi njikapane shida ang'u njide?” Wakambia, “Do kipfa Mndumii nawikie Ramoth-Gileadi owokonyi lo Mangi.”

2WAMANGI 8:28

Wakahendesana kimu na Yoramu mana o Ahabu kundu nakapane na Hazaeli mangi o Shamu, ipfo Ramoth-Gileadi, Washami wakawika Yoramu kifaṟe.

1MBONYI TSA MAHERI 6:78

Wandu wa oshari lo Rubeni wakeri ora lo ngamenyi lo meda fo Yordani kufui na mṟi fo Yeriko, waleinengo Bezeri mṟi fukeri handu ko owerihu, handu hamu na madema hake ha shelya, na Yahasa na madema hake,

1MBONYI TSA MAHERI 6:80

Wandu wa oshari lo Gadi walewainenga Ramothi kulya Gileadi na madema hake, Mahanaimu na madema hake.

NGUMBUO YA MAWAWASO 3:10

Luleduo mṟi yose ya ora lo mapichinyi ha shitoṟomoso, na ora lose lo Gileadi na Bashani tane Saleka na Edrei, mṟi ya mangi Ogu o Bashani.”

NGUMBUO YA MAWAWASO 4:43

Nalesambuṟa mṟi fo Beseri fui rendewelenyi ya nuka fuwe fo kishari kya Reubeni; na mṟi fo Ramothi fui orukenyi lo Gileadi fuwe fo kishari kya Gadi, na mṟi fo Golani fui orukenyi lo Bashani fuwe fo kishari kya Manase.

YOSHUA 20:7

Kyasia wakasambuṟa Kedeshi fukeri Galilaya mafumvunyi ha oruka lo Naftali, na Shekemu fuwei mafumvunyi ha Efraimu na Kiriath-arba mafumvunyi ha Yuda.

YOSHUA 20:9

Ii nyiyo mṟi ilesambuṟo yedichia ya Mwisraeli ang'u mndu mhenu akeri kiidi kyawo, yeowa ili mandi mndu awaaha alakusirie, naowepfo kundu nalawooho na ulya motaa kiṟache itane aanduyo nyi chila ya Waisraeli wose.

YOSHUA 21:27

Mba tsa Walewi wa kishari kya Gershoni nyi waleinengo mṟi iwi kiidi kya kyenga kya oruka lo oshari lo Manase, nayo nyi Golani, kulya Bashani fuwei mṟi fodichia handu hamu na mapata helisia shiuma, na Beeshtera na mapata hake.

YOSHUA 21:36

Kiidi kya oruka lo Rubeni nyi waleinengo Bezeri na mapata hafo helisia, Yahazi na mapata hafo helisia.

YOSHUA 21:38

Kiidi kya oruka lo oshari lo Gadi, nyi waleinengo Ramothi fo Gileadi nafo nyi fuwei mṟi fodichia handu hamu na mapata hafo helisia shiuma, Mahanaimu na mapata hake helisia shiuma,