YOSHUA 2:11 - Bibilia Kui Mdedie fo Kimochi

¹¹ Lokiicho kudo, ambuya nyi lulepfa mrima nakamu kipfa kyanu, pfinya ikalusiiya piu. Kyamba Mndumii-Ruwa onu, nyi ai Ruwa o Ruwehu na orukenyi.

YOSHUA 2:11 Iomraidhean Croise

1WAMANGI 8:60

Wandu wa mkambo yose wuyanenyi wechimanya ke Mndumii-Ruwa nyio Ruwa kulawode se ungi.

2WAMANGI 5:15

Kawuuya mndu ulya o Ruwa o na walya wawehendasanyi nao kacha, kahoṟoka oshangunyi loke kahamba, “Wulalu ambuya, ngamanya ke kuwode Ruwa wuyanenyi kose shile kiidi kya Israeli pfo. Wulalu ngakuterewa uambie shiinengo sha isinga lyapfo.”

NEHEMIA 6:16

Kyasia wakituwa wadu kiidi kya mkambo wa ipfo mṟasenyi wekiwona ke iṟunda lyi nyi lilemarisika, wakaowuo na iwodo nyi sonu ing'anyi, kyamba nyi walewuta ho imanya ke iṟunda li nyi lilemarisika kui pfinya tsa Mndumii-Ruwa odu.

ESTA 8:17

Kiidi kya orio isanga lyose leshikio iwawaso lya mangi na paruo ii, Wayuda wakachihiyo mnu wakawada mfiri mnene fuichuo mfuho. Wandu wengi walawei Wayuda, wakakuhaluo Wayuda kipfa kya wuowu woowuo Wayuda.

SHIIMBO SHA DAWIDI 102:15

Nyi lyondi wa mkambo wechuowuo rina lya Mndumii, na wamangi wose wa wuyana kiṟumi kyapfo.

SHIIMBO SHA DAWIDI 22:14

Ngapusuka cha mṟinga, mafuo hako hose haṟehukie, Mrima foko fowa cha muo, na isalaa kunu kiidi kyako.

SHIIMBO SHA DAWIDI 58:7

Wadeke-deke cha mṟinga fuidicha mnu; wakakuteseheṟa ilasa mfi yawo, ikoyo injitushi.

SHIIMBO SHA DAWIDI 83:18

Wamanye ke iyo, okelaho rina lyapfo Mndumii-Ruwa, nyi iyo kumonyi ui huye, huye ya wuyana wose.

IWUKA 15:14

Mkambo ya wandu waleicho, waidedema, Wekekaa Ufilisti okooṟa lulewawada.

IWUKA 15:15

Nalyo wasu wa Edomu wakaṟihio, Wandu wa Moabu wawode pfinya idedema lyikawawada, Wandu wose wekekaa Kanaani wakasalaa.

YESAYA 13:7

Kui kipfa kya ikyo mawoko hose hechiṟengeṟa, na ngoo ya orio mndu yechisalaa.

YESAYA 19:1

Otambahaluo lo Misri. Ambuya Mndumii nado na ipuchi liangu, nashika Misri, na sanamu tsa Misri tsidedema oshangunyi loke, na mrima fo Misri fosalaa.

EZEKIELI 21:15

Kyamba wandu wako wakeri ihenda isokio nyi fowa, cha kipfa oshu lo luhenda iwaarisa ipfo mṟinyi yawo, kyamba oshu lo loko nyi luiakaaka, nalo lochicha cha mbaṟuko, nalo nyi lui luachikie necha kundu luidime iwaha.

NAHUMU 2:10

Nai kitaṟe, na fowa, na inyamaṟika; nawuko madima, ndi tsikapana, na kidedema king'anyi, shamu shawo shiichuo wuowu.

NGUMBUO YA MAWAWASO 1:28

Nki ili lochihenda ipfo orukenyi lo kyasa lui wapfiie nyi mdo kui wuowu? Waleluwia ke wandu waipfo nyi wawode mkuura na waleshe kota. So, na mṟi yawo ing'anyi iwode njomombo njileshe tsishikie ruwehu. Kingise walewonapfo luwa lya Anaki!”

NGUMBUO YA MAWAWASO 20:8

Wanene wechiengeṟa iwia wandu, “Ngesa, kuwode mndu apfiiyo nyi mdo? Nawuye na kanyi, nalashike itewa wodoe wapfiiyo nyi mdo chao.”

NGUMBUO YA MAWAWASO 4:39

Kyasia, kumbuonyi inu na iwika mrimenyi yanu, ke Mndumii-Ruwa nyio Ruwa huye ruwehu na wanda orukenyi; kuwode ungipfo.

YOSHUA 14:8

Kyaindi wadume walya wengi njilehenda nawo nyi waletewa wandu wakapfiiyo nyi mdo, kya indi inyi njileosha Mndumii-Ruwa, Ruwa oko ko wuhendeli.

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.

YOSHUA 7:5

Wandu wa mṟi fo Ai wakawaha Waisraeli makumi haṟaṟu na waṟandaṟu (36), wakawawingia wawuka ipfo mongonyi fo mṟi, itane wawashitsa Shebarimu, wakawaha wengi kulya mamsaṟinyi. Kyasia Waisraeli wakapfa mrima wakalehela cha mṟinga.

YOSHUA 9:24

Nawo wakahaluo Yoshua wakambia, “So nyi lulewio kya lohi ke Mndumii-Ruwa onu, nyi alewawasa Mose mṟundi oke ke nyi echirumatsa wandu wose wa oruka lu nao nyi nechimuinenga nyo luwe oruka lonu. Koikyo lukaowuo kya moo yadu, nyi kyo kitewe lukawuta kudo.

OTAMBAHALUO LO YOHANE 6:16

Wakawefuhya mafumwu na njopanga, “Ke-luolokenyi muluṟikishye oshangu lo ichu adamye loṟike-hu lu lo wuitoṟi mulowishie matuuke ha kidahina ki.