YOSHUA 2:10 - Bibilia Kui Mdedie fo Kimochi

¹⁰ Kyamba so nyi luicho mbonyi tsanu chandu Mndumii-Ruwa aleumiṟa ipalyipalyi lya Mediteranioni oshangunyi lonu kiheri mulewuka kulya orukenyi lo Misri, na chandu mulewutia wamangi walya wawi wa Waamori wawekeri malyoolya fo meda fo Yordani, mangi Sihoni na Ogu, walya mlewarumatsa piu.

YOSHUA 2:10 Iomraidhean Croise

SHIIMBO SHA DAWIDI 74:15

Iyo kuleende soka na shimeda; Iyo koumiṟa meda iwewode mṟinga kiheri kyose.

MAITALA 20:14

Mose kaduma ndumi ko mangi ya Edomu kuwuka Kadeshi kambia: “Manomayo, Israeli, nahamba adi: Iyo noichi mawukiwa hose haleluhoya.

MAITALA 23:22

Ruwa alewawuta kulya Misri nekewakapanyia na pfinya cha tsa mboho.

MAITALA 24:8

Ruwa nalewaonduo kuwuka Misri, nao nekewakapanyia ko pfinya cha mboho. Nechirumatsa mkambo ya wandu wakeri wakituwa wawo, nechifunjafunja mafuo hawo, nechiwatocha na mfi yake.

NGUMBUO YA MAWAWASO 2:30

“Kyaindi Sihoni, mangi ya Heshboni, nalaluinenge momu fokuidia orukenyi loke. Mndumii-Ruwa, Ruwa onu kamnenga mdo muumu na orikiki lo mrimenyi, kundu lumbinge na iduo oruka loke ilu luichiliapfo mṟasa inu.

YOSHUA 24:12

Ambuya njileduma shipfi oshangunyi lonu nasho shikadichiṟa wamangi, walya wawi wa Waamori, kyamba mulewakapa na oshu manya uda pfo.

YOSHUA 4:24

nyi kilewutika kido kundu wandu wose wa wuyana wawone ke owoko lo Mndumii-Ruwa nyi luwode pfinya, nanyo muwuteho iindiya Mndumii-Ruwa onu mlungana.”

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.

YOSHUA 9:10

Lukaaweicho kya shilya alewutia wamangi wawi wa Waamori walya wawei molyolya fo meda fo Yordani, mangi Sihoni o Heshboni na Ogu o Bashani awekekaa kulya Arshtarothi,