YOSHUA 11:12 - Bibilia Kui Mdedie fo Kimochi

¹² Nyi wudo alerumatsa mṟi iya ingi yose ko modo, kawewaha mangi tsilya tsawo tsose chandu Mose mṟundi o Mndumii-Ruwa alembawawasa.

YOSHUA 11:12 Iomraidhean Croise

NGUMBUO YA MAWAWASO 7:2

Mndumii-Ruwa, Ruwa onu kamemaa iwika mkamboyo ingi mawokonyi hanu, mukamewinga wanduwo na iwarumatsa nakamu, manya mulawike mkundana fose nawo, manya mulawaichio wukiwa.

NGUMBUO YA MAWAWASO 9:3

Manyenyi inu tichi ke nyi Mndumii-Ruwa, Ruwa onu, ichu aimusongoya chandu modo fokombetsa mashidi. Nechiwawinga oshangunyi lonu na iwakombetsa, ko ikyo mochiwafuna na iwakombetsa oweṟe chandu Mndumii-Ruwa alemuteṟia.

YOSHUA 10:20

Kyaisa Yoshua na Waisraeli nyi walewakapa na iwarumatsa wose, na walya waangu walekiaho nyi waledichia mṟinyi yawo sa injiiṟihie.

YOSHUA 10:28

Mkonu fo Yoshua alewada mṟi fo Makeda, nyi alewaha mangi ofo na wandu wose wawei kulya mṟinyi kulakideo ho manya umu. Nyi alewutia mangi o Makeda chandu alewutia mangi ulya o Yeriko.

YOSHUA 10:30

Ambuya Mndumii-Ruwa nyi alefudambikia mṟi fo handu hamu na mangi owo mawokonyi ha Waisraeli. Nawo wakawaha wandu wose wa mṟifo walatsuhaṟepfo manya mndu umu. Wakawewutia mangi o Libna chandu walewutia mangi o Yeriko.

YOSHUA 10:32

Na Mndumii-Ruwa kadambikia mṟi fo mawokonyi ha Waisraeli, wakafuwada mfiri fui fo kawi na wudo walewaha wandu wose wawei kulya mṟinyi chando walewutia mṟi fulya fo Libna.

YOSHUA 10:35

Wakafuwada mkonu na ifo ifo, wakawaha wandu wake wose chandu walewuta kulya Lakishi.

YOSHUA 10:37

wakawada mṟi fo wakawaha wandu wose wawekeri kulya mṟinyi handu hamu na mangi yawo: nyi wudo walenyamaṟa mṟi ingi iweṟingichie mṟi fu, wakawewaha wandu wake wose chandu walewutia mṟi fo Egloni.

YOSHUA 11:13

Ambuya Waisraeli walerumatsa mṟi iyo iwei mafumvunyipfo sile na fulya fo Hazori fulerumatso nyi Yoshua.

YOSHUA 11:15

Iwawaso li nyi Mndumii-Ruwa alewawasa Mose mṟundi oke, nao kawawasia Yoshua nao Yoshua kawewuta ado. Nyi wudo Yoshua alewuta alatehiye manya iwawaso lyose Mndumii-Ruwa awewawasie Mose.

YOSHUA 13:6

na oruka lo lukeri fumvuhu kiidi kya Lebanoni na Misrefoth-maimu, na wandu wekekaapfo nyi Wasidoni. Kyasia wandu wo wose wa njorukatso nyi njechiwafunapfo na iyo uhawe njoruka tso ko Waisraeli tsiwe kyoṟa kyawo chandu njilekuwawasa.

YOSHUA 21:44

Nawudo Mndumii-Ruwa kawasumba ofoṟo orio handu alya orukenyi chandu awewikie kyasa na wafee wawo. Kulakaepfo wakituwa waleidima iwasembelia, kyamba Mndumii-Ruwa nyi aledambikia wakituwa wawo mawokonyi hawo.

YOSHUA 8:31

kikawekuwia kido chandu Mose mṟundi o Mndumii-Ruwa awewawasie Waisraeli, chando kiwei kiṟehie ipfo kitapunyi kya mawawaso ha Mose ke handuho hedasia nyi hechiwiko ko maho halamapaṟepaṟe manya kulakae pfo menya yose. Huye ya rasio lyo nyi hondo walewuta shidaso shemaya modonyi na shidaso sha ofoṟo.

YOSHUA 8:8

Kyasia mukamemarisa iwada mṟi fo nyi mochifukoṟa ko modo chandu Mndumii-Ruwa alemuwawasa. Iho nyiho mawawaso mochihaosha.”

YOSHUA 9:24

Nawo wakahaluo Yoshua wakambia, “So nyi lulewio kya lohi ke Mndumii-Ruwa onu, nyi alewawasa Mose mṟundi oke ke nyi echirumatsa wandu wose wa oruka lu nao nyi nechimuinenga nyo luwe oruka lonu. Koikyo lukaowuo kya moo yadu, nyi kyo kitewe lukawuta kudo.