YOSHUA 1:4 - Bibilia Kui Mdedie fo Kimochi

⁴ Mṟasa yafo nyi yechiwokia kulya nuka ya msanga ora lo kiukanyi itane mafumvu ha Lebanoni ora lo huye, na wokia meda fo Eufrate ora lo ngamenyi na oruka lo Wahiti na ipalyipalyi lya Mediterania ora lo kiukanyi.

YOSHUA 1:4 Iomraidhean Croise

1WAMANGI 10:29

Igari limu lekuruo lileidima ihuṟo wuka Misri ko fesa ishikie kilo 7, na frasi imu ishikie fesa kilo 2. Wekapa mbucha na Mangi waleidima iduo magari na frasi wakakumbia wamangi wose wa Wahiti na wa Wasiria.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1MBONYI TSA MAHERI 18:3

Dawidi kakapa na iwinga Hadadezeri, mangi o Soba, oruka sa luwekeri kufui na Hamathi. Kiheri kyo Hadadezeri nawehendie ihoṟotsa wumangi woke oruka lo huye lo meda fo Frati.

1MBONYI TSA MAHERI 5:9

Wawewode mapo hang'anyi ha mmbe, kulya orukenyi lo Gileadi, nkyo kitewe walewada oruka lung'anyi na ikulandaṟa kulya nuka ora longamenyi lo Gileadi mṟasa Meda fo Frati.

EZRA 4:20

Mṟi fu fuwehoṟokie nyi wamangi waapfinya hamu na oruka lose lo molyolya ya meda Eufrate, wawekusanyia okamba na fesa tsingi.

IWUKA 23:31

Na inyi njechikuwikia mṟasa fopfo wokia ipalyipalyi lya Shamu tane ipalyipalyi lya Wafilisti na kuwokia nuka tane medafo; cha kipfa njechiwika wenyi orukalo mawokonyi hapfo; na iyo nochiwafuna kuwuka oshangunyi lopfo.

NGUMBUO YA MAWAWASO 1:7

wulalu irenyi nzohoṟa tsanu muire kyaṟo. Hendenyi Orukenyi lo mafumvu ha Waamori na Wambaṟa ya oruka lo mṟasenyi kulya Araba, mafumvuhu na mapichinyi, ipfo Negebu na njora tsa wambaṟa ya ipalyipalyi; ee-daa hendenyi tane oruka lo Kaanani na lo Lebanoni tane kulya medenyi fung'anyi fo Eufrate.

NGUMBUO YA MAWAWASO 11:24

Orio handu mochichuma na madende hanu kochiwa konu; oruka lonu lochiwokia nuka ora lo nuka, tane mafumvu ha Lebanoni ora lo mtsudu, na kuwokia meda fo Eufrate ora lo ngamenyi, tane ipalyipalyi lya Mediteraniani ora lo kyukanyi.

NGUMBUO YA MAWAWASO 3:25

Ngakuterewa njiambade meda fo Yordani, njikewona orukalo lucha lo ora lo kyukanyi lo meda fo Yordani; ee-da oruka lucha luchihiṟie luwode mafumvu, handu hamu na mafumvu ha Lebanoni.

OTAMBAHALUO LO YOHANE 9:14

Likawia msu chu o kaṟandaṟu arie ombe lu, “Pfunguo wasu walya waana wai-wapfunge ipfo ohambenyi lo meda fulya fung'anyi Eufrato!”