YOSHUA 1:1 - Bibilia Kui Mdedie fo Kimochi

¹ Kyasia Mose mṟundi o Ruwa ampfa, Mndumii-Ruwa kacha ideda na mṟundi ulya o Mose Yoshua mana o Nuni,

YOSHUA 1:1 Iomraidhean Croise

1WAMANGI 19:16

Na Yehu, mana o Naishi, mshimbuo nawe Mangi o Israeli, Elisha, mana Shafati, o Abeli-mehola, nochimshimbuo nawe mwikimbi handu hapfo.

2WAMANGI 3:11

Kyaindi Yehoshafati kahamba, “Ngesa iya kuwode mwikimbi o Mndumii, kundu luwese Mndumii kui dumbu lyake?” Mṟundi umu o Mangi o Israeli kahaluo, “Iya kuwode Elisha mana o Shafati, awekeletsia mawoko ha Elia mṟinga.”

NEHEMIA 8:17

Wandu wose walewuya wawuka wusingenyi wakasungusia matengo wakakaapfo. Iki kikawa nyi lya kuwoka wandu wakaa matengonyi wokia Yeshua mana o Nuni awei na moo. Wandu wakachihiyo mnu nakamu.

IWUKA 24:13

Mose kakure na Yoshua, mṟundi oke; Mose kado na fumvunyi lya Ruwa.

MAITALA 11:28

O, Yosua mana o Nuni, msa awei mtarami o Mose wokia wurika woke kawia Mose, “Mndumii oko waime!”

MAITALA 12:7

Kyaindi kya mṟundichu oko Mose nyi kii kiwungi nakamu. O nawode iṟunda lyeringa wandu wako wose.

MAITALA 13:16

Iha nyiho marina ha wandu sa Mose alewaduma wahende itiichia oruka lo Kanaani. Mose kainenga Hoshea mana o Nuni rina lihya, kamlaha nyi Yosua.

MAITALA 13:8

Kisharinyi kya Efraimu nyi Hoshea mana o Nuni.

LUKA 16:10

Ichu ai mhendeli o shindo shangu, nechiwa na mhendeli o shindo shifoi.

MAWUTO HA WASU 7:45

Nalyo nyilyo waku wadu walya wawei na Yosua waleliambya wakaliitsa na ipfo sangenyi lya mkambo ya wandu Ruwa alewafuna wechidicha oshangu lo waku wadu. Na wudo liwekaa shika mafiṟi ha Dawidi.

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

NGUMBUO YA MAWAWASO 1:38

Kyaindi mtarami opfo Yosua mana o Nuni, nechiida napfo. Kyasia, mbanze kipfa nyio echisongoya Waisraeli waikolonyie orukalo.

NGUMBUO YA MAWAWASO 31:23

Numa Mndumii-Ruwa kawawasa Yosua mana o Nuni, kambia, “Kutumuhaṟe nowe ngohoda kyamba nochisongoya Waisraeli kulya orukenyi njilelya nyamu njechiwainenga, na inyi njechikaa hamu na iyo.”

NGUMBUO YA MAWAWASO 31:3

Mndumii-Ruwa, Ruwa onu, nechimusongoya na ikombetsa mkambo ya wandu yekekaapfo, kundu muwade orukalo lowo. Yosua nechiwa msongoru onu chandu Mndumii-Ruwa alehamba.

NGUMBUO YA MAWAWASO 33:1

Ii nyio mboṟa Mose, mndu o Ruwa, alewikia Waisraeli alamepfa. Nalehamba:

NGUMBUO YA MAWAWASO 34:12

Kuwode mwikimbi ungi sa alemewuta mbonyi njinene na tsa kiṟiha chandu Mose alewuta oshangunyi lo Waisraelipfo.

NGUMBUO YA MAWAWASO 34:5

Kyasia, Mose mṟundi o Mndumii-Ruwa kapfia kulya orukenyi lo Moabu chando idedo lya Mndumii-Ruwa alelihamba.

NGUMBUO YA MAWAWASO 34:9

Yosua mana o Nuni nawewode mrima fo osaaṟe, kyamba awememhekia mawoko hake; nakae handu hake. Ko ikyo Waisraeli waleindia Yosua na iosha mawawaso halya Mndumii-Ruwa aweinengie Mose.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

YAKOBO 1:1

Inyi Yakobo njii isinga lya Ruwa na lya Mndumii Yesu Kristo ngaiṟikiṟa njoshari tsilya ikumi na tsiwi tsilee wahenunyi.

YOSHUA 1:15

Cha kipfa nyi mochiwaikanyia itane ili mandi Mndumii-Ruwa echiwainenga oruka handu hesia moo chandu alemwinenga nyo, waweoṟa chandu Mndumii-Ruwa onu alewainenga luwe kyoṟa kyawo, kii kidi mochiwuya na orukenyi lu lonu muluchilie, oruka muleinengo nyi Mose mṟundi o Mndumii-Ruwa nalo nyi lukeri ora lo ngamenyi lo meda fo Yordani.’”

YOSHUA 1:2

kambia, “Mṟundi oko Mose alemaa ipfa, koikyo kure iyo na wana wa Israeli, muhende iambada meda fo Yordani itane moida na orukenyilu njikeri imwinenga.

YOSHUA 12:6

Ambuya Mose mṟundi o Mndumii-Ruwa, handu hamu na Waisraeli nyi alewinga Wamangi wo nao Mndumii-Ruwa kainenga shishari sha Rubeni, Gadi na kyenga kya oshari lo Manase tsiwe kyoṟa kyawo.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.