YOHANE 9:4 - Bibilia Kui Mdedie fo Kimochi

⁴ Kui na sa kiluwaṟi luṟunde maṟunda na ichu anjidumye; kipfa kio kiicha kiheri mndu elechiidima iṟunda maṟunda.

YOHANE 9:4 Iomraidhean Croise

KOHELETI 9:10

Kyose owoko lopfo lochiidima iṟunda, ṟunda na pfinya tsapfo tsose, kipfa kuwode iṟunda, ma chila, ma wuṟango, ma wulaanyi ipfo waṟumu kundu ukeri ihenda iyopfo.

MATAYO 20:7

Wakambia, “Nyi ili lulawona molupfula kya iṟunda.” Kawawia, “Kewehendenyi nanyo alya demehu lya msabibu.”

MARIKO 3:3

Nao Yesu kawia mndu ulya akachukye owoko, “Kure nokucheie na a makidi hawi.”

YOHANE 10:32

Yesu kawahalwo, “Maṟunda hafoi sa mecha ngamaa imbonesya nyo hawuka ko Wande. Ipfo kiidi kyaho nyi liki lyemtewa munjikape na maho ngesa?”

YOHANE 10:37

Kokoya ngada njilawuta maṟunda ha Wande oko, denyi mulanjiidikye inyi.

YOHANE 12:35

Yesu kawawia, “Kutsuhae-ho kiheri sa kyangu sa ii ikeri-se nanyo. Chumie ili mukeri na sa ii mulawone mohenda ihoyo meema, kyamba ichu mochumia memenyi aichi ma kundo ashikapfo.

YOHANE 17:4

Inyi njilekung'anyisha kunu wuyana; ngamwawutsia kuheo kilya unjienengye kyetana.

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

YOHANE 5:19

Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

YOHANE 5:36

Indi inyi njiwode kiṟingishyo kyako king'anyi kota kilya kya Yohane. Kyamba maṟunda njiṟunda halya wande alenjienenga njihaṟunde, naho nyiho haiṟingishia ke nyi Wande alenjiduma.

YOHANE 7:33

Yesu kahamba, “Nyi kiheri sa kyangu njitsinda-se nanyo njihende ko ichu alenjiduma.

MAWUTO HA WASU 4:20

Kyamba so lochiidima ida luladeda ikyo lulewona na iichopfo.”

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAEFESO 5:16

Muwe mochihinja na mwaanya fo oweṟe muwode kipfa mkonu ii injiwicho.

WAKOLOSE 4:5

Chumienyi mochikaya walya walaidikie kui wuṟango muikurohya na orio mwaanya muwode.