YOHANE 8:41 - Bibilia Kui Mdedie fo Kimochi

⁴¹ Nyo nyi mokewuta mawuto halya halya ha waku wanu walewuta.” Wakambia, “Chi lui-wafee wa njapfo. So luwode Wande umu da nao nyio Ruwa.”

YOHANE 8:41 Iomraidhean Croise

IWUKA 4:22

Na iyo nowie Farao, Mndumii-Ruwa nahamba adi, Israeli nyi mana oko, mana oko mmbee;

YESAYA 63:16

na kipfa iyo nyi ndeadu, manya chando Abrahamu alaluichi, ma Israeli eidima ilusendapfo, Iyo Mndumii, nyi Iyo ndeadu, “Mkiṟa odu,” mlungana, na mlungana nlyo rina lyapfo

YESAYA 64:8

Kyaindi wulalu, hoi Mndumii, iyo nyi ndeadu; so nyi teri, iyo mowumba, so lose lui iṟunda lya owoko lopfo.

YEREMIA 3:19

Kyaindi na inyi njilewehamba, Israeli, njechiidima njida imuwika kimu na wana, na imuinenga oruka lui lucha, kyora kicha kya wandu wa mkambo na inyi ngahamba mochinjilaha, “Ndeako,” Mochida mulanjioshapfo.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

MALAKI 1:6

“Mana nekeindia ndeye, na isinga likaowuo menyilyo, wulalu kokoya inyi nyi ndeyanu wuindi woko woku? Na kokoya inyi nyi Mndumii onu kui mbihu wuowu woku koko? Mndumii Menyi Matoṟito nakeri imuwesa nyo Wakohanyi mui imina rina lyako.” Nanyo mukahamba, “Nyi wuda luimina rina lyapfo?”

MALAKI 2:11

Yuda kawuta shilawaṟi, na wuwicho wukawutika ko Israeli, na Yerusalemu; kipfa Yuda naleterefutsa wuele wo Mndumii awukundi, kaalika wana wa wandu wekeindia maruwa mahenu.

YOHANE 8:38

Inyi kilya njiwonyi ipfo ko Wande nkyo njikeri ihamba. Nanyo kilya momicho kiwukye ko ndeanu nkyo muiwuta.”

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

NGUMBUO YA MAWAWASO 14:1

“Nyo mui wana wa Mndumii-Ruwa, Ruwa onu, mulakusaṟesaṟe manya ioda ohaa kipfa kya mndu apfa.

NGUMBUO YA MAWAWASO 32:6

Mochiidima muda iwutia mudi Mndumii-Ruwa, lanye wandu mui matondo mulawode wuṟango? Alee, o chio ndeanu alemuwumba, alemuwika na imutumhaṟa?

1YOHANE 3:12

Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.