YOHANE 7:19 - Bibilia Kui Mdedie fo Kimochi

¹⁹ Alewo chio Mose amunengye wuwawaso? Na kunu kiidi kyanu kuipfo ma umu aiindia wuwawaso wupfo. Kimaduma nyi ki ili mukundi injiwaha?”

YOHANE 7:19 Iomraidhean Croise

MATAYO 12:14

Kyasia Wafarisayo wakahenda nja wakamdedya kyama kundu wambahe.

MATAYO 21:38

Kyasia wademi walya wekiwona mana ulya wakawiana wo wenyi na wenyi wehamba, ichu nyio muoṟi mooṟa-ho. Lanye ndenyi lumbahe luwade na kyoṟa kyake.

MARIKO 11:18

Wakohanyi wanene wakaiicho iki na walosha wa wuwawaso wakakusaṟa, chando wechimdetsa. Indi walemwowuo, kipfa kituṟu kya wandu kyose kileṟihio kya mloshye foke.

MARIKO 3:4

Kawawesa, “Ngesa kindo kisumuhanyi iwuta mkonu fo Sabato nyi iwuta kicha ang'u nyi iwuta kiwicho, nyi ikiṟa moo ang'u nyi iwaha?” Nawo wakatsia.

MARIKO 3:6

Kyasia Wafarisayo wamewuka-pfo wakakambia ideda kyama kyake hamu na walya wa ko Herode, kundu wechirumatsa Yesu.

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

YOHANE 10:39

Nahong'u wakawuya wakapfula mweke fombada. Nao kakuashuo ipfo mawokonyi hawo.

YOHANE 11:53

Nahong'u wokia mkonu fulya wasongoru wa Wayuda wakachilya ihenda iwaha Yesu.

YOHANE 5:16

Nakyo kikaenenga Wayuda wakawa weṟinjawya Yesu wakapfula meeke fombaha cha kipfa lya alewuta ado mkonu fo Sabato.

YOHANE 5:18

Nakyo kikaengeṟa iitika Wayuda wapfule mwaanya fombaha chi kipfa atahachye Sabato tupupfo kya indi nyi ili ahamba ke Ruwa nyi ndee amonyi kechikung'ang'anyisha adi na Ruwa.

YOHANE 5:45

Ma mulawone mohamba ke nyio inyi nyechimkumba ipfo ko Wande. Mose chu mumkusihye nyio echimkumba.

YOHANE 7:1

Nahong'u ili numa numa Yesu naweida kulya Galilaya. Kyamba alalekunda itengeta kulya Yudaya kipfa wasongoru wa Wayuda wawekundi imbaha.

YOHANE 7:25

Nahong'u wandu maata wa kulya Yerusalemu wakahamba, “Alewo chio ichu wawempfulya mweke fombaha?

MAWUTO HA WASU 7:38

O nyio awerianyi na malaika ulya ipfo siṟinyi ya kulya nuka ulya ededa nao kulya fumvu-hu lya Sinai na waku walya wadu. Nyio aleambya madedo hawode moo naluinenge so.”

WAGALATIA 3:19

Kokoya na wudo kii nyi wuda kya mawiko halya? Hoo nyi haleengeṟyo-ho kui kimaduma kya matahachyo halya itane mombeu acha ichu ai msende na kiteṟyo kilya, wasu wa Ruwa waweiho kiidi wehadambikya owokonyi lo mosanza.

WAGALATIA 6:13

Cha kipfa manya iwo wahenda idino wekehendelya mawiko halyapfo, indi wakundi nyo mudino kundu ipfo nyamenyi tso tsanu wawute-ho ikuṟumisha.

NGUMBUO YA MAWAWASO 1:17

Mlakundie mnducho oose kiheri kedumbuo mondu; mochiwaadanyia kulaipfo ikundia, wang'anyi na watutu. Mulaowesho nyi fana ya mndu, cha kipfa kimuwaṟi iwika mndumbuye handu ha Ruwa. Kukokaapfo mondu sa fung'anyi fukamulemia ifudumbuo mochifunjiendie inyi na inyi njifuadanyie.

NGUMBUO YA MAWAWASO 33:4

Mose naleluwawasa iindia chile; kindo kya wuhuru wung'anyi kya mkambonyi fodu.