YOHANE 5:23 - Bibilia Kui Mdedie fo Kimochi

²³ Kundu wandu waindye Mana chando wekeindya Nde. Ichu ada alaindya Mana nyi ada iindya na Nde alemduma.”

YOHANE 5:23 Iomraidhean Croise

1YOHANE 2:23

Orio ose mokana Mana ma akuwode na Wandepfo. Mokihamba Mana nyio na Wande akuwode nao.

LUKA 10:16

Ulya amwicho nyio nyi anjicho inyi, na ulya amleha nyo nyi anjileha inyi; na ichu anleha inyi, nyi aleha ulya anjidumie.”

2YOHANE 1:9

Orio mndu ailosha wandu nao alawa mokaaa opfundo lo Kristo o awode Ruwapfo. Ichu awa mokaaa opfundo-lu, nyio awode Wande awewode na Mana.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

WAEBRANIA 1:6

Na iliindi aitsa ichu oke o wee ipfo mkambonyi fo wuyana ahambie, “Na wasu wa Ruwa wapfirie ndi oshangunyi loke wose.”

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

WAROMA 8:9

Indi nyo mukeri wa mkao fo nyamapfo kya indi mukeri wa mkao fo Mumuyo, komkoya Mumuyo o Ruwa aikukaya konu ketsinda nanyo. Mndu alai na Mumuyo o Kristo ichu chi o Kristo-pfo.

1 WAKORINTO 10:31

Kyasia-ng'u ili muilya ang'u muinyo ang'u muiwuta kindo ma kida ma kida shiwutenyi shose shewikya Ruwa kiṟumi.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

YOHANE 16:14

O echinjing'anyisha inyi kyamba mbonyi tsi echimwongoya nyi kunu koko inyi echitsiwuta.

1 WAKORINTO 6:19

Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo.

MATAYO 12:21

Na rina lyake nyi lyo wandu wa masanga wawekusihya nalyo.”

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

2 WAKORINTO 5:19

Nyi kipfa Ruwa awei na Kristo kechisanza wuyana nao amonyi, nalawaitaya kisanza ki.

2 WAKORINTO 1:9

Kya indi so luwenyi luwekuwodye-ho ke nyi lui waanduye wepfa, nakyo kilehenda kido kundu lulakikusirye so luwenyi, indi nyi ko Ruwa ichu, ai moṟutsa wapfu.

1 WAKORINTO 1:3

Wutonga wukae nanyo na ofoṟo shiwukye ko Ruwa Wande odu na ko Mndumii Yesu Kristo.

YOHANE 14:1

Yesu kawawia, “Ma mulanenewuke ipfo ngoonyi tsanu. Idikienyi Ruwa muwenjidikya na inyi.

MATAYO 10:37

Ulya akundi ndee ang'u mae kawakunda kota inyi, nanjiwaṟi-pfo. Na ulya akundi mana o womi anu o waka kawakunda kota inyi nanjiwaṟipfo.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

YESAYA 45:21

Onguonyi mbonyi, hambenyi oloho; ee da! Wadenyi chila kimu; nyiu aleloṟa ishi wokia mboko? Nyiu aleonguo mbonyi oo mawookionyi? Chi inyi Mndumii? Manya kulawode Ruwa kota inyi; Ruwa menyi wulohi, mkiṟa; kulawode ungi ngoseṟa yako.

SHIIMBO SHA DAWIDI 2:12

Wadenyi shilya shi shicha, kundu naladose nyashi modeka njia, kipfa nyashi yake yechiaka oweṟe, Nanga walya wekemdichilia.

2 WAKORINTO 5:14

Kyamba kilya kilusanza lomba kimu nyi makunda ha Kristo hakaluinenga ihamba iki, ke kwipfo ichu umu alepfia wose; mpfo kundo wamepfa wose.

1 WAKORINTO 16:22

Mndu ma kawa u msa alakundi Mndumii nawiko ṟisenyi. Maranatha.

WAROMA 15:12

Na lingi-se Yesaya ahambie, “Kochicha mndu kuwuka kisharinyi kya Yese, msa echiikolonya mkambo ya wandu, nao nyio wa mkambo-ii wechimwidikia.”

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

YOHANE 17:10

Na ishi shii shako shapfo na shapfo shikawewa shako da. Na ipfo kowo ngamhenda ing'anyisho.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

YESAYA 42:8

Inyi nyi Mndumii, nlyo rina lyako; na wuitoṟi woko njechiinenga mndu ungi pfo, manya njechiinenga wandu kiṟumi kyako iwo wai cha sanamu pfo.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

YESAYA 45:15

Nyi lohi iyo nyi Ruwa ulya ekeṟika mbihu fopfo, Hoi Ruwa o Israeli mkiṟa.

MATAYO 15:8

“Wandu wa oruka-lu nyi wekenjindya na madumbu hawo kya indi ngoo tsawo tsikahenda kuleshe na inyi.