YOHANE 4:10 - Bibilia Kui Mdedie fo Kimochi

¹⁰ Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 4:10 Iomraidhean Croise

SHIIMBO SHA DAWIDI 10:17

Mndumii, nyi uichuo lango tsa wafafa, Nochisungusia mrima yawo, nochideha kudu kopfo.

SHIIMBO SHA DAWIDI 46:4

Kuwode meda, na shimeda shafo shachihiṟa mṟi fo Ruwa, Handu haele, kanyi ko Ulya ai huye.

IWUKA 17:6

Ambuya, njechihoṟoka oshangunyi lopfo ipfo, huya iṟaṟa lilya kulya Horebu, na iyo nochikapa iṟaṟa lyo, na mṟinga fochichapfo, wandu waidime inyo.” Mose katana ado oshangunyi lo wameku wa wana wa Waisraeli.

SHIIMBO SHA SOLOMONI 4:15

Iyo nyi ui soka ya mdemi foko, nduwa ya mṟinga fo moo, shimeda sha Lebanoni shidicha.

YESAYA 12:3

Kyasia, kui sia mochidahia mṟinga, kiidi kya maṟungu ha okiṟo.

YESAYA 35:6

Nalyo ichu ai kileta echiitola-tola cha sariha, na olimi lo ichu ai pipi lochiimba; kipfa kundu ko nuka kulawode mṟinga fochiichuo pacha na shimeda naawo.

YESAYA 42:6

Inyi Mndumii ngakulaha kiidi kya wulohi, na inyi njechikuwada na kuwoko, na ikuringa, na ikuwuta uwe njoko na saa ya wandu wa mkambo;

YESAYA 43:20

Mando hai na moo henjiindia mapaara na nyaha da; kipfa ngahainenga mṟinga kiidi kya nuka ya msanga, na meda kundu kuhoye olele, kundu njirutse wandu wako, wasambuṟe wako;

YESAYA 44:3

Kipfa njechiletsia mṟinga foko mdohu ko ichu amwangari na shimeda handu hahadutsu; njechipusuya Mumuyo foko huye ya oshari lopfo, na ona loko ko iwo ochiwafee,

YESAYA 49:10

Wechiwado nyi njaa ma nyodapfo; wechiwona ngumia ma mbaṟipfo kipfa ichu mowasaṟia nechiwateteṟa.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

YEREMIA 2:13

Kipfa, wandu wako wawuta mawicho kawi, walenjida inyi njii soka ya mṟinga fo moo wakasuma nduwa tsawo wamenyi, nduwa tsiifuna, tsilechiidima iwada mṟinga.”

EZEKIELI 16:35

“Mndumii nyi ahamba adi kyapfo iyo mndu mka muohi.

ZEKARIA 13:1

Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga.

ZEKARIA 14:8

Na mkonufo, mṟinga fo moo fochiwuka Yerusalemu; kyenga fochihenda ipalyipalyinyi lya ora lo ngamenyi na kyenga kingi ipalyipalyinyi lya ora lo kiukanyi, kiheri kya mbeo na kiheri kya mrike nyi udo kechiwa.

LUKA 11:13

Kyasia-ng'u, kokooya nyo mui wawicho, nyi mokeidima iinenga shiwana shanu shiinengo shicha, aka chi kya ngoseṟa mnu Nde-anu o ipfo ruwehu echiengeṟa inenga Mumuyo Mwele iwo wamterewa?”

YOHANE 16:3

Na kyatewa wawuta wado nyi kipfa walaichi ma Wande ma inyi walanjiichi.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 6:35

Yesu kawawia, “Nyio inyi njikeri mkate fu fo moo. Mndu akuchea na koko akiwado-se nyi njaapfo, na mndu awa monjiidikya nakirohyo-se nyi nyoda ma indipfo.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

MAWUTO HA WASU 9:11

Mndumii kambia, “Kekure nohende kulya njienyi i njideye rina nyi njihoṟotsu noshihe mndu awio rina lyake nyi Saulo o kulya Tarso ipfo mba ko Yuda. Cha kipfa nyi aipfo aiterewa.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 10:4

Wawenyo wose na mnyo se fumu fuwei Mumuyo cha kipfa wawekekunyoya kiwukye ngaṟahambenyi ya Mumuyo iweitumanyi nawo. Nayo ngaṟahamba iya nyiyo Kristo.

2 WAKORINTO 9:15

Ruwa nahende wikyo mwaano kya kisumbo kyake king'anye mdedye yose yekihamba.

WAEFESO 2:8

Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

WAEBRANIA 6:4

Cha kipfa iwa waleimikyo limu wakasonja kisumbo kilya kiiruwehu wakawehawyo Mumuyo Mwele.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

OTAMBAHALUO LO YOHANE 21:6

Nahong'u Kanjiwia, “Shameawukia! Inyi nyio Alifa na Omega, Mboki na Mwawutsi. Ichu amwangari njechimwenenga kyenyo kya nnga kiṟukye ipfo sokenyi ya mṟinga fo moo.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.

OTAMBAHALUO LO YOHANE 7:17

Kipfa nyi Kidahina ki kikeri makidi hawi ha kundu loṟika lui kyechiwalisiṟa na iwaduo ipfo sokenyi tsiende mṟinga moo. Na Ruwa echiangatsa mchenyeṟe yose ipfo mesonyi hawo.”