YOHANE 3:5 - Bibilia Kui Mdedie fo Kimochi

⁵ Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 3:5 Iomraidhean Croise

MATAYO 18:3

Kahamba, “Na kya lohi ngambia, ‘Mukada mulahaluka’ mukawa cha shiwana ma mochikoya wumangi wo ruwehu muide naho-pfo.

MATAYO 19:24

Na kingi-se ngambia, ‘Kyangu-ho nyi ngamia iide na ṟochenyi lya sindano kota mndu msuṟi naide na ipfo wumanginyi wo ruwehu.’”

MATAYO 21:31

A walya wawi ichu awekeri-ho kewuta shechihia ndee nyi uhya ngesa? Wakahamba, ‘Nyi ulya mosongoru.’ Yesu kawawia, Nyi kya lohi ngambia, ‘Wesana okamba nyi wechishika ipfo wumanginyi wo Ruwa na waka wameluki wamsongoe nyo.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

MATAYO 5:20

Kipfa nyi ngamuwia, wusumuhanyi-wo wonu wukameda wulaida wo walosha wa wuwawaso na wo Wafarisayo-da, mochiwona wumangi wo Ruwa muide napfopfo!”

MARIKO 10:14

Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo.

MARIKO 16:16

Msa aidikye kapatiso, nechikiṟo, msa alaidikye, echiwonyo owingo.

MARIKO 9:47

Na kokoya riso lyapfo lyakudekesha, kyelitufuoho! Nanga iyo koida na wumanginyi wo Ruwa kui njeche kota ili uwode meso hawi kokumbo ipfo modonyi fo Gehenenyi.

LUKA 13:24

Kawawia, “Tambahanenyi ikuchuruwuya kichuminyi kii kisise; kipfa nyi ngamuwia; nyi kuipfo sa wechikunda ikuidia-pfo, indi walechiidima.

LUKA 13:3

Ote, nyi chi wudopfo; kyaindi nyo mukada muladumbuya, nyi mochirumara kotawo.

LUKA 13:5

Ngamuwia, chi wudopfo, kyaindi mukada muladumbuya, nyi wudo mochisaramaya mose.”

YOHANE 1:13

Nawo nyiwo walefeo nyi Ruwa chi kui wuidimi wo mndu o wandupfo ma kui pfinya tsa mbihu-pfo, ma kui idumbwo lya msoro mliwe pfo kya indi Ruwa amonyi nyio ndeawo.

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 3:4

Nikodemo kambia, “Aka-wo mndu namanye ifeo-se ada lingi ai meku? Ngesa nyi echiidima-se kuwuya na ipfo wusunyi wo mae nawefeo-se lya kawi?”

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 3:19

Dumbuyenyi muilachike mrima yanu kundu njonyamaṟo tsanu tsiwuto-ho.

WAROMA 14:17

Kyamba Wumangi wo Ruwa chi wukeri mlie na mnyoepfo, kya indi nyi wukeri wuhoṟotsu na ofoṟo na wukesi wokuṟamkya-ho kui Mumuyo Mwele.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 15:50

Kindo ngahamba le wanawawama, nyi iki, ke shi-nyama na samu sho shaidima yoṟa wumangi wo Ruwapfo. Ma kipuo kyaoṟa kilechipuopfo.

1 WAKORINTO 2:12

Natso lulaleambya mumuyo fo wuyana, kya indi nyi Mumuyo awukye ko Ruwa kundu lukuwutye-ho imanya shilya luiwasumbe nyi Ruwa chando shii.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

WAEFESO 5:26

Kundu naitane njele echiihaṟamisha kisambyonyi kilya kya mṟinga furianyi na idedo.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.