YOHANE 3:3 - Bibilia Kui Mdedie fo Kimochi

³ Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 3:3 Iomraidhean Croise

YEREMIA 5:21

“Adanyienyi idedo li nyo masembo mulaichi kindo, muwode meso kyaindi mulawonyi kindo; muwode madu kyaindi mulaidime iicho.

EZEKIELI 36:26

Kyamba nyi njihenda imwinenga ngoo njihya, njiwewika mumuyo mhya kiidi kyanu. Kyamba njihenda iwuta mrima muumu cha iho kiidi kyanu, njiwemuomoya mrima fo wuindi.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 19:24

Na kingi-se ngambia, ‘Kyangu-ho nyi ngamia iide na ṟochenyi lya sindano kota mndu msuṟi naide na ipfo wumanginyi wo ruwehu.’”

MATAYO 21:31

A walya wawi ichu awekeri-ho kewuta shechihia ndee nyi uhya ngesa? Wakahamba, ‘Nyi ulya mosongoru.’ Yesu kawawia, Nyi kya lohi ngambia, ‘Wesana okamba nyi wechishika ipfo wumanginyi wo Ruwa na waka wameluki wamsongoe nyo.

MATAYO 5:18

Kipfa nyi kya lohi ngambia, na kuwede kulya ruwehu kunyamaṟo na sanga, indi ipfo wuwawasonyi kochinyamaṟika-fo ma kichano kimu ma kimcharie kimupfo na shiwede shiinutsio shose.

MARIKO 10:14

Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo.

MARIKO 9:47

Na kokoya riso lyapfo lyakudekesha, kyelitufuoho! Nanga iyo koida na wumanginyi wo Ruwa kui njeche kota ili uwode meso hawi kokumbo ipfo modonyi fo Gehenenyi.

YOHANE 1:13

Nawo nyiwo walefeo nyi Ruwa chi kui wuidimi wo mndu o wandupfo ma kui pfinya tsa mbihu-pfo, ma kui idumbwo lya msoro mliwe pfo kya indi Ruwa amonyi nyio ndeawo.

YOHANE 1:5

Na sa yo nyi iwaa ipfo meemenyi, na meema fu fulaiambye.

YOHANE 1:51

Nalyo Yesu kambia, “Na lohi na lohi ngambia, nyi mochiwona kulya ruwehu kuṟuhukye na wasu wa Ruwa wechido na isoka wekaya Mana chu o mndu.”

YOHANE 12:40

“Ruwa nawahye meso hawo kaumiṟa na ngoo tsawo kundu walahende yambwo na meso hawo, ma ichihio na ngoo tsawo wawuyei nyi Mndumii ahamba, na inyi njiwakiṟe.”

YOHANE 3:4

Nikodemo kambia, “Aka-wo mndu namanye ifeo-se ada lingi ai meku? Ngesa nyi echiidima-se kuwuya na ipfo wusunyi wo mae nawefeo-se lya kawi?”

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

WAEFESO 2:1

Kyanu nyo muwei opfunyi lo madeko na manyamaṟo hanyu.

NGUMBUO YA MAWAWASO 29:4

Kyaindi mṟasa inu Mndumii-Ruwa alemewainenge wuṟango womanya, meso hewona manya madu headanyiapfo!”

TITO 3:5

Lulauwike na mawuto ha wuhoṟotsu so luwewuta, indi nyi lo osaṟio lulya loke kui kisambyo kya ifeo lya kawi na ilawuo nyi Mumuyo mwele.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 3:9

Orio ose alefeo nyi Ruwa awuta wunyamaṟipfo kyamba mbeu yake ikaa nao. Nao alaidima inyamaṟa nyi kipfa nyi amfee nyi Ruwa.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:18

Luichi ke oṟyo amfee nyi Ruwa awuta wunyamaṟipfo. Kya indi ichu amfee nyi Ruwa akuringa amonyi, na mbicho aimpayapfo.

1YOHANE 5:4

Kyamba orio kii-kifee kipaṟikye ko Ruwa kikeri iwinza wuyana-wu. Na kiwinza kilya kyechiwinza nakyo wuyana-wu nyi mwidikye fodu.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.