YOHANE 3:18 - Bibilia Kui Mdedie fo Kimochi

¹⁸ “Mndu aidikye Mana echiwonyo owingopfo. Mndu alamwidikie o ammaa iwonyo owingo kipfa ada alaidikya Mana chu o Ruwa kimumu mfi.

YOHANE 3:18 Iomraidhean Croise

MARIKO 16:16

Msa aidikye kapatiso, nechikiṟo, msa alaidikye, echiwonyo owingo.

YOHANE 1:12

Indi iwo walemwambya na imwidikia kawaenengya wulimbi wo itano wana wa Ruwa wose.

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:47

Nyi lohi kya lohi ngamuwia, Ichu aidikie nyi awode moo fo mlungana.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAROMA 8:1

Kyasia ili kii kido wulalu kwiho oseso lohoya walya wai Kristo-hu Yesu-pfo.

WAROMA 8:34

Ichu echihutsya owingo nyi wu? Kwipfo-pfo? Kristo Yesu aiho, nyio sa alepfa na kya ngoseṟa nyi aleṟutso, awuka ko wapfu, o akukerye ipfo ko kulyo ko Ruwa Kawa moluterewya-ho so!

WAEBRANIA 12:25

Keringenyi-ng'u-wo mulawone mochilekana na ichu ai-pfo modeda. Kyamba kokoya walya walaweikia wechilehana na ichu modeda kyake ipfo sangenyi, nyi hanga kawi so, kokoya lokumbya ichu mhongo aideda akeri ruwehu.

WAEBRANIA 2:3

Nyi wuda lochituruchukia-ho so ili loilaala okiio lung'anyi ludi? Nalo kimaenyi kyalo nyi ipfo kundo luleongoyo nyi Mndumii lukaweluwanzio so nyi walya walemwicho.

WAEBRANIA 3:19

Natso na lowona walalekuidimya yangya-ho kipfa kya wulemi wulya.

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 4:9

Hando kunda lya Ruwa lyammanyikya-ho na pata ipfo kidi kyadu, nyi ili Ruwa aleduma Mana-chu oke kimumu mfi kunu wuyana kundu luhende iwonyo moo nyio.

1YOHANE 5:10

Moidikya Mana o Ruwa o akuwode na kiṟingishyo kilya kii nao. Mndu ada alaidikya Ruwa o amaa imtana mowongo, kyamba alaweidikya kiṟingishyo kilya Ruwa alemṟingishya kya Manoke.

1YOHANE 5:12

Ichu ose akuwode na Mana o Ruwa nyio awode moo fu. Ichu alakuwode na Mana o Ruwa ai na moo-fupfo.