YOHANE 3:13 - Bibilia Kui Mdedie fo Kimochi

¹³ Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

YOHANE 3:13 Iomraidhean Croise

MFANANO 30:4

Nyiu adooye huye kasokya wanda? Nyiu alewada otanu na mawoko hake? Nyiu alepfungia mṟinga nguonyi tsake? Nyiu alewanza mambo tsose tsa oruka? Rina lyake nyiu, a rina lya mana oke kokoya na uichi?

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 8:20

Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.”

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

YOHANE 3:12

Ili njemwongoya kya shindo shii sha kunu orukenyi nanyo mulanjiidikye, a ili njemwongoya kya shilya sha ruwehu nyi mochikuidikya muda?

YOHANE 3:31

“Ichu acheye awukye huye nyio mnene o wose. Ichu apaṟikye kunu wuyana kawewa na o kunu wuyana kuwededa shii sha wuyana. Indi ichu achee awukye ruwehu o akeri mnene o wose.

YOHANE 6:33

Kyamba mkate fu fui fo Ruwa nyio ichu asoke ruwehu kechienenga wuyana wu moo.”

YOHANE 6:38

Kipfa kyannenga ngasoka ruwehu chi kundu njiwute kya chila yakopfo kya indi kundu njihende iwuta kii kya chila ya ichu alenjiduma.

YOHANE 6:42

Wakahamba, “Ashika-wo ichu chio Yesu ai mana o Yosefu? Nde na mae na luwaichi. Nyi kyawa kida ili ahamba ke nyi asoke ruwehu?”

YOHANE 6:46

Chi kikeri cha ili kwipfo mndu alemewona Wandepfo, shila nyi ichu awukie ko Ruwa, nyio alemewona Wande.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

YOHANE 6:62

Alewo nyi kyechiwa kida kiheri mochiwona Mana chu o Mndu echido na alya kundo awekukerye-ho kacha?

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

MAWUTO HA WASU 2:34

Kyamba Dawidi aledo na ruwehupfo. Kyaindi amonyi alehamba, ‘Mndumii nyi alewia Mndumii oko, Damia kuwoko koko ko kulya.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

WAROMA 10:6

Kya indi wuhoṟotsu-wu oshangunyi lo Ruwa wuṟukye wuidikinyi wo wuhambye wudi, “Kulawone koihamba, mrimenyi fopfo, nyi o ku echidoya ruvehu?” (Lyo liwewa isotsa Kristo na wanda.)

1 WAKORINTO 15:47

Mndu o kuwoka awukye terinyi ai teri, mndu o kawi ulya awukye ruwehu.

WAEFESO 1:23

Nayo nyiyo mbihu foke fochiawukyana na ichu aawutsye shose mbikenyi yose.

NGUMBUO YA MAWAWASO 30:12

Chi hakeri ruwehu muhambe, “Nyiu echido na huye ruwehu nahaluendie luhawade na ihaindiapfo?