YOHANE 19:41 - Bibilia Kui Mdedie fo Kimochi

⁴¹ Kyasia kulya kundo Yesu ewambyo msalabehu nyi kwipfo kyungu kii-kiṟihye kitungutungu na ipfo kyungunyi kuwode-ho opanga lo iṟika lu uhya sa lulelemewiko mndu.

YOHANE 19:41 Iomraidhean Croise

2WAMANGI 23:30

Waṟundi wake wakaduo mnying'a foke kiidi kya igari wakambihiṟa Yerusalemu wakamṟika kipfunyi kyake amonyi. Wandu wa Yuda wakaduo Yehoahazi mana o Yosia wakamshia mafuda wakamshimbuo nawe mangi handu ha ndee.

YESAYA 22:16

“Nyi uda ukeri iwuta iya? Na iyo nyui nawu iya? Itane osuma ṟungu iya; Komsumia ṟungu ipfo huye, na handu hekaa kotorongocha iṟaṟa kiidi kya ngaṟahamba.

MATAYO 27:60

Kahenda fuṟika rungunyi lyake lihya lilya atorongochye kulya ihonyi. Amiidima ipiṟimitsya iho sa inene oo momu-hu fo rungu lilya kakuhendya.

LUKA 23:53

Kahenda-fusota-ho, kafuoṟowia nguwo tsa owiṟo, kafuṟika opangenyi luwei lusume kundu ko ihonyi, sa lulawemerike mndu.

YOHANE 19:42

Hando napfo wakahenda iṟika-pfo Yesu kipfa kya Mkuteseheṟye fulya fo Wayuda fo Pasaka; na kipfa ili opanga lulya luvewa kufui.

YOHANE 20:15

Yesu kambia, “A nyi kiki olia, mka? Nyiwu uimpfula?” Nao kahamba lako nyi ulya moikalya kyungu kambia, “Koka nyi iyo umuirye-ho, Mndumii, kembiawo hando uhendye imlaṟa, na inyi njihende imwondwo-pfo.”