YOHANE 17:8 - Bibilia Kui Mdedie fo Kimochi

⁸ Kipfa madedo ha ulenjienenga nyi njilehawaenenga. Nawo wakahaambya; wakawuta-ho imanya ke nyi ipfo kopfo njicheye lohi, wakaidikya ke nyi iyo ulenjiduma.

YOHANE 17:8 Iomraidhean Croise

MFANANO 1:23

Halukenyi kipfa kya wuwawaso woko; ambuya njechimuletsia mumuyo foko; Na imumanyishya madedo hako.

MFANANO 1:3

ilosho mawuto mecha, kiidi kya wulohi, mwanduye na wutirisi.

MFANANO 2:1

Manoko, kokoya oidikya madedo hako, Na iwika kisa mawawaso hako;

MFANANO 4:10

Manoko, adanyia, ambiliya madedo hako; Maaka ya moo fopfo yechifo.

MFANANO 8:10

Ambilya shiloshyo shako, chi fesa pfo, Na wulaanyi kota sahabu njicha.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

YOHANE 12:49

Kipfa inyi kilya njilededa chi koko inyi kiwukye-hopfo. Nyi Wande-chu oko ichu alenjiduma o anjinengye iwawaso lya kindo kyededa na ihamba.

YOHANE 14:10

Alewo kulaidikye ke inyi njii-msanze na Wande nao Wande ai-msanze na inyi? Madedo ho ngamuwia moose manya hawukye koko njimonyipfo. Ni Wande chu ai kiidi kyako nyi awa moṟundya-ho mawuto hake.

YOHANE 15:15

Chi njikimhamba-se masingapfo kipfa mndu isinga o amanya kindo menyi olyo awutapfo. Nyi ngammaa imsenda nyo mui mbuya cha kipfa isho njileicho shiwuka ko Wande chu oko nsho njilemuinenga shose.

YOHANE 16:27

Kyamba o Wande namukundi nyo amony cha kipfa nyi mulenjikunda mukawenjiidikya ke ipfo ko Ruwa njicheye.

YOHANE 16:30

Wulalu lomanya ke nyi uichi shindo shose ulahuṟi mndu mokuwesa. Nkyo kyaenenga lukaidikya ke nyi ipfo ko Ruwa ucheye.”

YOHANE 17:14

Inyi njiwalimye idedo lyo lyapfo na wuyana wu wukawasuo kipfa walakeri na wa kipaṟika kya wuyana wu chando nao inyi njilakeri o kipaṟika kya wuyana wu.

YOHANE 17:18

Chando iyo ulenjiduma kunu wuyana nyi wudo na inyi ngawaduma kunu wuyana;

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 3:17

Kyamba Ruwa alaleduma Mana oke nache na kunu wuyana kundu naanduye wuyana wu, kya indi nyi kundu wuyana wuhendekiṟo nyio.”

YOHANE 3:33

akiwikya mhuri fohamba ke Ruwa nyio kiwulohi.

YOHANE 6:68

Simon Petro kamhalwo, “Hoi Mndumii lukuhendye ko u ngesa? Nyio iyo uwode madedo haende moo fo mlungana.

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

1 WAKORINTO 11:23

Kyamba nyio Mndumii amenjienenga imanya shilya njilemmaa imudambikya nyo, nasho shii shidi, ke Mndumii odu Yesu kio kilya aleṟingyo nyi alewada mkate.

1 WAKORINTO 15:1

Indi ngamkumbuṟa, lanye wanawawama, ndumi ya sia ya okiio ndemuongoya nyiyo muleiambya mukuilikye nayo.

NGUMBUO YA MAWAWASO 18:18

Njechiwasambuṟia mwikimbi cha iyo kuwuka kiidi kya wana wa mayawo; njechiwika madedo hako dumbunyi lyake, nao nechimuwia shose njechimuwawasia.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

OTAMBAHALUO LO YOHANE 1:1

A ilu otambahaluo lo Yesu Kristo. Ruwa aleluinenga Kristo loloṟa masinga hake shilya shii-shiteṟye shewutika matika ha afui. Kristo kaduma ndumi ya malaika oke mwele kashiwonesya isinga lyake Yohane.