YOHANE 17:3 - Bibilia Kui Mdedie fo Kimochi

³ Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 17:3 Iomraidhean Croise

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 15:3

Ko kiheri kileshe wulalu, wandu wa Israeli walai na Ruwa o lohi, ma wakohanyi wewalosha, ma wuikimbi pfo.

SHIIMBO SHA DAWIDI 9:10

Na walya waichi rina lyapfo wakusirie kopfo, Kipfa Iyo Mndumii, ulaleda walya wekuwalya.

MFANANO 8:35

Kipfa ulya monjiwona inyi nyi awona moo, Nao nyi echiidikyo nyi Mndumii.

YESAYA 48:16

Njisembelienyi, adanyienyi ishi; wokia mawookionyi njilededa kiṟika-pfo; wokia shiipfo inyi njiipfo; na wulalu Mndumii-Ruwa nanjiduma, na mrima foke.”

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MARIKO 9:37

“Msa echiambia mana cha ichu kui rina lyako, nyio inyi anjambya; mndu kanjiambya inyi chio inyi anjambyapfo, nyi aambia ichu anjidumye.”

LUKA 9:48

Kawawia, “Mndu kaambia kimana-ki kui rina lyako, nyi inyi anjiambia; na monjiambia inyi, nyi aambia ichu anjiidumie; kipfa ichu ai mtutu onu kamunyiia, nyio sa ang'anyi.”

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

YOHANE 11:42

Na inyi na mbeichi nyi owa monjiadanya kiheri kyose. Kya indi nyi kipfa kya wandu wa wahoṟoki iya waiṟingichye nkyondo ngakihambya kundu wechiwuta-ho iidikya ke nyi iyo unjidumye.”

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 17:18

Chando iyo ulenjiduma kunu wuyana nyi wudo na inyi ngawaduma kunu wuyana;

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:8

Kipfa madedo ha ulenjienenga nyi njilehawaenenga. Nawo wakahaambya; wakawuta-ho imanya ke nyi ipfo kopfo njicheye lohi, wakaidikya ke nyi iyo ulenjiduma.

YOHANE 3:17

Kyamba Ruwa alaleduma Mana oke nache na kunu wuyana kundu naanduye wuyana wu, kya indi nyi kundu wuyana wuhendekiṟo nyio.”

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

YOHANE 7:29

Inyi njimwichi, kyamba nyi ipfo koke njiwukye nao nyi anjidumye.”

YOHANE 8:19

Nahong'u wakambia, “Wande chu opfo nyi ku aya?” Yesu kahalwo, “Inyi munjiichipfo ma Wande mumwichi-pfo. Kima muwenjiichi inyi na Wande oko na muwemmanya da.”

1 WAKORINTO 15:34

Ṟamkenyi necha ma mulatahachie hando; kyamba kuwode walaichi Ruwa; nakwipfo echiwesa, aa wuda wapfu washike iṟutso ngesa? A nyi wechicha warie mbihu ida ko?

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

2WATESALONYIKYE 1:8

Na olewo lo modo fochiaka pala echidehelya walya walehye Ruwa walaweanguya Ndumi ya Sia ya Mndumii odu Yesu madu.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

2PETRO 1:2

Wutonga na ofoṟo shimuwelukye welu kui imanya Ruwa na Mndumii odu Yesu.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 1:8

Kyamba kokoya ishi shikeri konu shechiengeṟeka, shechimwinenga muwe watanyii na iwonaho kiira kya imanya Mndumii odu Yesu Kristo.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.

1YOHANE 2:23

Orio ose mokana Mana ma akuwode na Wandepfo. Mokihamba Mana nyio na Wande akuwode nao.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.