YOHANE 15:5 - Bibilia Kui Mdedie fo Kimochi

⁵ “Inyi nyi msabibu nanyo mukawa nyi maṟamba hafo. Ichu akulungye na inyi na inyi ngawekulunga nao nyio awa mowika ndunda tsifoi. Tare nyio inyi moidima iwuta kindopfo.

YOHANE 15:5 Iomraidhean Croise

MFANANO 11:30

Shilimu sha mndu mcha nyi ikidi lya moo; Na mndu mṟango nekekuruo mrima ya wandu.

HOSEA 4:8

Kipfa wakuihutsa ko shiano sha wunyamaṟi wo wandu wako. Wawodo mnu nyi macha hewawona wewuta wunyamaṟi.

MATAYO 13:21

Kya indi alawode mri asotsye ipfo kiidi kyake, nyi akeri nyi mokaa-ho oweṟe. Indi kambona kuiho wukiwa na iterengyo kipfa kya idedo-lyo nahonu kakambiṟa isukyo owinyi.

YOHANE 12:24

Nyi lohi kya lohi ngamuwia, ndunda iya ya ngano kokoya yada ilaoloka teri-hu ikapfia-ho yo yadeo ikakaa ido. Indi kokoya yampfia-ho yo yechido iwike ndunda tsifoi.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 5:19

Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

YOHANE 9:33

Kima chila mndu chu awei o ko Ruwa aweidima iwuta kindo-pfo.”

MAWUTO HA WASU 4:12

Ma kukipfo-se ungi aende okiiopfo. Kyamba kulakeri ma rina lingi kunu shia ruwehu li inengye wandu liwanyi lukiṟo nyilyo.”

WAROMA 12:5

Nyi wudo naso lufoi ludi nyi lukeri mbihu fumu fuu-msanze Kristo-hu, indi kyadu so luikayana shiwungo.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

WAROMA 7:4

Nanyo wanawawama wako, na wudong'u, mulewohyo kyemletsa na wuwawaso wu kui mweeke fo mbihu fo Kristo; mui wake ichu aleṟutsa awuka wapfunyi luwe lochipfuṟukanya Ruwa mapfuṟukanyo.

1 WAKORINTO 10:16

Kirahu kilya kya ona luikionyisha chi kulusanzye samu ya Kristo? A mkate fulya luifufunya chi fulusanzye mbihu fo Kristo?

1 WAKORINTO 12:12

Kyamba chando mbihu fo mndu fui, nyi fo fumu na shiwungo shafo nyi shifoi, indi shiwungo sha mbihu shifoi shidi shikeri mbihu fu fumu sho shose, nyi wudo na Kristo ai.

1 WAKORINTO 12:27

Nanyo mukeri mbihu fo Kristo mukuhawie-ho shiwungo.

2 WAKORINTO 13:8

Cha kipfa lulaidima iwuta kindo kiṟunduma ya lohi indi kui kitewe kya kiwulohi.

2 WAKORINTO 9:10

Na ichu moinenga ichu mowaya mbeu moinengya mkate fuwe shelya echimuinenga mbeu na itsipfumbutsa na ifoeṟa echifeṟa maalutso ha wuhoṟotsu wonu.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAEFESO 5:9

na sa yo yechiwono wuchenyi wose na wuhoṟotsunyi wose na owikonyi lo kii lohi lose.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 4:13

Ngakuidimya njido shose njii na ichu monjikapya owanzo.

WAFILIPI 4:17

Chi njiipfula kitarama inyipfo, kya indi njiipfula mwengeṟya fuhendetalio fonu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1PETRO 2:4

Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.