YOHANE 15:4 - Bibilia Kui Mdedie fo Kimochi

⁴ Kyekaenyi-ho mochilungana na inyi na inyi njiwekaa-ho njilunganyi nanyo. Kikawa chando iṟamba lilechidima iwika ndunda lii kyanya kyalyo lilakulungye na msabibu, nanyo na wudo da mochiidama iwika ndunda mulakulungye na inyipfo.”

YOHANE 15:4 Iomraidhean Croise

SHIIMBO SHA SOLOMONI 8:5

Nyiu ichu ado awuka nuka, echikusiria mkunde oke? Njilekuamtsa o wanda ya ria lya mashidi, handu mayo alewona mawawio, handu alekufeeye.

HOSEA 14:8

Ambuya nyi wakeri iwuya wakae wanda ya wuringi woko, nyi wechioṟa cha dema licha lya msabibu. Wewada kiṟumi cha mvinyo fo Lebanoni.

MATAYO 12:33

“Kokoya mowaya mdi fo ndunda njicha, na ndunda na njicha mochiwona. Anu mkawaya mdi fo ndunda njiporu, kyasia na ndunda tsafo na njiporu. Cha kipfa orio ikidi nyi lyechimanyika kui ndunda-tso tsalyo.

LUKA 8:15

Indi tsilya tsa terinyi njicha, nyi iwo wekeicho idedo lilya, wakaliwada na ngoo njilalutsu wakakumbia ndunda na itirisia.”

YOHANE 14:20

Mkonu fulya ili fochishika ni mochimanya ke inyi njii-mlunge na Wande oko nanyo muiwalunge na inyi, na inyi njii-mlunge nanyo.

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 6:56

Na mndu kalya nyama tsako kawenyo samu yako nyio akaa kiidi kyako na inyi njikaa kiidi kyake.

YOHANE 8:31

Nahong'u Yesu kadeda na Wayuda walya wamwidikye kahamba, “Kokoya mokaa mukuwode na dedo lyako lyo-ng'u mochiwa wa kiloshyonyi kyako wa lohi.

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

1WATESALONYIKYE 3:5

Nkyo kitewe na inyi njilekiidima itsuwa ngamdumya kya imanya wuidiki wu wonu, kulako mtewi ulya amemtewa na mawina hadu hakawewa ha wulya.

WAEBRANIA 10:39

Indi so lulai wandu wewuya numa lochihenda ideka, kya indi lui waidiki lochiletsa-ho mrima.

1YOHANE 2:6

Mokihamba ke akaa ai msanze nao kimbaṟi nawe mohendekya mhendekye fumu na fulya a monyi awefuhendekye.

2YOHANE 1:9

Orio mndu ailosha wandu nao alawa mokaaa opfundo lo Kristo o awode Ruwapfo. Ichu awa mokaaa opfundo-lu, nyio awode Wande awewode na Mana.