YOHANE 15:2 - Bibilia Kui Mdedie fo Kimochi

² Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

YOHANE 15:2 Iomraidhean Croise

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

SHIIMBO SHA DAWIDI 92:14

Wechikumbia ndunda tane kiheri kya wuku, wechiwada poru na ing'ana necha.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

DANIELI 11:35

Na kiidi kya walya walaanyi wechioloka, kundu wakuilishe, wailisho na isanjo na iila peṟu, mṟasa ifurumia; kipfa nyi kikiteṟie nakyo kyameshikepfo.

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

MATAYO 13:12

Kipfa ichu awode nyi echinengo na yengeṟa kaveengeṟyo-engeṟyo. Kya indi ichu alawode na shilya awode echisoko da.

MATAYO 13:33

Kawuya kawaongoya mbonyi tsa mfanano tsingi, “Wumangi wo ruwehu nyi wufananyi na mdi foshimbiṟa mso. Mka kafuduo kafusanganya msonyi ipongo kaṟaṟu. Fukatana fotarang'a fose piu.”

MATAYO 15:13

Nao kahaluo kahamba, “Orio kindo ki kidonge kulawode nyi Wande o ruwehu akidongye na kekuṟuo.

MATAYO 21:19

Nalyo kawona mkuyu fukeri mamba na njia kacha na handu fudoe ma nalawone-ho ndunda, na mambale tupu. Kafuwia, “ma kulakumbie-se ndunda tsiwuka kunu kopfo!” Nalyo kudi mkuyu fulya fukauma ng'aa.

MATAYO 25:29

Nyi kipfa orio mndu ose ichu awode nyi echiinengo na yengeṟyo kawengeṟyo-engeṟyo. Kyaindi ichu alawode na ikyo awode kawesoko.

MATAYO 3:10

A-lilya soka li-iwike tsindenyi ya ikidi, orio ikidi lyada lilakumbia ndunda, na lyi manyo lyikumbo modonyi.

MATAYO 3:12

Nyi awerie na kindo kyake kyeela na owoko loke, na-weahia na alya kiwuhehu kyake namae, mbeke-tso nasanyie alya kikumbinyi, indi muulu-fo nafu kore na modo fulechiruma.”

MATAYO 7:19

Orio ikidi lyose lyada lilakumbia ndunda njicha, nyi lyechimanyo na ihenda ikumbo modonyi.

MARIKO 4:20

Kyaindi wengi nyi cha tsilya tsinjiwaye terinyi njicha. Nyi iwo wekeadanyia idedo lyo na iidikya wakakumbya ndunda; wengi makumi haṟaṟu, na wengi makumi haṟandaṟu na wengi ihana.”

LUKA 8:13

Na tsilya tsa ihohu nyi iwo wekeicho idedo lilya wakaliwada na sia, indi kindo walawode nyi mri, nyi wandu wekeidikia oweṟe kitutu, na kiheri kya mahesho wakakuletsana-ho.

YOHANE 15:1

“Inyi nyii msabibu fo lohi na Wande chu oko ai mndemi.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:3

Nyo mulemba watsane kui mweeke fo idedo lyo njilemuwia.

YOHANE 15:6

Mndu oose kada alakaa kiidi kyako o echikumbo kuleshe cha ṟamba lilawika lyikakumbo nja lyikawa mlalambodi. Wandu wakahasanya handu hamu wakahakumba modonyi hakakoṟo.

YOHANE 15:8

Wande oko naing'anyisho kokoya mokumbia ndunda tsifoi na iwa wa kiloshionyi kyako.

YOHANE 17:12

Mandi njiwei nawo njilewa mowaringa wawe weindya rina lyo lyapfo ulenjienenga. Nyi njiwepfo njewalaya choowe, ma kwipfo umu owo aledekapfo shile nyi mana chu o odetso kundu kidedo kilya Kiele kiinukie.

WAROMA 11:17

Indi komkoya maṟamba halya maata-ho ha msinepfu mcha halepahuo handu halya kukadongio ho iṟamba lya msinepfu fongeṟenyi. Kowa malungyo-ho na mru fo na malenda ha msinepfu,

WAROMA 11:22

Kyasia keweringang'u woloru wo Ruwa na wunesi woke. Wunesi nyi wuhoye walya warendemkye, indi wuoloru wo Ruwa wokukaya iyo kiwe ochikutambahana na woloru-wu; shile nyi wudo na iyo na ochipahwo-ho.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

1 WAKORINTO 13:1

Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 12:15

Muwe mochiambuya mnu, kundu kulawoneke-ho echiwuka wutongehu wo Ruwa, manya kulaalukye-ho mri fuipusa fochirohya fuweshika ifanyitsa wafoi.

1YOHANE 2:19

Nyi wammbuka kambenyi lyadu, kya indi walawepaṟikye kodu. Kyamba kima wawepaṟikye kodu wawechikaa naso. Indi kilehendeka kido kundu washike imanyika na pata ke chi wose wapaṟikye kimu nasopfo.

OTAMBAHALUO LO YOHANE 3:19

Iwa njiwakundi nyi njekewatutuma na iwatoṟisha. Aka wulalu udumbuye, wanza mrima lekena na manyamaṟo hapfo.