YOHANE 15:16 - Bibilia Kui Mdedie fo Kimochi

¹⁶ Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:16 Iomraidhean Croise

MAWOOKIONYI 18:18

Abrahamu mndu akaa nawe mkambo fung'anyi, ngohoda, na ipfo koke mkambo ya wandu wose wuyanenyi mpfondo wecha iwikio ona?

SHIIMBO SHA DAWIDI 145:4

Marika na marika wechiichika mawuto hapfo, Wechihaonguo mawuto hapfo manene.

SHIIMBO SHA DAWIDI 71:18

Manya ngakuo ngawada mhasa, hoi Ruwa, ulanjide. Mṟasa njiwie wandu wa rikalyi pfinya tsapfo, na orio mocha wuidimi wopfo.

MFANANO 11:30

Shilimu sha mndu mcha nyi ikidi lya moo; Na mndu mṟango nekekuruo mrima ya wandu.

YESAYA 27:6

Mfiri ikeri icha Yakobo nechikapa mri; Israeli nawaṟe shiwaṟo na ialuka; Nawo waichuṟe ndunda wuyanenyi kose.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

MATAYO 21:22

Na orio kindo kyose mokipfula kiterewyonyi kui iidikya na mochi-kiwona.”

MATAYO 7:7

“Keterewenyi, nyi mochiinengo kepfulenyi nyi mochiwona, kekapekapenyi mongo nyi mochifunguyo.

LUKA 6:13

Koikikya kalaha walya wa kiloshionyi kyake kasambuṟa-ho wasoṟo ikumi na wawi kawalaha nyi wasu,

YOHANE 13:18

“Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’

YOHANE 15:19

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 15:5

“Inyi nyi msabibu nanyo mukawa nyi maṟamba hafo. Ichu akulungye na inyi na inyi ngawekulunga nao nyio awa mowika ndunda tsifoi. Tare nyio inyi moidima iwuta kindopfo.

YOHANE 6:70

Yesu kawahalwo, “A chio inyi njilemusambuṟa nyo ikumi na wawi? Na ipfo kiidi kyanu umuho kawuya iwa mkumbi?”

MAWUTO HA WASU 1:24

Wakaterewa wakahamba, “Hoi-wo Mndumii, iyo uichi ngoo tsa wandu wose, keluloṟe nyi uhya-ho umsangye ipfo kiidi kya iwa wawi.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 10:41

Nawewono chi nyi wandu wosepfo, kya indi nyi wangochi walya wawei wasambuṟe nyi woko-so lulie na inyo kimu nao ili alemaa iṟuka wapfunyi.

MAWUTO HA WASU 22:14

Nao kahamba, “Ruwa o waku wadu nyi akusangye nomanye chila yake na iwona mhoṟotsu ulya na iicho ṟu liwukye dumbunyi lyake.

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

WAROMA 1:13

Indi njikundi mumanye, wanawawama, ke njiwelangie kafoi icha na ipfo konu cha ipfo mkambonyi iya ingi, kya indi ngaimo shika inu.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 15:4

Kyamba shilya shileṟehyo mbooko nyi shilemmaa iṟehyo shelulosha-so, kundu lukuwutye ikaa lochikusihya ipfo kundo mṟeho-yo ihambye ikukarishya lya waidiki wa kacha yechiluwihiṟya nalyo moo.

WAROMA 9:21

Mowumba chi awode pfinya na kilya alewumba nakuwutye chando akundi kumu kakuwumbya kihia kyechia kumu kakuwumbya-ho sa kyefana.

1 WAKORINTO 10:11

Ishi shilesanzyo iwutika ipfo kowo kui mbetesa indi shiishiṟehye kipfa kya wuikimbi womwikimba nyo mui-washitsye maheri hamandie.

WAGALATIA 1:15

Kya indi Ruwa awenteseheṟye kyako kyanya wokia wusunyi wo mai kawenkilahya kui wutonga woke.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

1TIMOTEO 2:7

Na inyi njiimbike-ho mwongoyi oyo na msu, ngamba mlosha molosha mkambo ya wandu kui wuidiki na wo-kiilohi ngahamba njido kya lohi njilawongisha kindo.

2TIMOTEO 1:11

Kyayo Ruwa nalenjisambura inyi njiwe msu na mlosha na moedia Ndumi ii ya Sia.

2TIMOTEO 2:2

Ambia kiloshio kilya uleicho koko oshangunyi lo wangochi wafoi sho ualie wandu waidikye iwa wasumuhanyi sa wechiidima ilosha wengi.

TITO 1:5

Kitewe kilennenga ngakuda kulya Krete nyi kundu umarise isungusia shilya shiwetsuhae shesungusia nohende iwika-pfo wameku orio mṟinyi yose njia iya njilekuwawasya.

WAEBRANIA 11:4

Nyi wuidiki wuleenenga Abeli adambikye Ruwa kidaso kichihianyi nao kota kya Kain, kashika ihenda iṟingishyo ke nyi ai mndu asumhana kimaduma kyawo. Kiṟingishyo ki nyi Ruwa aweṟingishye kikuwode na njodambiko tsake. Nawo (wuidiki wo) womenenga aideda-se mandi alemshikahenda ipfa.

YAKOBO 3:18

Indi mbeu yende ofoṟo yekeolyo kundo kuwode ofoṟonyi walya weitsa-ho ofoṟo.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.

1PETRO 3:2

Wechiambuya mchumie fonu mkeha mui na wuowuo woowu Ruwa.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

1YOHANE 4:19

So nyi luwode ikunda, kyamba o Ruwa alesonguo ilukunda.