YOHANE 14:6 - Bibilia Kui Mdedie fo Kimochi

⁶ Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 14:6 Iomraidhean Croise

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

YOHANE 1:4

Lyo liwerie moo, na moo fu fukawa sa ya wandu.

YOHANE 10:28

Na inyi ngahaenenga moo fo mlungana. Naho ma hechikaa hadeke-se ma mlunganapfo. Ma kwipfo mndu echiharakwo kunu owokonyi lokopfo.

YOHANE 10:7

Nahong'u Yesu kawawiase, “Nyi lohi kya lohi ngamuwia, inyi nyi mongo fohenda kundo machondi hai.

YOHANE 10:9

Ngiṟi iya nyio inyi. Mndu aida napfo aidia koko nyechikiṟo na yanga napfo na iwuka napfo nawekoya na ura.

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 15:1

“Inyi nyii msabibu fo lohi na Wande chu oko ai mndemi.

YOHANE 18:37

Naho Pilato kambia, “Nawo owei ng'u Mangi?” Yesu kahalwo, “Iyo omhamba nawo nji Mangi. Kyannenga ngafeo mndu nyi ikyo, kyawennenga ngacha na kunu wuyana nyi kundu njiṟingishie wukilohi. Orio mndu ose ichu apaṟikye wukilohi echicho ru lyako.”

YOHANE 5:21

Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 6:33

Kyamba mkate fu fui fo Ruwa nyio ichu asoke ruwehu kechienenga wuyana wu moo.”

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

YOHANE 6:68

Simon Petro kamhalwo, “Hoi Mndumii lukuhendye ko u ngesa? Nyio iyo uwode madedo haende moo fo mlungana.

YOHANE 8:32

Na imanya mochimanya wukilohi wu, na wukilohi wu wochimwashwo muwe wenyi-mkuachie.”

YOHANE 8:51

Nyi lohi kya lohi ngamuwia, Mndu awada madedoho hako echipfa ma indiipfo.”

MAWUTO HA WASU 3:15

Kyasia nyo mlewaaha mangi iya ya moo na Ruwa nyi alemṟutsa opfunyi, naso nyi waringishi wa mbonyi tso.

MAWUTO HA WASU 4:12

Ma kukipfo-se ungi aende okiiopfo. Kyamba kulakeri ma rina lingi kunu shia ruwehu li inengye wandu liwanyi lukiṟo nyilyo.”

MAWUTO HA WASU 9:2

Kambesa paruo tsehenda kulya Damasiko tsa kulya sinagogenyi, kundu, kakokya-pfo wandu wa njia ii wai womi ang'u waka, nawapfunge na iwaende na Yerusalemu.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 5:2

Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

WAROMA 5:21

Nyi kyawa kido kundu chando wunyamaṟi wuwei mangi yededa na pfinya ya opfu nyi wudo wutonga wuwe mangi ipfo mengenyi ya wuhoṟotsu wochiwika moo fo mlungana fo ipfo Mndumii-hu odu Yesu Kristo.

1 WAKORINTO 15:45

Nyi kuukuṟehye kudi, Adamu mndu o kuwoka nyi alewa mrima fuwode moo.

WAEFESO 2:18

Kyamba nyio lumbode ai moluitsa na ko Ruwa so wa njora tsi tsiwi Wayuda na wa mkambo ingi kui Mumuyo chu umu.

WAKOLOSE 2:17

Isho nyi shikeri mṟishe tupu fuisongoro nyi kilya kikeri yafukia nakyo nyi mbihu fo Kristo.

WAKOLOSE 2:9

Cha kipfa mfeṟa fo Wuruwa futsindye na Kristo fose fuwonekie nao kui mbihu.

WAKOLOSE 3:4

Mandi Kristo chu moo fonu echimanyika matika naho mochimanyika nanyo kimu nao wuitoṟinyi.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

WAEBRANIA 9:8

Lyo nyi lya Mumuyo Mwele amanyishye nalyo ke njia yeduo wuelenyi ilandeshika ipfunguka, ili indi hema lya kuwoka likihoṟoki-seho.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1PETRO 2:4

Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 1:8

Kokoya lokehamba ke lulai wanyamaṟi nyi lokulemba luwenyi na kilya kii-lohi kikeri nasopfo.

1YOHANE 2:23

Orio ose mokana Mana ma akuwode na Wandepfo. Mokihamba Mana nyio na Wande akuwode nao.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

1YOHANE 5:6

Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

2YOHANE 1:9

Orio mndu ailosha wandu nao alawa mokaaa opfundo lo Kristo o awode Ruwapfo. Ichu awa mokaaa opfundo-lu, nyio awode Wande awewode na Mana.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.

OTAMBAHALUO LO YOHANE 22:1

Nao malaika kanjiloṟa meda fo mṟinga mharami cha kilo la furie moo fuwei miili fuwode ngesa fuṟukye ipfo loṟikenyi lo Ruwa na Kidahina kilya.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.