YOHANE 13:13 - Bibilia Kui Mdedie fo Kimochi

¹³ Nyi mochekembia, ‘Njii Maarya na Mndumii, na kya lohi mokehamba kyamba na mbekukerye kudo.

YOHANE 13:13 Iomraidhean Croise

YEREMIA 1:12

Nalyo Mndumii kanjiwia, “Nowewona necha, kipfa njechiambuya idedo lyako kundu njiliinutsie.”

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

LUKA 10:28

Yesu kambia, “Na ohaluo kisumhanyi, kewewuta kudo na ochikaa uwone moo.”

LUKA 6:46

“Aka-nyo, nyiki ili mokenjilaha, ‘Mndumii, Mndumii,’ nanyo mlekewuta ikyo njekehamba?

LUKA 7:43

Simon kamhaluo kahamba “Ngakusaṟa na ulya aledeeyo sile ifoi-ko.” Nao kambia “Nodumbuo sungusihu teṟe.”

YOHANE 11:2

Na Maria nyi ulya aleshimbwo Mndumii na mafuda ha opfamu sa lucha, kaangatsa madende hake na njui tsa mdonyi foke. Na msacha chu oke nyio Lasaro ulya aweluo.)

YOHANE 11:28

Kekihamba ado kakure-pfo kahenda ilaha Maria ulya ai manomae kambia kya kiṟika, “Marya amcha nao nyi akulaha.”

YOHANE 11:3

Nahong'u washiki walya wake wakadumya Yesu ndumi wakahamba, “Hoi Mndumii, mbuya yapfo nyi aluo.”

1 WAKORINTO 12:3

Nkyo kimaduma ngammanyishya ke kulaipfo modeda awodo nyi Mumuyo o Ruwa awechihamba Yesu naseso, na kulaipfo aidima ihamba, Yesu ai Mndumii shile awodo nyi Mumuyo Mwele.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

WAEFESO 6:9

Nanyo mui wanene na wudo mwe mochikaya mudumbue kya ipoma lilya, ili muichi ke Mndumii owo na onu nyi kulya ruwehu ai. Na kulya koke kwipfo iindya mndu oshangunyipfo.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

YAKOBO 2:19

Iyo uidikye ke Ruwa nyio umu. Kowika kudo kyachia. Na waṟufu waidikye iki wechidedema.