YOHANE 10:16 - Bibilia Kui Mdedie fo Kimochi

¹⁶ Njiwode na machondi hengi-se halakeri ha mfiṟihafu. Kyaho nangaki na njihaende naho. Naho na hecheicho ṟu lyako. Naho kochikaa-ho ipo limu tupu na mlisi na umu mfi.”

YOHANE 10:16 Iomraidhean Croise

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

SHIIMBO SHA DAWIDI 86:9

Wa mkambo wose kulewawika wechicha. Wechikuolokia Iyo, Mndumii, wechiichimbiṟa rina lyapfo.

KOHELETI 12:11

Madedo ha walaanyi hafananyi na heolongia; cha msumari yekapia na iwadia kindo, nyi wudo wakeri walya madedo hawo iwo wai wanene wa wandu madedo hawukie ko mlisi umu.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 43:6

njiwie mtsudu wuta; na iyo nuka, kulaime; njiendienyi wana wako wawuka kuleshe na wana wako wawaka wawuka mtsitsioni fo oruka.

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 52:10

Mndumii natambaṟuye owoko loke luele Oshangunyi lo wandu wa mkambo fose; Na oruka lose, Lochiwona okiio lo Ruwa odu.

YESAYA 56:8

Mndumii-Ruwa, mosanyia wandu wose wai wafune kiidi kya Israeli nahamba, “Hamu na isho njechimsanyia na wengi ngoseṟa ya iwo wawei wake wawasanyie.”

EZEKIELI 34:12

Ambuya, chando mlisi ekepfula machondi hake harahanyikie, nyi na wudo njechipfula machondi hako ipfo kundu hawerahanyikie kiidi kya mtiima na meema fung'anyi.

EZEKIELI 34:23

Ambuya njikeri iwawikia mlisi umu huye yawo, mangi ai cha mṟundi oko Dawidi. Ichu nyi echiwalisa, nawewa mlisi owo.

EZEKIELI 34:6

Ee, machondi hako nyi halerahanyitso, hakawekuṟahiaṟahia mafumvunyi na kundu kukuirie. Machondi hako nyi halerahanyitso wuyanenyi kose, kulakaepfo mndu alekusaṟa kyaho manya ihapfula.

EZEKIELI 37:22

Na inyi njihenda iwahaluo wawe mkambo fumu kiidi kya mafumvu ha Israeli, nawo nyi wechihenda ichilio nyi mangi umu wose. Kyamba wechihenda iwase wa mangi tsiwipfo manya wechihenda ilekanase wawe mkambo iwi pfo.

EZEKIELI 37:24

Kyamba mṟundi oko Daudi nechiwa mangi yawo; iyee wechiwada mlisi umu tupu, nawo nyi wechichumia wechiosha chile tsako na iwuta shilya sha wuwawaso woko.

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

ZEKARIA 2:11

Wandu wa mbaṟi tsose wechiwadana na Mndumii, wechiwang'u wandu wako, na inyi njechikaa kiidi kyawo; na iyo nomanye ke Mndumii Menyi Matorito nanjidumya kopfo

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

LUKA 15:8

“Ang'u nyi mndu mka uhya awode shilingi tsake ikumi, ikadeka-ho imu, alechiatsa taa naahie ipfo mba, napfule wo-laalya itane aiwona?

YOHANE 10:11

“Mlisi mcha nyio inyi. Ichu ai mlisi mcha nyi nekerekya machondi hake moo.

YOHANE 10:2

Indi ichu aiida napfo aida oo mongonyi nyio ai mlisi o machondi.

YOHANE 10:27

Machondi ho hako nyi haicho ṟu lyako. Na inyi njihaichi naho hanjilatya.

YOHANE 10:3

Nao mringi o mfiṟiha kawempengeluya kichi. Na machondi halya hakaicho ṟu lyake. Na machondi halya hai hake amonyi kahalaha marina haho kahaduo nja.

YOHANE 10:4

Kamaa iduo halya hai hake nja hose nekehasongoya. Na machondi halya hakamwiwata kyamba haichi ṟu lyake.

YOHANE 10:5

Indi mndu mhenu hekemlatyapfo, kya indi nyi hekemdicha cha kipfa halaichi ṟu lya wahenu.”

YOHANE 11:52

Ma chi kyekiṟa mkambo fu fo wandu tupupfo kya indi kundu na wana wo wa Ruwa wanyanyaṟikye wo nawasanze wawe wamu.

YOHANE 17:20

“Indi chi iwa tupu ngawaterewyapfo. Nyi njiterewia-ho na walya wose wechinjiidikya kui mwongoye fowo.

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

MAWUTO HA WASU 15:14

Simeon ameluongoya chando Ruwa aleasa isenguda wandu wahenu nakuwonye-ho mkambo fuu mdumbuye rina lyake.

MAWUTO HA WASU 18:10

Kyamba inyi njikeri na iyo. Ma kuipfo echikupaya na ikulisa wukiwopfo. Cha kipfa inyi njiwode wandu wai wako sa weengi kunu mṟinyi ifu.”

MAWUTO HA WASU 22:14

Nao kahamba, “Ruwa o waku wadu nyi akusangye nomanye chila yake na iwona mhoṟotsu ulya na iicho ṟu liwukye dumbunyi lyake.

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

1PETRO 2:10

Ili kacha muwei wandu walai mkambo fo Ruwa, indi wulalu mui mkambo fo Ruwa. Ili kacha mulawesaṟyo nyi Ruwa, indi wulalu momemaa isaṟyo.

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.

1PETRO 5:4

Mukamba mudo nyi mochikudaya oṟo ilechinaa yehamba wuitoṟi matika na halya mlisi chu ang'anyi ewonekya.

OTAMBAHALUO LO YOHANE 3:20

Ambuya, ngahahoṟoka aa mongo njiikapakapa mongo. Mndu kaicho ṟu lyako kapengeluo mlango, nyi ipfo koke njechiida naapfo njechilya kimu nao, nao nechilya kimu na inyi.”