YOHANE 10:14 - Bibilia Kui Mdedie fo Kimochi

¹⁴ Mlisi mcha nyio inyi. Na inyi njiichi iho hai hako, naho hakawekunjimanya.

YOHANE 10:14 Iomraidhean Croise

YOHANE 10:27

Machondi ho hako nyi haicho ṟu lyako. Na inyi njihaichi naho hanjilatya.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

YOHANE 10:11

“Mlisi mcha nyio inyi. Ichu ai mlisi mcha nyi nekerekya machondi hake moo.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

SHIIMBO SHA DAWIDI 1:6

Kipfa Mudumii nyi aichi njia ya wasumhanyi, Indi kyama kya wamkika nyi kechideka.

OTAMBAHALUO LO YOHANE 2:2

Kye njiichi mawuto hapfo hose. Na njiichi wupfuṟukanyi wopfo na ikukarisha lyapfo. Na njiichi ke okekutirisia wandu wawichopfo.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAEFESO 3:19

Na imanya ke kikunda kya Kristo king'anye mtichie ya wuṟango yose kundu muwelutso itane mochikaa na welu ya Ruwa yose.

YOHANE 17:8

Kipfa madedo ha ulenjienenga nyi njilehawaenenga. Nawo wakahaambya; wakawuta-ho imanya ke nyi ipfo kopfo njicheye lohi, wakaidikya ke nyi iyo ulenjiduma.

OTAMBAHALUO LO YOHANE 2:19

Njiichi mawuta hapfo hose na mkundie fopfo, na mwidikye na mpfuṟukanye na mkukarishie, fopfo. Njiweichi na mawuta hapfo ha wulalu hamecha kota halya ha kuwoka.

OTAMBAHALUO LO YOHANE 2:13

Njiichi handu okekaa, nyi alya kidembonyi kya Satana. Kya indi iyo ukuwodie na rina lyako kowekaa kulawekana wuidiki wonjiidikya ma ilindi Antipa, mringishi oko sa mhendeli aleshika iwoho ipfo kidembonyi kya Satana.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

OTAMBAHALUO LO YOHANE 3:15

Njiichi mawuta hapfo hose. Kyaho uwode manya mrike manya mbeopfo. Nanga kokoya uwei ma mrike ang'u mbeo!

OTAMBAHALUO LO YOHANE 3:8

Njiichi mawuto hapfo hose. Ambuya, ipfo oshangunyi lopfo njipfunguye-ho mongo fulawa ishingo nyi mndu. Finya uwode ii ntutu mnu indi na ulekutaamba na mawawaso hako koindia kulakana rina lyako.

OTAMBAHALUO LO YOHANE 2:9

Njiichi matuuro hapfo na wukiwa wopfo, kya indi nyi ui msuṟi. Njiichi na shirumo walekuruma walya wakuhamba ke wai Wayuda nawo walai Wayuda kya indi wakeri siṟi ya Satana!

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

OTAMBAHALUO LO YOHANE 3:1

“Na msu ulya o siṟi ya Sarde ochimṟehya, ‘Aii ndumi ya ichu awode mumuyo iya mfungade ya Ruwa na nyenyeri tsilya mfungade, njiichi mawuto hapfo hose, ui-mhambe ke ui na moo ate nyi ukeri mpfu!

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

NAHUMU 1:7

Mndumii nai mcha, nyi oṟiho kiheri kya kiwi; naichi walya wemdichia.

YOHANE 10:13

Cha kipfa ili o ai mekelei ma echisaṟa machondi hopfo.