YOHANE 1:41 - Bibilia Kui Mdedie fo Kimochi

⁴¹ Andrea kawoka iwona manomae o Simon kambia, “Lombona Mesia.” (Nakyo kokihalwo kigriki nyi kimu na Kristo.)

YOHANE 1:41 Iomraidhean Croise

2WAMANGI 7:9

Kiidima wakawiana, “Mbonyi tsi luiṟunda tsitsichapfo, inu nyi mkonu fo mbonyi njicha, na-so lukatsia mṟasa kuke, lochihoyo nyi shindo shiwicho luhende iongoya wandu wa mba ya mangi.”

SHIIMBO SHA DAWIDI 2:2

Wamangi wa wuyana waikuteseheṟa, Na wanene wawada chila handu hamu, kipfa kya Mndumii, na Mesia oke

SHIIMBO SHA DAWIDI 45:7

Kulekunda lohi; kosuo mbaka. Ko ikyo Ruwa, Ruwa opfo nyiakushimbuo na mafuda, Mafuda ha sia kota wodoo.

SHIIMBO SHA DAWIDI 89:20

Njilewona Dawidi, mṟundi oko, ngamshia mafuda hako maele.

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

LUKA 2:17

Wameidima iwona wakahenda wechionguo mbonyi tsilya tsa kidedo kilya walewio kya kimana kilya.

LUKA 2:38

Nao kawecha naho, saa na iya, kaidapfuma Ruwa; kahenda kyechionguo kyake ko walya waweiwedia maletsionyi ha Israeli wose.

YOHANE 1:45

Filipo kawona Natanaeli kambia, “Hoo lomekuwonya ichu amhambe nyi Mose na waikimbi, nyio Yesu o Yosefu ulya o kulya Nasareti.”

YOHANE 4:25

Nahong'u mka ulya kambia, “Njiichi ke nyi kochicha Mesia elaho nyi Kristo. Nao mandi echicha o echilutambahaluya orio kindo.”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 4:27

Cha kipṟfa nyi lohi kunu mṟinyi fu Herode na Pontio Pilato handu hamu na wandu wa mbaṟi njihenu na wandu wa Israeli walesanza kya isinga lyapfo yele o Yesu ichu ulemshimbwo na mafuda.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.