YOHANE 1:4 - Bibilia Kui Mdedie fo Kimochi

⁴ Lyo liwerie moo, na moo fu fukawa sa ya wandu.

YOHANE 1:4 Iomraidhean Croise

SHIIMBO SHA DAWIDI 49:6

Wo nyi waikusiria masaa hawo, Na ikuṟumisha kipfa kya mfoeṟa fo wusuṟi wowo.

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

YESAYA 42:16

Njechiende shipfupfuṟe wacheye njia walaiichi; okondo walaluichi nyipfo njechiwateteṟa; njechihaluo meema fuwe saa oshangunyi lowo; na handu haolokie njechiichuṟa isho shose njechishiwuta, manya njechimudapfo.

MALAKI 4:2

Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

MATAYO 4:16

Wandu wadamie memenyi wawona ngeela ing'anyi, na walya wadamie orukenyi lo maṟishe ha opfu, wawonekio nyi ngeela.”

LUKA 2:32

Lya ngeela yedambuya wandu wa orio mbaṟi mbonyi; na lya kiṟumi kya wandu wapfo Israeli.”

YOHANE 11:25

Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 12:35

Yesu kawawia, “Kutsuhae-ho kiheri sa kyangu sa ii ikeri-se nanyo. Chumie ili mukeri na sa ii mulawone mohenda ihoyo meema, kyamba ichu mochumia memenyi aichi ma kundo ashikapfo.

YOHANE 12:46

Inyi nyi njicheye na kunu wuyana njikeri sa na orio mndu anjiidikye inyi kundu alakoye ikaa meemenyi.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 3:19

Na owingo lu lukeri luile: Nyi sa ilecha na kunu wuyana na wandu wakakunda meema kota sa. Kitewe kipfa nyi shindo watanye shiwei shiwicho.

YOHANE 5:21

Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 8:12

Nahong'u Yesu kawuya kadeda nawo lingi kahamba, “Inyi nyi sa ya wuyana. Mndu anjilatya nakihenda-se memenyipfo. Nechikaa ai na sa yende moo.”

YOHANE 9:5

Mandi njikeri kunu wuyana njii sa ya wuyana.”

MAWUTO HA WASU 26:23

Ke Kristo kiheri amaa iwawiṟo na iwiko msongoru kui iṟutso ko wapfu nawe moongwo mbonyi tsa sa ko mkambo fu na ko iya ya wahenu.”

1 WAKORINTO 15:45

Nyi kuukuṟehye kudi, Adamu mndu o kuwoka nyi alewa mrima fuwode moo.

WAEFESO 5:14

Kyamba shose shawutio kundo kuwode sa. Nkyo kimaduma; kohambo “Pang'uka iyo olaa, uṟukye uukye wapfunyi, nao Kristo echikulimika.”

WAKOLOSE 3:4

Mandi Kristo chu moo fonu echimanyika matika naho mochimanyika nanyo kimu nao wuitoṟinyi.

1YOHANE 1:1

So nyi lukeri imuṟehya kilya kiweepfo wuka mawookyonyi nyikyo lulekiicho lulekiwona na meso hadu, lulekiambuya na ikiwadawada na mawoko hadu, lyo Ideda lilya likeri moo.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 5:11

Na kiṟingishyo kilya kikeri kii-le, ke Ruwa ameluenenga moo fulunganyi, nafo nyifo moo fukukerye ipfo ko Manoke.

OTAMBAHALUO LO YOHANE 22:1

Nao malaika kanjiloṟa meda fo mṟinga mharami cha kilo la furie moo fuwei miili fuwode ngesa fuṟukye ipfo loṟikenyi lo Ruwa na Kidahina kilya.

OTAMBAHALUO LO YOHANE 22:16

“Inyi nyio Yesu ngamduma malaika oko namuṟingishye nyo ishi kya siṟi tsilya. Inyi nyio njana ya Dawidi njii oshari loke. Inyi njikeri Nyenyeri iya ya Ahera iya iwaa ngamenyi.”