YOHANE 1:10 - Bibilia Kui Mdedie fo Kimochi

¹⁰ Nyi idedo liwekeri kunu wuyana na wuyana wu wuwuumbe kui mweeke folyo na wuyana wu manya wulammanye.

YOHANE 1:10 Iomraidhean Croise

MAWOOKIONYI 16:13

Hajiri kalaha rina lya Mndumii-Ruwa ulya alededa nao, “Iyo nyi ui Ruwa okewona;” kipfa nalehamba, “Na iya ngawewona Ruwa ichu anjiwonyi, kawededa na inyi.?”

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

MAWOOKIONYI 18:33

Nahong'u Mndumii-Ruwa kekimarisa ideda na Abrahamu, kakuhendia, nao Abrahamu kawekuwuya handu hake.

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

YOHANE 1:11

O nyi alecha na orukenyi loke amonyi na iwo wai wake ma walamwambye.

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 1:3

Shindo shose shiipfo nyi shiishitane na mweeke folyo. Nalyo kulawode liweipfo kuwechitano kindo ma kimu kya isho shii-shitanepfo.

YOHANE 1:5

Na sa yo nyi iwaa ipfo meemenyi, na meema fu fulaiambye.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 5:17

Nao kawahalwo, “Ndeyako nyi aiṟunda kiheri kyose na inyi daa njiṟunda.”

MAWUTO HA WASU 14:17

Ma ili kiwei kidi nalekuda alakuṟingishya amonyi kui mecha hake awutye wandupfo kawa momwendie mvuo nginehu na imwinenga shiheri shesambuo kechimwihutsa ngoo tsanu shelya na sia.”

1 WAKORINTO 1:21

Cha kipfa ipfo kundo wuyana wu wulawemanya Ruwa kui wuṟango wowo nyi kuwewode wuṟango wo Ruwa kikachihiana na Ruwa ikiṟa waidiki kui mwongoye fusolongi.

1 WAKORINTO 2:8

Kyawo waitoṟi wa maindi ha ki-wulalu walawewuichi ma umu-ho. Cha kipfa nokoe wawewuichi wawechiwambya Mndumii menyi wuitori msalabenyipfo.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

WAKOLOSE 1:16

Kipfa ishi shose shiipfo maruwehu na kunu wuyana, shilya shiwonyio na shilya shilawonyio shilewiko ku mweke foke, manya shifumbi sha wuitoṟi, manya menge tsa wusuṟi manya wuwawa manya wuaapfinya. Ishi shose shilewiko nyio kundu shiwe shake.

WAEBRANIA 11:3

Nyi wuidiki woluenenga imanya ke wuyana wu wometano nyi idedo lya Ruwa, na kilya kiwono chi ipfo handu heambuya kipaṟikyepfo.

1YOHANE 3:1

Ambuyenyi kunda lya Ruwa chando ling'anyi, likaluenenga lusendo wana wa Ruwa, na lui wana. Nkyo kimaduma wuyana wu wulalumanya so, kipfa wulalemanya Ruwa.