YOELI 2:5 - Bibilia Kui Mdedie fo Kimochi

⁵ Kiheri tserundukarunduka matsitsionyi ha mafumvu, tsikaṟuṟuma cha magari ha frasi ha shida, ang'u tsikaṟunduma cha modo foida fochikoṟa masaho ha maimba. Wakuṟeheṟie cha mbahanyi tsing'anyi, tsikuṟeheṟie ikapana shida.

YOELI 2:5 Iomraidhean Croise

YOBU 39:20

Nyi iyo ulemhaluo narunduke cha nzihe? Wusuṟi wo ṟu lyayo lyaṟihisha!

IWUKA 5:12

Kyasia, wanduwo wakanyanyaṟikia orukenyi lose lo Misri kundu waidime isanyiapfo masaho ha mademenyi handu ha maṟa.

YESAYA 30:30

Nao Mndumii nechitewa wandu waicho ṟu lyake lya wuitoṟi, nao nechiwaloṟa chandu owoko loke lokesoka, na nyashi yake ing'anyi, na olewo lo modo furumatsa, hamu na mkuma, na otanu sa lwapfinya, na mvuo ya manzaho hechelela.

YESAYA 5:24

Ko ikyo chandu olewo lo modo lokerumatsa mashaku maumu, na natsi yaoloka modonyi na wudo rina lyawo lyechiwa owicho, na kiwaṟo kyawo kiwiwito huye nyi otanu cha kiluli; kipfa waleha iwawaso lya Mndumii menyi Matorito, na ipiṟa idedo lya ichu Mwele o Israeli.

YEREMIA 50:42

Wawode wuda na mfi, nyi wandu walang'a walawode osaṟio. Mtiṟi yawo nyi cha mrundumo fo ipalyipalyi, wadooye frasi hu wakuteseheṟie kichikichi ko shida, wache ikarisana na iyo Babeli!

MATAYO 3:12

Nyi awerie na kindo kyake kyeela na owoko loke, na-weahia na alya kiwuhehu kyake namae, mbeke-tso nasanyie alya kikumbinyi, indi muulu-fo nafu kore na modo fulechiruma.”

OTAMBAHALUO LO YOHANE 9:9

Tsiwei-nshikye shipeta na mawala cha mawala ha menya. Na makungo hatso halededa cha ili magari hekededa hakadichiṟyo shidenyi nyi frasi tsifoi.