YOELI 2:3 - Bibilia Kui Mdedie fo Kimochi

³ Chandu modo fukeṟumatsa, mbahanyi yo irumatsa orio kindo kikeri oshangunyi loyo, na ida mrumatso fung'amnyi fo orio kindo kikeri nduma yafo; mandi mbahanyiyo ilameidapfo, oruka luwekeri cha bustani ya Edeni; kyaindi ikameida, oruka lokedeo lui nuka ya msanga. Kuwode kindo kechiidima iliashukapfo!

YOELI 2:3 Iomraidhean Croise

MAWOOKIONYI 13:10

Loti kairia meso hake kawona pichi lyose lya Yordani, lyiwode mṟinga mandi Mndumii alawemekape Sodoma na Gomora, lyiwei cha mhunda fo Mndumii, cha oruka lulya lo Misri wohenda Soari.

MAWOOKIONYI 2:8

Mndumii-Ruwa kodonga mdemi Edenyi kulya ora lo ngamenyi, kawikapfo mnducho alemwumba.

SHIIMBO SHA DAWIDI 50:3

Ruwa odu nyiakeri icha alatsia, modo fochilya oshangunyi loke, masinanu hang'anyi hadihina mnu, hechimṟingichia njora tsose.

SHIIMBO SHA DAWIDI 97:3

Modo fokesonguo mbele yake, nafo fokekombetsa watuuri wake njoora tsose.

IWUKA 10:15

Cha kipfa tsileshikia oruka lose, itane meema focha; tsikalya shilimu shose sha orukenyi, na ndunda tsose tsa mashidi tsiletsuhaṟo nyi mvuo iya ya manzaho; kuledeo manya iṟa limupfo, ikidi manya kilimu kya mdeminyipfo, kulya orukenyi lose lo Misri.

IWUKA 10:5

natso tsechipfumba teri ya oruka, mndu nalaidime iwona orukalo; natso tsechilya mtsuhaṟofo isho shiletsuhaa shilekia numa ya mvuo iya ya manzaho, tsechilya orio ikidi lyechido kipfa kyanu ipfo mademenyi;

YESAYA 14:17

Alehaluo wuyana mrapu, kechipfuluo mṟi yake; Alechipfunguo wapfunge wahende kowo?

YESAYA 15:6

Kipfa mṟinga fo Nimrimu fui handu hanyamaṟikie, kipfa maṟa hauma, njana tsikanaa, maṟa mawishi hatsitsa.

YESAYA 33:4

Na wapfungo wapfo wechikunguwo cha mashinu, wechirunduka huye chandu nzihe tsikerunduka.

YESAYA 51:3

Kipfa Mndumii nawihiṟia mṟi fo Sioni moo; nahaluo nuka ya msanga ikawa cha mdemi fo Edeni, na pata cha dema licha lya Mndumii; seko na sia shechiwono kiidi kyake, iana na ṟu lyeimba.

YESAYA 9:18

Kipfa wuwicho wokerumatsa cha modo; wokelya mbeche na msha, yee, wokekoṟa ngeṟa na mashidi, wokedo huye kiidi kya mapuchi malemeri ha mtsu.

YESAYA 9:19

Kipfa kya nyashi ya Mndumii menyi Matorito oruka lu luirumara piu; wandu wa nawo wai cha ngu tsewika modonyi; kuwode mndu mosaṟia manomaye pfo.

YEREMIA 5:17

Wo nyi wechilya shilimu shapfo, na mkate fopfo, wechimarisa wana wanu wa kisoṟo na wa kika; wechilya mapo hapfo ha machondi na ha mbe, wechilya msabibu yapfo na mashidi hawode ndunda tseloda; wechinyamaṟa mṟi yapfo injiiṟihiye omombo, iya uwekusirie ee da, wechiinyamaṟa na oshu.

EZEKIELI 36:35

Nalyo wandu wechihamba, “Orukalu luei nuka ya msanga nyi lowa cha mdeminyi iya ya Edeni, na mṟiyo iwei wulya, iwei njisame na iwunduyo, ambuya wulalu wandu wakeripfo, iwewode na njomombo!

AMOSI 7:4

Ishi nsho Mndumii-Ruwa alenjiloṟa; ambuya Mndumii-Ruwa nalelaha kundu nalimbane na modo; nafo fukakomba mṟinga fui mapichinyi ha mapalyipalyi kufui furumatse handu hahadutsu.

HABAKUKI 1:6

Kipfa ambuyenyi njechiamtsa Wakalidayo wandu wa isanga walya walang'a wekehenda owinyi mnu; wekeida kiidi kya wandu kundu waitoṟie handu halai kowo.

ZEKARIA 7:14

Indi njechiwarahanyitsa na otanu kiidi kya wandu wa mkambo walawewaichi. Kyasia nyi wudo oruka luwei msefu numa yawo, ma kuwewode mndu aleidahopfo, ma alewuyapfo, kipfa walehaluo msefu oruka lulya luwei lucha.”