YOELI 2:13 - Bibilia Kui Mdedie fo Kimochi

¹³ Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

YOELI 2:13 Iomraidhean Croise

MAWOOKIONYI 37:29

Reuben kawuya na alya ṟungunyi lya mṟinga, ate! Yosefu ai kulya ṟungunyipfo, karanduo nguo tsake.

MAWOOKIONYI 37:34

Yakobo karanduo maṟao hake, kaṟaa ikunyia kitsinyi, na ifihiṟia mana mfiri ifoi:

2SAMWELI 1:11

Dawidi karanduo nguo tsake hamu na walya wose wawei kimu nao kipfa kya fowa tsing'anyi tsilewawada.

1WAMANGI 21:27

Ahabu kekiicho madedo ho, karanduo nguo tsake, kaṟaa makunyia mbihunyi foke kakuotoya, kapfa makunyienyi kahenda sa kyomboho.

2WAMANGI 22:11

Mangi kekiicho madedo ha kitapu kya mawawaso karanduo maṟao hake.

2WAMANGI 22:19

Kyamba kuletocha wunyamaṟi kowekunyiiṟa oshangunyi loko, mṟasa koranduo maṟao hapfo na ifihiṟa oshangunyi loko, ilyi kuleicho kilya njilehamba kya handu ha na wandu wa iya ke, kochiwa msefu na oseso, na inyi ngawekuicho da.

2WAMANGI 5:7

Mangi o Israeli kekisoma paruo iya, karanduo maṟao hake kahamba, “Ngesa inyi nyi Ruwa, njiwahe na iṟutsa, itane mndu chu nanjidikie mndu njimchiṟe saka yake? Manyenyi ng'u muwone mnduchu nakundi iloyana na inyi.”

2WAMANGI 6:30

Mangi ekiicho madedo ha mndu mka chu, karanduo maṟao hake (nao naweida huya omombo lo mṟi) wandu wakambona, ate naweṟee makunyia mbihunyi foke.

2MBONYI TSA MAHERI 6:27

waadanyie kuwuka kanyi kopfo ruwehu na iwahoṟia. Wandu waisraeli nyi waṟundi wapfo, ke waloshe kundu wachumie chandu ukundi. Ke dika mvuo orukenyi lopfo, sa ulewainenga na iwawikia kyasa ke, lochiwa kioṟa kyawo mlungana.

NEHEMIA 9:17

Wakaleha iosha; walakikumbuo ṟiho uletsiwuta kiidi kyawo. Wakawada mrima njiumu, nalyo wakasambuṟa mṟundi mowawihiṟa wusingenyi kulya Misri. Kyaindi iyo nyi Mndumii-Ruwa okehoṟia, uwode isaṟia na ikunda, manya ulekewado nyi nyashi owinyi. Isaṟia lyapfo nyi ling'anyi; ulakunde iwawihitsa.

YOBU 1:20

Kiidima Yobu kahoṟoka, karanduo maṟao hake, kaoda njui tsake, kakukumba wanda na kyaamu kaidapfuma Ruwa

SHIIMBO SHA DAWIDI 103:8

Mndumii naichuo osaṟio na wuoloru, ekewado nyi nyashi owinyipfo, naingiki osaṟio.

SHIIMBO SHA DAWIDI 106:45

Kakumbuo mkundano foke; kawasaṟia kui mfoeṟa fo osaṟio loke.

SHIIMBO SHA DAWIDI 34:18

Mndumii nyi ai hafui na walya wafunjikie mrima; walya wekunyiiṟa mrimenyi kawakiṟa.

SHIIMBO SHA DAWIDI 51:17

Kidaso kya Ruwa nyi ngoo ikunyiiṟie; ngoo ikunyiiṟie na ifunjika, hoi Ruwa ochiiminapfo.

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 58:5

Ngesa ikuotoya lya mbaṟi i njiwesambuṟie? Ngesa nyi mndu ikulisa wukiwa wo mbihu foke? Nyi ihongomitsa mdo cha iṟa lya msuki, na ikuwaṟahiya nguwo tsa masaṟa na ifu? Ngesa nochihamba nyi ikuotoya na Mndumii naweidikia?

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YEREMIA 36:7

Kofia orio umu owo nechida ohendo loke luwicho kipfa kwi nyashi na tuke njiwawo.”

YEREMIA 41:5

kulawode mndu ma umu amemanya mbonyi tso, kulecha wandu makumi nyanya (80) wawukie Shekemu, Shilo na Samaria. Waweodie ngerero tsawo na waweṟee nguwo tsiatukie na mbihu yawo injisaṟesaṟe. Waleende mwano ya mso na ubani shiwiko hekalunyi lya Mndumii-Ruwa.

YEREMIA 42:10

Kokoya mochikaa kiidi kya oruka lu, kyasia njechimuwika, ma njechimuwunduopfo, njechimuwaya ma njechimukuṟuopfo; kipfa njechiilacha mahiyo kya mawicho halya njilemuwutia.

EZEKIELI 9:4

Nalyo Mndumii kambia, “Ncho uhende iida ipfo kiidi kya mṟi fu fo Yerusalemu, uṟehiye kitanyio oshangunyi lo orio mndu amsokie nyi fowa kipfa kya mawicho ha haiwutika kiidi kya mṟi fu.”

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

YONA 3:9

Nacho aichi ke Ruwa echiluhooṟia madeko hadu nawelusaṟia alechilurumatsa kui nyashi yake?

YONA 4:2

Katerewa Mndumii kahamba ngakuterewa, “Hoi Mndumii; chi wudo njilehamba lilya mbekukerie orukenyi loko? Nkyo kitewe ndedichia Tarshishi, kipfa njiichi ke iyo nyi Ruwa menyi osaṟio, nyi ui mhoo, uwode nyashi ya kitusu pfo, nokeilacha mahiyo na ihooṟia wandu.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

MAITALA 14:18

‘Inyi Mndumii-Ruwa njekewado nyi nyashi owinyipfo, njiichuo woloru, na njekehooṟia wuwicho na madeko. Kyaindi manya kudo njechida njilakapa wana na wachuku na kishari kya kaṟaṟu na kya kaana kipfa kya wunyamari wo wafee wawopfo.’

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

WAEFESO 2:4

Indi o Ruwa molunga isaṟia ili awelukundi na mkundie fung'anyi fudo.

1TIMOTEO 4:8

Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.