YOELI 2:12 - Bibilia Kui Mdedie fo Kimochi

¹² “Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

YOELI 2:12 Iomraidhean Croise

2SAMWELI 24:10

Kyasia, Dawidi ameambilia mbonyi tsila tsa wandu waitalo, mrima foke fukasokio nyi fowa kadeda na Ruwa kambia, “Mndumii-Ruwa, ngakudekio mnu ko kindoki ngawuta. Ngaterewa nonjileheṟe kipfa kya utondo wu woko wung'anyi mnu.”

2MBONYI TSA MAHERI 30:6

Kyasia mangi na wasongoru wake wakaduma wandu, waṟaṟanje paruo, orukenyi lose lo Israeli na Yuda. Baruo yo iwewode ndumi yehamba, “Nyo wandu wa Israeli mulekia isaṟikio lya mangi o Ashuru. Wuyenyi Mndumii-Ruwa, Ruwa o Abrahamu, Isaki, na Yakobo, kundu nao nawemuwuya.

2MBONYI TSA MAHERI 6:27

waadanyie kuwuka kanyi kopfo ruwehu na iwahoṟia. Wandu waisraeli nyi waṟundi wapfo, ke waloshe kundu wachumie chandu ukundi. Ke dika mvuo orukenyi lopfo, sa ulewainenga na iwawikia kyasa ke, lochiwa kioṟa kyawo mlungana.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

IWUKA 33:5

Mndumii-Ruwa kawia Mose, “Wia wana wa Waisraeli, Nyo nyi wandu muwode ngoo njiumu; kokoya ngaida na kiidi kyanu oweṟe lumu, njechimrumatsa; kyasia wulalu kuatuonyi shindo shanu sha wulole kundu njiidime imanya kindo njechimuwutia.”

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YESAYA 58:4

Ambuyenyi nyo mukeri ikuotoya kundu mulimbane na iloyana, na ikapana nzina ya wuwicho. Mukuotoya mkonu fu fo inu na muirie ṟu lyanu huye.

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

YEREMIA 36:7

Kofia orio umu owo nechida ohendo loke luwicho kipfa kwi nyashi na tuke njiwawo.”

YEREMIA 4:1

Kokoya okunda iwuya, iyo Israeli, Mndumii ahamba, “Nochiwuya na koko inyi; na kokoya okunda iwuta ngafu ii kidi kyapfo, ilakae kufui na iyo nyi ochikia.

YEREMIA 4:2

Na iyo nyi wudi ochilya nyamu kui Rina lya Mndumii kui wukilohi, wusumuhanyi na wuhendeli, kochihamba, ‘So Mndumii ai na moo, Nlyondi mkambo fo wandu wechiwikio ona nyio, nawo wechimṟumisha.’”

EZEKIELI 33:11

Kipfa kya ikyo nyi ochiwawia kudi, so Mndumii-Ruwa ai na moo njekeseka ili mandi mndu apfa kipfa kya wunyamaṟi wokepfo, kyaindi kindo kinjichihiṟie nyi mndu cho ai mnyamaṟi nalekane na wunyamaṟi na mkao foke mmbicho kundu naidime ikaa na moo. Dumbuyenyi, wukanenyi na mawuto hanu mawicho nyo Waisraeli. Nki ili mukundi ipfa?

DANIELI 9:3

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

HOSEA 12:6

Wuyenyi ko Mndumii-Ruwa onu, kuwadenyi na ikunda na wukiilohi, muwekaa mkusirienyi ko Mndumii-Ruwa kiheri kyose.

HOSEA 12:7

Efraimu nyi afananyi na mndu mokapa mbucha, ekeṟunda na kipimo kekelemba, kawelemba nakyo wandu.

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

ZEKARIA 7:3

Wadede na Wakohanyi wa mba ya Mndumii menyi Matorito na waikimbi wo ke, “Na kinjiwaṟi ifihiṟa meeri fo katanu na ilekana na wandu, chando ndeuta maaka ii ifoi yameida?”

ZEKARIA 7:5

“Wia wandu wose wa oruka na wakohanyi ochihamba ilindi mulekuotoya na ikuinadya meeri fo katanu na meeri fo mfungade maaka yo makumi mfungade ngesa mulekuotoya kipfa kyako, mulekuotoya kyako?

MALAKI 1:9

Wulalu ngamuwia, terewenyi osaṟio lo Ruwa, kundu namwuinenge mboṟa; kokoya kindo ki kiwukie mawokonyi hanu; ngesa Mndumii o Matoṟito nechimuidikia?

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

WACHILI 2:4

Malaika ulya o Mndumii-Ruwa kyekiwawia wandu wose wa Waisraeli madedoha; wakakoṟoṟoma wechifihira.

WACHILI 20:26

Wandu wose wa mbahanyi wa Israeli wakahenda Betheli. Walekaa oshangunyi lo Mndumii-Ruwa wechifihiṟa na ikuotoya mṟasa kyukanyi. Wakawutia Mndumii-Ruwa mwano yemaya modonyi na mwano ya ofoṟo.

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”

1SAMWELI 7:6

Koikyo Waisraeli wose wakasanza kulya Mispa. Waledahia mṟinga na ifuletsia wanda oshangunyi lo Mndumii-Ruwa wakakuotoya mkonu fulya fose, wakahamba, “Lomewuta wunyamaṟi oshangunyi lo Mndumii-Ruwa.” (Samweli nawei msongoru o Waisraeli kulya Mispa).