YOELI 2:1 - Bibilia Kui Mdedie fo Kimochi

¹ Kapenyi membe ipfo Sioni; kapenyi iranda huye ya ifumvu lyako liele! Wandu wose wa oruka lo Yuda, dedemenyi kipfa mkonu fo Ruwa fotikiria!

YOELI 2:1 Iomraidhean Croise

1MBONYI TSA MAHERI 15:28

Kyasia, Waisraeli wose wakaduo isanduku lilya lya mkundana lya Ruwa Yerusalemu wai na sia ing'anyi, wechishina na ikapa ombe, membe, matoasi, na ṟu lying'anyi lya shinanda na shinubi.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 87:1

Mndumii nawika mṟi foke huye ya fumvu lyake liele.

IWUKA 10:14

Na nzihe tso tsikarunduka huya oruka lose lo Misri, tsikalaa orukenyi lose lo Misri, tsiwenjiwawo iki kiwicho-wicho; kulalemekaepfo nzihe cha itso kiheri kyo kyose, manya numa ya itso kochiwoneka tsingi cha itsopfo.

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 13:9

Ambuya mkonu fo Mndumii fuicha, mkonu fui mbawo, fo nyashi yake ing'anyi, kundu inyamaṟe oruka lu na wanyamaṟi, wose walawone wechikaapfo.

YESAYA 2:12

Kipfa kechiwa mkonu fo Mndumii menyi Matorito, huye ya wandu wose wenyi orikiki na ikushela, na huya wose wakuirie; shose shechiolotso wanda.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YESAYA 66:5

Adanyienyi idedo lya Mndumii, nyo muidedema kipfa kya idedo lyake; Wana wa wama wanu wamsuo nyo, walemukumba kipfa kya rina lyako, wahamba, “Mndumii naichiko, luidime iwona sia yanu; indi nyi wechisukio.

YEREMIA 16:10

Na iyo ili ochiwia wandu-wa madedo ha hose wo wechikuwesa! Kitewe Mndumii-Ruwa nahambe madedo mawicho hadi kipfa kyadu nki? Deko lida lulewuta? Nyi wunyamaṟi wuda lulewuta. Mndumii-Ruwa Ruwa odu?

YEREMIA 16:7

Kuwode moinenga ichu ampfie kelyapfo, manya mringa fommbihiṟia moo nanyo kipfa kya ipfiio nyi ndeye angu mae-pfo.

YEREMIA 4:5

Hambenyi kiidi kya Yuda, onguonyi kiidi kya Yerusalemu, na ihamba, “Kapenyi iranda kiidi kya oruka, fahiya mnu na ihamba sanzenyi handu hamu, luide kidi kya mṟi iwode omombo.”

YEREMIA 5:22

Ngesa mochinjiowuo inyi? Mndumii awesa. Mochidedema oshangunyi loko inyi njilewika mlelya oṟiho lo ipalyipalyi, kui iwawaso lya mlungana mṟinga lularunduke ma masinamu hakakuuriya halaluidime kindo; na hakakuma na pfinya hechiidima iida-pfo.

EZEKIELI 12:23

Nochiwawia Mndumii-Ruwa nyi ahamba mdedie fo mbaṟi fochihenda iwono kiidi kya Israeli pfo kyamba mfiri yameafukia na kilya kiweikikiimbe kyose nyi kihenda iawutsio.

EZEKIELI 21:12

Kapa kilio Iyo mndu, kyamba oshu lui huye ya wandu wako, luwekeri huye ya wanene wose wa Israeli. Wose iwa wahenda ipfo hamu na wandu wako, kapa kipeta kyapfo ko fowa.

EZEKIELI 30:3

Kyamba mkonu fulya nyi fotikiria, mkonu fulya fo Mndumii-Ruwa nyi fotikiria, Mkonu fo nyi fochiwa fo mapuchi, mkonufo nyi fochiwa fo ngapo ko wandu wa mkambo.

EZEKIELI 33:3

nao mringicho kawona watuuri waicha, kakapa iranda lyekekedia wandu,

EZEKIELI 33:6

“Kyaindi kokoya mringi ulya echiwona mkituwa kecha nao alakape ombe lo lokekedia wandu kipfa kya watuuri wakeri icha, nahong'u watuuri wakacha wakawaha mndu oose kiidi kyawo, mndu cho awoho nyi ideko lya mringi cho. Ambuya njechiwuwuya opfu lo mnducho ko mringi cho.

EZEKIELI 7:10

“Ambuya mfiri fo fuicha! Irumatso lyanu lyameawukia. Wunesi wudunganyi orio handu na orikiki womeoṟa.

EZEKIELI 7:12

Kiheri kyamshika na mfiri yametikiria. Ichu aihuṟa manya alachihio, ma ichu aikumba alasokio nyi fowa, kipfa ngapo iya ichea wandu wose.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 9:16

Hoi Mndumii-Ruwa, ngakuterewa chandu kirianyi na wukiilohi wopfo, nyashi yapfo ukunde ihooṟa, na ida mṟi fu fo Yerusalemu fumvu lyapfo lyele; kipfa kya wunyamaṟi wodu na wuwicho wo wandeadu, mṟi fu fo Yerusalemu foisalucho nyi wandu wose waluṟingichie.

DANIELI 9:20

Kyasia ilyi njiwekeri ideda na iterewa, na itocha njonyamaṟo tsako na tsa wandu wako wa Israeli, na iterewa mnu Mndumii-Ruwa, Ruwa oko kipfa kya fumvu lyele lya Ruwa oko;

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

HOSEA 8:1

Kapenyi iranda! Kyamba mkituwa nyi aicha cha mbeṟo, nasokie mba ya Mndumii-Ruwa, kyamba nyi waletehiya mkundana foko, wakaweleha wuwawaso woko.

YOELI 1:15

Ochia lodu kya mkonu fulya fo Mndumii-Ruwa, mkonu fulya fo Mndumii-Ruwa fotikiria; fuicha handu hamu na orumatso, fuwuka ko Mndumii-Ruwa.

YOELI 2:11

Mndumii-Ruwa naiachikia wasikari wake ko ṟu ling'anyi. Wasikari wake wafoi mnu, walya wekeindia iwawaso lyake wechiidima italopfo. Kya lohi mfiri fo Mndumii-Ruwa fumnene na foowesha mnu! Nyiu echiidima itirisia?

YOELI 2:15

Kapenyi ombe ipfo Sioni! Wawasenyi wandu wakuotoye; lahenyi shisanzio sheadapfuma Ruwa.

YOELI 2:31

Mmbaṟi fochiwa mema, meri fochifana samu, mkonu fo Mndumii-Ruwa fulameshika, mkonu mnee na foowesha.

YOELI 3:14

Waicha kiungu kiungu kulya pichinyi lyeanduya mondu? Kipfa mkonu fo Ruwa foanduo mondu fotikiria kufui.

YOELI 3:17

“Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

AMOSI 3:6

Ngesa, ombe lochikapo mṟinyi, wandu walechiowuo? Mṟi fochiwona ngapo, ilanjiende nyi Mndumii?

AMOSI 5:18

Ochia lonu! Nyo muilanga mfiri fo Mndumii nkili muilanga mfiri fo Mndumii? Nyi meema chi sapfo.

AMOSI 8:2

Kanjiwia, “Amosi, nkiki uwonyi?” Ngahamba, “Njiwonyi kikunja kya ndunda tsa kuari.” Nahong'u Mndumii kanjiwia, Mtsitsionyi fo wandu wa Israeli foshika; njechiwasaṟia-se manyalepfo.

OBADIA 1:15

Kipfa mkonu fo Mndumii fui hafui ko wandu wa mkambo wose; chando kulewuta, nyi wudo ochiwutio; wueri wopfo wochikuwuya wuche huya mdo fopfo iyo kumonyi.

SEFANIA 1:14

Mkonu fo Mndumii fung'anyi fui hafui Nyi hafui, fuikambiṟa icha Ee, ṟu lya mkonu fo Mndumii, Mbahanyi nafihiṟa kewawio mnu,

SEFANIA 1:16

mkonu fo taṟumbeta na singiri Mṟi injiiṟihiye omombo, Iwode shitanga shileshe mnu.

SEFANIA 1:7

Tsia sau oshangunyi lo Mndumii-Ruwa; kipfa mkonu fo Ruwa fui hafui; Mndumii nyi ateseheṟie kidaso, Nyi ailyishiye wahenu wake.

SEFANIA 3:11

Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

ZEKARIA 14:1

Ambuya mkonu fo nyashi ya Mndumii fukeri icha. Mkonu fo nyo wandu wa Yerusalemu, masaa hanu hechihawo oshangunyi lo meso hanu.

ZEKARIA 8:3

Mndumii nahamba, njilewuya Sioni na wulalu njechikaa makidi hawi ha Yerusalemu; na Yerusalemu yechilaho mṟi fo lohi, fumvu lya Mndumii menyi Matorito, fumvu yele.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MAITALA 10:2

“Sungusia taṟumbeta tsiwi tsa fesa intsane, tselaha wandu na kiheri kewunduo handu hesia moo.

MAITALA 10:3

Tsose tsitsiwi tsikamekapo handu hamu, wandu wose wechikuwumbia kufui na iyo kufui na mongo fo ihema lyesanzia.

1 WAKORINTO 14:8

Kyamba na ombe lo shida koka lolekya ṟu lilamanyikye nyi o ku echikuṟehyeṟa kya ihenda kiwahanyonyi?

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

1WATESALONYIKYE 5:2

Kipfa nyo muwenyi mwichi na kamu ke mkonu fo Mndumii, cha mwiwi o kio nyi wudo fochicha.

YAKOBO 5:8

Nanyo kekukarishyenyi-ng'u mudo mochidamiṟa madima hanu, kyamba nyi kufui Mndumii echikuloṟa.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

OTAMBAHALUO LO YOHANE 6:17

Kipfa mkonu fu mnene fo matuuke hawo fomcha. Nyi wu aidima ikuhoṟokya-ho?”