YOELI 1:4 - Bibilia Kui Mdedie fo Kimochi

⁴ Nzihe kisanzio ko kisanzio, tsahoya shilimu; na shilya shatsuhaṟo shikalio nyi shiwana shatso, nashilya shatsuhaṟo nyi maalea hatso shikamariso nyi mashinu hatso.

YOELI 1:4 Iomraidhean Croise

1WAMANGI 8:37

“Kokoya kuwode njaa orukenyi, ang'u ndaṟe ya makokoi, ang'u mbaṟi fung'anyi, ang'u ohonjo, ang'u wandu wapfo wakatengetio nyi wakituwa ora lose lo mṟi fose, kokoya kuwode ngapo yose ang'u ndaṟe yose,

2MBONYI TSA MAHERI 6:28

“Kokoya kuwode ngumia na kelya kikawuṟika orukenyi, na shilimu shikauma, ang'u ipuo, ang'u shikalio nyi nzihe ang'u mashinu; na wandu wakawado nyi njaa ing'anyi; na kokoya waturi wawo waṟingicha oruka na mṟi yawo, ang'u wandu wapfo wakawado nyi ndaṟe tsinjiwicho tsa mbaṟi tsifoi.

2MBONYI TSA MAHERI 7:13

Kokoya ngapfunga ruwehu kulasoke pfo mvuo, ang'u ngadika nzihe tsikalya shindo shose sha mademenyi, ang'u ngadika ndaṟe imbicho ikawawiṟa wandu.

SHIIMBO SHA DAWIDI 105:34

Nalehamba, nzihe tsikacha, na nzihe tsilewa iitala;

SHIIMBO SHA DAWIDI 78:46

Shilimu shawo kashiinengia ohonjo, na nzihe iṟunda lyawo.

IWUKA 10:4

Ang'u, koleha iinenga wanduwo wako momu wakuhendie, ambuya, ngama njechiende nzihe tsiide na orukenyi lopfo;

IWUKA 10:5

natso tsechipfumba teri ya oruka, mndu nalaidime iwona orukalo; natso tsechilya mtsuhaṟofo isho shiletsuhaa shilekia numa ya mvuo iya ya manzaho, tsechilya orio ikidi lyechido kipfa kyanu ipfo mademenyi;

YESAYA 33:4

Na wapfungo wapfo wechikunguwo cha mashinu, wechirunduka huye chandu nzihe tsikerunduka.

YEREMIA 51:14

Mndumii-Ruwa o matorito nalya nyamu yake. Na kya lohi njikuichuṟia wandu wapfo wa mbahanyi cha nzihe, nawo wechikapa mṟoṟo fo wuwinzi huye yapfo.

YEREMIA 51:27

Iria bendeṟa ya shida wuyanenyi, kapa taṟumbeta kiidi kya wandu wa mkambo; teseheṟa mkambo ikapana nao; laha mangi isaṟikia; mangi tsa Ararati, Mini na Ashkenazi. Wika mbahanyi sumhana nawo; ende frasi cha mapo ha nzihe.

YOELI 2:25

Njechimuwihiṟia shilya shoshe shileliyo makayo ya nzihe, na orio kindo kileliyo nyi okamba njilemudikia lo tunutu, paraṟe na matumatu, mbahanyi yo inga'nyi njilewadikia!

AMOSI 4:9

Na inyi ngawemukapa na wuumu wo kwaari; madema hanu ha msabibu na mkuyu njicha na mashidi ha msinepfu shose shikalio makuṟu na nzihe, mulakunde ihaluka munjiwuuye, Mndumii ahamba.

AMOSI 7:1

Ishi nsho Mndumii-Ruwa alenjiloṟa, ambuya, nalewika nzihe mawookyonyi ha ialuka lya kilimu kiheri kya fuli; ambuya iwekeri kilimu kiheri kya fuli mangi amemaa isambuo.

MALAKI 3:11

Na inyi kipfa kyanu njechidedia molya, manya echinyamaṟa mbeu tsa demenyipfo; ma msabibu fonu fochiolotsa ndunda kiheri kilameshika-pfo, Mndumii menyi Matoṟito ahamba.

NGUMBUO YA MAWAWASO 28:38

“Mochiwaaya mbeu tsifoi kyaindi mochisambuo kilimu kitutu kyamba nzihe tsechilya shilimu shanu.

NGUMBUO YA MAWAWASO 28:42

Ndunda tsanu tsose na shilimu shanu mademenyi shechilio nyi nzihe.