YAKOBO 5:4 - Bibilia Kui Mdedie fo Kimochi

⁴ Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.

YAKOBO 5:4 Iomraidhean Croise

MAWOOKIONYI 4:10

Mndumii-Ruwa Kahamba: “Nkiki owuta iki samu ya monomayo injieṟeṟia ipfo terinyi.

YOBU 34:28

Wakatewa kieṟeṟo kya wakiwa kikashikia Ruwa, Ruwa kaicho kieṟeṟo kya iwo wailiso wukiwa.

YOBU 7:2

Nafananyi na isinga lilangie kiṟinje, cha mndu eketao ifurumia lya meri, chandu ekewedia na macha wueri woke.

SHIIMBO SHA DAWIDI 9:12

Motaa kiṟaache kya samu nawekumbuo, Alehadima kifuhiyo kya wafafa-pfo.

IWUKA 22:27

Kyamba nyio nguo awode tupu yekushikia, ngesa nyi kiki echikushikia nakyo? Kechiwa, ili echinjifihiṟia inyi, njechimadanyia; cha kipfa inyi nyi menyi osaṟio.

IWUKA 3:9

Kyasia, ambuya, kieṟeṟo kya wana wa Waisraeli kyamenjishikia; na ngamewonase matuuro ho hawo sa Wamisri waiwatuura.

YESAYA 1:9

Kokoya Mndumii menyi Matoṟito alaleludeeya mtsuhaṟo mwaangu, luwechiwa cha Sodoma na ifanana na Gomora.

YESAYA 5:7

Kipfa mdemi fo msabibu, fo Mndumii menyi Matorito nyi mba ya Israeli na wandu wa Yuda, ni njana yake sa ncha, kalanga iwona mwanduye fo lohi, ate nalewona iwonyia; kalanga iwona lohi, ate kaicho kilio.

YESAYA 5:9

Mndumii menyi Matoṟito nadeda madunyi hako, “Nyi kya lohi mamba hafoi hechiwa wukiwa, ye da, mamba hang'anyi, mecha, hechituṟa wandu.

YEREMIA 22:13

“Ochia lo mndu mowika mba yake na wuwicho, na shiṟiha shake na mtambo, motewa ungi naṟunde alawode wueri, ma nalamnenge wueri woke.

WALEWI 19:13

“Kulalembe wamṟasa opfo manya imiiwia. Wueri wo mndu ambike kiṟundionyi wulakae kopfo kio taṟaṟaa tane ngamenyi.

HABAKUKI 2:11

Ambuya iho lyechifuha omombonyi na mriti fochihaluo mashidinyi.

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MATAYO 9:37

Nalyo kawia wa kiloshyonyi kyake, “Shesambuo nyi shifoi indi weṟunda wakanyia-ho,

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

WAROMA 9:29

Kiwe chando Yesaya alewesonguo ihamba, “Kima Mndumii Menyi-Matoṟito alawelutsuhaṟya luwa nyi luwewa cha Wasodomu na ifanana na Wagomora.”

NGUMBUO YA MAWAWASO 15:9

Ambuyenyi mahio mawicho halakae mrimenyi yanu, mochihamba, ‘Maka fo mfungade, maka fohoṟia wasile fui kufui; mukaleha iinenga mano mayanu mkiwa kindo kyose; nechiidima ililia Mndumii-Ruwa kipfa kyanu na ikyo kikamuwiia wunyamaṟi.

WAKOLOSE 4:1

Nyo wanene, muwonye masinga kilya kisumhanyi na wuleheṟi mochimanya ke nanyo mui na Mndumii ipfo ruwehu.