YAKOBO 1:12 - Bibilia Kui Mdedie fo Kimochi

¹² Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

YAKOBO 1:12 Iomraidhean Croise

MAWOOKIONYI 22:1

Nahong'u mbonyi tsi tsameida Ruwa nalehesha Abrahamu, kambia, “Oo Abrahamu.” Nao kahamba, “Nyi iya njii.”

NEHEMIA 1:5

ngahamba, “Hoi Mndumii-Ruwa, Menyi Matorito, iyo nyi ui Ruwa ang'anyi uoweshie, okeringa mkundana fopfo na isaṟia lyapfo ko walya wakukundi na iosha mawawaso hapfo.

YOBU 2:10

Yobu kahaluo mka oke kambia, “Iyo nyi ukeri ideda cha umu o waka watondo. Luleambia shicha shifoi shiwukie ko Ruwa, kitewe lulehe na ishi shiwicho shiwukie koke nyi ki?” Kiidi kya shindo sho-shose, Yobu alededa wodekio Ruwa-pfo.

YOBU 5:17

“Nanga ya ulya ekekapo nyi Ruwa! Ko ikyo ulamine ili Ruwa menyi pfinya akuhoṟuo.

SHIIMBO SHA DAWIDI 11:5

Mndumii nyi akeri ihesha wai wasumhanyi Indi mrima foke fusuo alasumhanyi, Na ulya akundi sha mbaka.

SHIIMBO SHA DAWIDI 119:67

Njilameliso wukiwa inyi njiwedekie, indi wulalu njihendelie idedo lyapfo.

SHIIMBO SHA DAWIDI 119:71

Kiwei kicha koko ke njileliso wukiwa, njiidime ikulosha mawawaso hapfo.

SHIIMBO SHA DAWIDI 119:75

Njiichi ke mdumbuye yapfo nyi ya sungusihu, Hoi Mndumii, na kui wuhendeli wopfo kulenjituura,

SHIIMBO SHA DAWIDI 5:11

Iwo wose wekekudichia wechichihiyo; Wechikapa ngululu tsa sia mlungana. Kya iyo nyi okewaringa walya wakundi rina lyapfo wechikesa kyapfo.

SHIIMBO SHA DAWIDI 94:12

Ee wo Mndumii, nanga mndu ulya okemtoromisha, na imlosha kui iwawaso lyapfo;

IWUKA 20:6

na inyi njekesaṟia shiku ka shiku iwo wanjikundi, na iwada mawawasoho hako.

MFANANO 17:3

Modo ko fesa na okaa ko sahapu; Indi Mndumii nekehesha ngoo tsa wandu.

YESAYA 64:4

Kipfa wokia kacha wandu walekunda iichopfo, ma imanya kui madu hawo, manya riso lilewona Ruwa-pfo, sile nyio mowuta shindo kya ulya mokuweda.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MATAYO 10:22

Nanyo muwe nyi mochisukya wandu wose kipfa kya rina lyako. Kya indi ichu mokarishya-ho kaweda kushike ili masiyonyi echikiṟo.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

LUKA 6:22

“Wungusu nyio ili wandu wechimsuo na imuuma wakawemuuma na imruma-ruma na ikumba rina lyanu kuleshe cha ili liwei liwicho, nasho na kitewe kya Mana o Mndu.”

WAROMA 5:4

Na ikuhoda-li lyekeende otsano na otsano-lu lokeende owedi.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

1 WAKORINTO 2:9

Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.”

1 WAKORINTO 8:3

Chila nyi mndu akundi Ruwa; ichu nyi ammanye nyio.

1 WAKORINTO 9:25

Na orio morekyana nyi ekekuotoya kya shindo shose, kyasia nawo iwo nyi kundu waambye oṟo ya kiṟumi iya yechisia, kya indi so nyi kundu luwade iya ilechisia.

NGUMBUO YA MAWAWASO 13:3

mulaadanyie madedo ha mwikimbicho ang'u mlashacho o ndodo, cha kipfa Mndumii-Ruwa, Ruwa onu, nekewaduma imuhesha kundu namanye kokoya mumkundi o Mndumii-Ruwa, Ruwa onu, na ngoo yanu yose na mrima yanu yose.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.

NGUMBUO YA MAWAWASO 8:2

Kumbuonyi chandu Mndumii-Ruwa, Ruwa onu, alemuteteṟa kulya kyaṟonyi kileshe; ikyama kulya nuka ko makayo makumi haana, kundu namutiichie na imuhesha namanye isho muweiikusaṟa mrimenyi yanu, kokoya muweiwada mawawaso hake ang'u ote.

2TIMOTEO 2:15

Itika ikumanyishya Ruwa mṟundi mtsane alawode ipfia sonu iṟunda lyake echilosha idedo lya ki-wulohi kui wuhoṟotsu.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

WAEBRANIA 10:32

Wuyenyi ikumbuo mkonu iya mulekutirisia ngapanonyi njumu ya mawawyo.

WAEBRANIA 11:17

Nyi wuidiki wukaenenga Abrahamu aleshika idasa Isaki ilindi aweihesho kadambikya-ho ichu oke kimumu mfi. Nao nyi awei mteṟye shiteṟyo shilya.

WAEBRANIA 12:5

Nanyo mulemaa ihadima wukarishi wulya, ipfondo modedyo mui wana, “Manoko, ma kulamine ihenda itsano nyi Mndumii. Ma kulalolome ili odedyo nyio.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

YAKOBO 5:11

Ambuya lokesendya nanga iwa walemkutirisia. Mukameicho ikutirisia lya Yobu na ipfo kundo Mndumii aleliinutysa mukamkuwona. Kipfa Mndumii ekesaṟya wandu saṟi ewaichio wukiwa.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

1PETRO 4:13

Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

1PETRO 4:14

Nanga nyo kokoya moilo kipfa kya rina lya Kristo, kipfa Mumuyo fo wuitoṟi, nyifo fo Ruwa fuimsokya.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1PETRO 5:4

Mukamba mudo nyi mochikudaya oṟo ilechinaa yehamba wuitoṟi matika na halya mlisi chu ang'anyi ewonekya.

1YOHANE 4:19

So nyi luwode ikunda, kyamba o Ruwa alesonguo ilukunda.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 3:19

Iwa njiwakundi nyi njekewatutuma na iwatoṟisha. Aka wulalu udumbuye, wanza mrima lekena na manyamaṟo hapfo.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.