WALEWI 23:3 - Bibilia Kui Mdedie fo Kimochi

³ Kochikaapfo mfiri iṟandaṟu yeṟunda. Kyaindi mfiri fo mfungade nyi fo sabato: nyi mfiri fosiamoo, mochiṟundapfo, na machiwada kisanzio kiele. Mkonufo fo mfungade mochiṟundapfo, iyo nyi sabato sa injishimbuo ke yako Inyi Mndumii-Ruwa, kiidi kyanu mose.

WALEWI 23:3 Iomraidhean Croise

IWUKA 16:23

Mbonyi tso Mose kawawia, “Nlyo idedo Mndumii-Ruwa alededa, ‘Ngama nyi mkonu mwele fosia moo, Sabato njiele ko Mndumii-Ruwa; kahaṟenyi sa mochikahaṟa, koṟenyi sa mochikoṟa na ikyo kechitsuhaa suṟumenyi necha mṟasa ngamenyi.’”

IWUKA 16:29

Ambuyenyi, kyamba Mndumii-Ruwa nalemwinenga nyo sabatoyo, kipfa kya ili amunengie mkonu fo kaṟandaṟu kelya kya mkonu iwi; orio mndu nakae handu hake, mndu oose nalakure o handu hake mkonu fo mfungade.”

IWUKA 16:30

Kyasia, wanduwo wakasia moo mkonu fo mfungade.

IWUKA 23:12

Mkonu iṟandaṟu nochiṟunda iṟunda lyapfo, na mkonu fo mfungade nochisia moo, kundu mmbe tsapfo na nzoi tsapfo tsiidime isia moo, numa mana o kisinga kyapfo na mhenu waidime iwuuyo nyi moo.

IWUKA 34:21

Nochiṟunda maṟunda mkonu iṟandaṟu, kyaindi mkonu fo mfungade nochisia moo; kiheri kedema madema, na kiheri kesambuo daa, nochisia moo.

YESAYA 56:2

Nanga ichu mowuta isho, na mndu ulya mowada mawawaso hako chandu kii kidede kya mkonu fo sabato alatehie ho ma ndambu imu, ichu aringie mawoko hake halawute wunyamaṟi.”

YESAYA 56:6

Wahenu walya waweosha Mndumii kundu wamṟundie na ikunda rina lya Mndumii, iwa waṟundi wake, orio mowuta kisumhanyie sabato nalaifanyitse na iwada mnu mkundana foko;

YESAYA 58:13

“Kokoya oilacha mawuto hapfo ulatahache Sabato, ulawute na ikaa wuseṟeṟinyi mkonu foko Mwele; kolaha sabato mkonu fo sia, na mkonu Mwele fo Mndumii fuwode wuindi, kofuṟumisha, kulakioshese mahio hapfo kumonyi;

WALEWI 19:3

Orio umu onu kimbaṟi naindie mae na ndeye, na iindia mfiri yako ya Ruwa, Inyi nyio Ruwa Menyipfinya, Ruwa onu.

LUKA 13:14

Kyaindi mnene ulya moambuya sinagoge kapfuluko nyashi, kipfa lya Yesu achiṟa mkonu fo Sabato, kawia wandu walya, “Nyi kuwode mfiri iṟandaṟu yeṟunda lanyie, iwaṟi iṟunda, kyasia, njonyi mkonu-yo muchiṟo, ma mlache mkonu fo Sabato!”

LUKA 23:56

Wawuya-pfo, wakacha iṟeheṟa mdi ya opfamo hamu na mafuda hemshia. Mkonu fulya fo Sabato wakatsinda wakutsiiye chando kiweei kiwawase.

MAWUTO HA WASU 15:21

Kyamba kiheri sa kileshe madedo ha Mose hawode waimhamba orio mṟinyi ya wandu ili ekesomyo-ho ipfo masinagogenyi orio mkonu fo Sabato.”

OTAMBAHALUO LO YOHANE 1:10

Ili kuweipfo mfiri fui fo Mndumii njilewado nyi Mumuyo, ngaicho ipfo numaako ṟu ling'anyi lyededa cha ombe.