WALEWI 23:10 - Bibilia Kui Mdedie fo Kimochi

¹⁰ “Wia Waisraeli kudi: Ilyi mochiida na ipfo orukenyi sa njechimuinenga mukasambuo shilimu shalo, mochiendie mkohanyi mhanda fo shilimu sha kuwoka.

WALEWI 23:10 Iomraidhean Croise

IWUKA 22:29

Kulakeleo injiendie mwano ya ndema lyapfo ya kuwoka ya Ngano na mvinyo, na mafuda ha msinefu. Na nochinjiendie wana wapfo wakisoṟo wawee.

IWUKA 23:16

na mkonu mnene fo shilimu, ndematso tsapfo tsawuka mademenyi hapfo; na kingise, mkonu mnene fosanyia, masiisonyi ha maka, ilyi ochisanyia isho ulewinyia demenyi.

IWUKA 23:19

Shakuwoka sha ipfo msengonyi ya oruka lopfo nochishiende na mmbenyi ya Mndumii-Ruwa opfo. Kulakoṟe kidahina kiidi kya maruwa ha mae.

IWUKA 34:22

Na iyo nochiindia mkonu mnene ya mfungade, nayo nyi yewoka isambuo kilimu kya Ngano, na mkonu mnene yesanyia shindo masiiyonyi, ha maka.

IWUKA 34:26

“Shilimu sha kuwoka sha orukenyi lopfo nochishiende noshiwike mmbenyi ya Mndumii-Ruwa opfo. Kulakoṟe kidahina handu hamu na maruwa ha mae.”

EZEKIELI 44:30

Ambuya ndunda tsa kuwoka tsa mdemenyi fopfo na tsa orio kindo na shidaso sho shapfo shose nyi shechiwa sha wakohanyi. Kingise nyi ochiende kelya kyapfo kya kuwoka kya mso ko wakohanyi kundu mba tsanu tsihende iwikio mboṟa.

WALEWI 14:34

“Ilyi mochiida na orukenyi lo Kanaani, sa njimuinenga luwe kyoṟa kyanu, na inyi ili njechiwika ndaaṟe ya saka mmbenyi ya orukalo lo kyoṟa kyanu;

WALEWI 23:11

Mkohanyi nechiwika nayo kichano kenjiinenga ili lya ngama kundu muidikio.

WALEWI 23:17

Orio kishari kechiende mkate iwi walekie mwano fo kichano oshangunyi loko Inyi Mndumii-Ruwa. Orio mkate kiwaṟi fusungusio fo shilo shiwi sha mso mmamiri fumbike kitarang'asha; nafo mochinjiendie Inyi Mndumii-Ruwa, fui nyi wuleki wonu wo kilimu kya kuwoka.

WALEWI 23:9

Mndumii-Ruwa, nalewia Mose,

MAITALA 15:2

“Wia Waisraeli ke ili mochishika ipfo orukenyi njechimuinenga handu mochikukaya,

MAITALA 28:26

“Kiidi kya mfiri fo kuwoka fo mfiri mnene fo shilimu ili mochiendie Mndumii-Ruwa kilimu kyanu kihya, mochiwika kisanzio kiele; mulawute kiṟundio.

WAROMA 11:16

Komkoya kipeṟengu kya mkate kii kiele, na mkate fo fose mso fo mruwe fui mwele na komkoya mri fo ikidi fumcha na maṟamba ho naho hamecha.

NGUMBUO YA MAWAWASO 16:9

“Mochiitala mfungade, mfungade mochiwooka iitala wokia mowoka isambuo shilimu.

YAKOBO 1:18

Nyio alekunda kalufee so kui idedo lya kii-lohi kundu lukae-pfo lui odambiko lulya lo wuwee lusongoe mawumbe hake.

YOSHUA 3:15

Oweṟe cha ilu walya wawekudikie isanduku lilya lya mkundano wakashika medenyi fo Yordani na ndifo tsawo tsikachuma mṟinga fulya wambaṟa ya meda (meda fo Yordani nyi fokefohika kiheri kya shilimu).

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.

RUTI 1:22

Nahong'u Noemi kawuya kimu na Ruti Mmoabu malyi oke; walewuya wawuka orukenyi lo Moabu wakashika Bethlehemu mawokyonyi hesambuo Ngano.