WALEWI 20:2 - Bibilia Kui Mdedie fo Kimochi

² “Wia Waisraeli kudi: Mndu oose kiidi kya Waisraeli ang'u mhenu ai kiidi kyanu, kalekia mana oke oose nawe kidaso ko ruwa lyelaho Moleki kimbaṟi mnducho nawoho. Wandu wa handuho wechimbaha na maho.

WALEWI 20:2 Iomraidhean Croise

1WAMANGI 11:7

Kuwode fumvu lii ora lo ngamenyi lo Yerusalemu, Solomoni kawika ho handu hedasia Kemoshi, mkituwa o Wamoabu, na handu hedasia Moleki, mkituwa o Waamoni.

2WAMANGI 17:17

Waledasa wana wawo wa kisoṟo na wa kika ko maruwa ha wongo, wakadumbuo iosha wehamba shisuku na wasawi wakakuwika pfinya yewuta mawicho oshangunyi lo Mndumii-Ruwa, wakamsuiṟa mnu nakamu.

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

SHIIMBO SHA DAWIDI 106:38

Wakapusuo samu ilai na mti, samu ya waleu wawo na wa kika wawo, wakawalekia shidaso ko mfanano ya Kanaani; oruka lukateṟefutso kui samu.

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

YEREMIA 7:31

Wakawika handu hakuiriye ko ‘Tofethi,’ kui pichi lya mana o Hinomu, kundu wakoṟe wana wawo wa kisoṟo na wa kika kui modo kindo njilalekiwawasa, ma injiida mrimenyi foko pfo.”

EZEKIELI 20:26

ngawewaleka wakufanyitse wawenyi kiidi kya shidaso shawo, kyamba nyi waledasa wana wawo wawe shidaso shemaya modonyi. Iki kikawa ngapo kowo kundu wawuteho imanya ke inyi nyi Mndumii-Ruwa.

EZEKIELI 20:31

Ili mandi muiwuta shidaso shanu, mochikoṟa wana wanu modonyi chi muleengeṟa ikufanyitsa na sanamutso mṟasa inu. Aka ngesa iyo mba ya Israeli nochiidima injiwesase kindo? So Mndumii-Ruwa ai na moo, ochiidima injiwesase kindopfo.

EZEKIELI 23:37

Kyamba nyi walewa waṟuhui na wawahi. Wakawewa wameluki na iindia sanamu tsa maruwa hawo wakaweinengia shidaso sha wana wawo ko sanamu tso.

EZEKIELI 23:39

Kyamba mkonu fulya fulya walewuta wana wawo wawe shidaso ko sanamu tsilya tsa maruwa hengi nyi waleida na mbenyi yako njiele kundu waifanyitse. Ishi nyisho walewutia mbenyi yako.

WALEWI 17:13

“Mnducho oose ai o wana wa Waisraeli, ang'u o wahenuwo wai kiidi kyanu, sa echiwada indo lii na moo, ang'u ilehe lyekelio, kilasionyi kyake; nechipusuo samu yalyo, na iishikia terinyi.

WALEWI 17:15

Kingise, orio mndu echilya mnying'a, ang'u nyama sa iraherahe nyi indo, kokoyanyi mndu amfee kiidi kyanu, ang'u nyi mhenu, nechisanja nguo tsake, nawesamba kose na mṟinga, nao nechiteṟefuka mṟasa kyukanyi; nlyondi echiheṟemka

WALEWI 17:8

“Na iyo nochiwawia, Mnducho oose kiidi kya mba ya Israeli, ang'u kiidi kya wahenu, wekekaa nawo, ekelekia kidaso kekoṟa ang'u kidaso,

WALEWI 18:21

“Kulalekie mana opfo oose nawe kidaso ko ruwa Moleki, cha kipfa iwuta kudo noisalucha rina lyako Inyi Ruwa opfo. Inyi nyi Ruwa Menyipfinya.

WALEWI 20:1

Ruwa Menyipfinya kawia Mose,

WALEWI 20:27

“Mndumsoṟo ang'u mndumka oose ekeloha ang'u msawi, na ate nawoho kekapo na maho. Woose wechiwuwuyo samu yawo wawenyi.”

WALEWI 24:14

“Wuta manakecho aleruma na nja ya mfiṟiha na walya wose waleicho kechiruma wahekie mawoko hawo huya mdo foke, na wandu wose wambahe wechimkumbia maho.

WALEWI 24:16

Mnducho oose nawe nyi menyikanyi ang'u nyi mhenu echiruma Mndumii-Ruwa, wandu wose wechimbaha wechimkapa na maho.

WALEWI 24:23

Nahong'u Mose kawia Waisraeli mbonyitso tsose. Wakaduo mndu ulya aleruma Mndumii-Ruwa, nja ya mfiṟiha, wakambaha wechimkapa na maho. Nyi wudo Waisraeli walewuta chandu Mndumii-Ruwa, alewawasa Mose.

MAWUTO HA WASU 7:43

Ote, nyi hema lya Moloki muleliira-se na nyenyeri ya Ruwa lyanu Romfa; ntso njofano muletsana muwenyi kundu mutsioloke wanda. Na inyi njechimusamiṟa muhende kuleshe mutano moshika Babilon.’

NGUMBUO YA MAWAWASO 12:31

Mulaindie mudo Mndumii-Ruwa, Ruwa onu, cha kipfa orio kindo kipfulutsie Mndumii-Ruwa nyashi waleshihaluo maruwa hawo; tane wakoṟa wana wawo wa kika na wa kisoṟo modonyi, wechidasia maruwa hawo.

NGUMBUO YA MAWAWASO 17:2

Kokoya moicho mndumka ang'u mndumsoṟo o ipfo mṟinyi fumuho mṟi yanu ekewuta mawicho oshangunyi lo Mndumii-Ruwa, Ruwa onu, ifunja mkundana foke

NGUMBUO YA MAWAWASO 18:10

Kulakae mndu oose awuta mana oke o kisoṟo ang'u o kika kidaso ke koṟa, ang'u nawe kidaso ke koṟa modonyi manya ilasha, manya motangalatuo, manya ihenda ndashenyi,

NGUMBUO YA MAWAWASO 21:21

O wandu wa mṟifo wechimkumbia manacho maho mṟasa napfe. Nyi wudo mochitoromesha wuwichowo kiidi kyanu. Orio mndu kiidi kya Waisraeli nechiicho kindoki na nechiowuo.”

NGUMBUO YA MAWAWASO 22:21

wechimduo alya mongo fo mba ya ndeye, na wasoṟo wa mṟifo wamkape na maho mtano apfa, kipfa nawuta kindo kya wusutsu kiidi kya Waisraeli kawa mṟuhui ai kanyi ko ndeye. Nyi wudo mochitoromisha wuwichowo kiidi kyanu.